മദ്യപാനികള്ക്ക് ആശ്വസിക്കാന് വകയുണ്ട്; എല്ലാ ബ്രാന്ഡിനും വില കൂടില്ല, ധനമന്ത്രിയുടെ വിശദീകരണം
ഒരു നിയന്ത്രണവും ഇല്ലാതെ മദ്യവില കൂട്ടുന്നത് മയക്കുമരുന്ന് ഉപഭോഗത്തിലേക്ക് തള്ളിവിടുകയും കുടുംബങ്ങളെ കണ്ണീരിലാഴ്ത്തുകയും ചെയ്യുംമെന്ന് പ്രതിപക്ഷ നേതാവ്
തിരുവനന്തപുരം: സംസ്ഥാന ബജറ്റില് മദ്യവിലയില് സെസ് ഏര്പ്പെടുത്തിയതിനെ ന്യായീകരിച്ച് ധനമന്ത്രി കെ എന് ബാലഗോപാല്. എല്ലാ മദ്യത്തിനും സര്ക്കാര് സെസ് ഏര്പ്പെടുത്തിയിട്ടില്ലെന്ന് എല്ലാ മദ്യത്തിനും വില വര്ദ്ധിക്കില്ലെന്നും മന്ത്രി വ്യക്തമാക്കി. 500 രൂപയ്ക്ക് മുകളിലുള്ള മദ്യത്തിന് മാത്രമാണ് വില കൂടുന്നതെന്നും 500 രൂപയ്ക്ക് താഴെയുള്ള മദ്യത്തിന് വില കൂടില്ലെന്നും മന്ത്രി അറിയിച്ചു. 500 രൂപ മുതല് 999 രൂപ വരെ വില വരുന്ന ഇന്ത്യന് വിദേശ നിര്മ്മിത മദ്യത്തിന് മാത്രമാണ് വില കൂടുന്നതെന്നും അദ്ദേഹം വ്യക്തമാക്കി.
500 രൂപ മുതല് 999 രൂപ വരെയുള്ള ഇന്ത്യന് വിദേശനിര്മ്മിത മദ്യത്തിന് ഒരു ബോട്ടിലിന് 20 രൂപയും 1000 രൂപ മുതല് മുകളിലോട്ടുള്ള മദ്യത്തിന് 40 രൂപയുമാണ് വര്ദ്ധിപ്പിക്കുന്നത്. സാമൂഹ്യ സുരക്ഷ സെസ്സാണ് മദ്യത്തിന് മേല് ഏര്പ്പെടുത്തിയിരിക്കുന്നതെന്ന് മന്ത്രി വിശദീകരിച്ചു. 400 കോടി രൂപയാണ് മദ്യത്തിന് ഏര്പ്പെടുത്തിയ സെസിലൂടെ അധികമായി പ്രതീക്ഷിക്കുന്നത്.
അതേസമയം, മദ്യത്തിന് അടക്കം വില വര്ദ്ധിപ്പിച്ച നടപടിക്കെതിരെ വിമര്ശനം ശക്തമാണ്. പ്രതിപക്ഷം അടക്കം ബജറ്റിനെതിരെ രംഗത്തെത്തിയിട്ടുണ്ട്. ഒരു നിയന്ത്രണവും ഇല്ലാതെ മദ്യവില കൂട്ടുന്നത് മയക്കുമരുന്ന് ഉപഭോഗത്തിലേക്ക് തള്ളിവിടുകയും കുടുംബങ്ങളെ കണ്ണീരിലാഴ്ത്തുകയും ചെയ്യുംമെന്ന് പ്രതിപക്ഷ നേതാവ് വി ഡി സതീശന് പറഞ്ഞു.
യാഥാര്ത്ഥ്യ ബോധത്തില് നിന്നും അകലുന്ന ബജറ്റ് നിര്ദ്ദേശങ്ങളെ അംഗീകരിക്കാനാകില്ല. ആറ് വര്ഷത്തിനിടെ ഉണ്ടായ ഏറ്റവും വലിയ നികുതി കൊള്ളയാണ് ഈ ബജറ്റിലുണ്ടായിരിക്കുന്നത്. 3000 കോടിയുടെ നികുതിക്ക് പുറമെ കെട്ടിട നികുതിയായി 1000 കോടി പിരിച്ചെടുക്കാന് തദ്ദേശ സ്ഥാപനങ്ങളോടും നിര്ദ്ദേശിച്ചിട്ടുണ്ട്. ഇതോടെ ജനങ്ങള്ക്ക് മേല് അടിച്ചേല്പ്പിക്കുന്ന നികുതിഭാരം 4000 കോടി രൂപയാകും.
സംസ്ഥാനത്തിന്റെ സമ്പദ് വ്യവസ്ഥയിലും ജനജീവിതത്തിലും ദുരിതം അടിച്ചേല്പ്പിക്കുന്ന അശാസ്ത്രീയ നികുതികള് പിന്വലിക്കാന് സര്ക്കാര് തയാറാക്കണം. സാധാരണക്കാരന്റെയും പാവപ്പെട്ടവരുടെയും തലയില് അധികഭാരം അടിച്ചേല്പ്പിച്ചുള്ള നികുതി കൊള്ളയ്ക്കെതിരെ യു.ഡി.എഫ് പ്രത്യക്ഷ സമര പരിപാടികളിലേക്ക് കടക്കുകയാണെന്ന് പ്രതിപക്ഷ നേതാവ് വ്യക്തമാക്കി.
കഴിഞ്ഞ ബജറ്റിലെ പ്രഖ്യാപനങ്ങള്ക്ക് വേണ്ടി ഒരു രൂപ പോലും ചെലവഴിച്ചിട്ടില്ല. എന്നിട്ടും അതേ പ്രഖ്യാപനങ്ങള് ആവര്ത്തിച്ചിരിക്കുകയാണ്. എല്.ഡി.എഫ് പ്രകടന പത്രികയില് വാഗ്ദാനം ചെയ്തിരുന്നതനുസരിച്ച് മുന് ബജറ്റുകളില് പ്രഖ്യാപിച്ച 7500 കോടിയുടെ വയനാട്, 12000 കോടിയുടെ ഇടുക്കി, 2500 കോടിയുടെ കുട്ടനാട്, 5000 കോടിയുടെ തീരദേശ പാക്കേജുകളൊക്കെ എവിടെപ്പായി? ഈ ബജറ്റില് അത് 75 കോടിയുടെ ഇടുക്കി പാക്കേജും 25 കോടിയുടെ വയനാട് പാക്കേജുമായി മാറി. പാക്കേജുകളൊന്നും പ്രഖ്യാപിച്ചതല്ലാതെ ഒരു കാലത്തും നടന്നിട്ടില്ല. ബജറ്റ് പ്രഖ്യാപനങ്ങള്ക്കൊന്നും വിശ്വാസ്യതയില്ലാതായി മാറിയിരിക്കുകയാണെന്നും പ്രതിപക്ഷ നേതാവ് വ്യക്തമാക്കി.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google