ഉച്ചഭക്ഷണം ഉൾപ്പെടെ 500 രൂപയ്ക്ക് താഴെ; ഇൻഡസ്ട്രിയൽ വിസിറ്റ് പദ്ധതിയുമായി കെഎസ്ആർടിസി

തിരുവനന്തപുരം: സ്കൂൾ വിദ്യാർത്ഥികൾക്ക് ഒരു ദിവസം ഭക്ഷണമുൾപ്പെടെ വ്യവസായ സ്ഥാപനങ്ങൾ സന്ദർശിക്കുന്ന ഇൻഡസ്ട്രിയൽ വിസിറ്റ് പ്രോ​ഗ്രാമിന് കെ എസ് ആർ ടി സി തുടക്കം കുറിക്കുമെന്ന് ​ഗതാ​ഗത മന്ത്രി കെ ബി ​ഗണേഷ് കുമാർ. ഉച്ച ഭക്ഷണം ഉൾപ്പെടുന്ന ടൂറിന് 500 രൂപയിൽ താഴെയായിരിക്കും ചാർജ്. രാവിലെ പുറപ്പെട്ട് വൈകുന്നേരം തിരികെ എത്തുന്ന രീതിയിലാണ് ക്രമീകരണം. വ്യവസായ സ്ഥാപനങ്ങളെക്കുറിച്ച് വിശദീകരിക്കുന്നതിന് പരിശീലനം ലഭിച്ച അധ്യാപകരുടെ സേനവം ഉപയോ​ഗിക്കും. അടുത്ത ഘട്ടത്തിൽ കോളേജ് വിദ്യാർത്ഥകൾക്കുൾപ്പെടെ സേവനം ലഭ്യമാക്കും.

112 കേന്ദ്രങ്ങളിൽ നിന്നും ശബരിമല ബജറ്റ് ടൂറിസം പദ്ധതിക്കും കെ എസ് ആർ ടി സിയിൽ തുടക്കമായി. ശബരിമല ദർശനം കഴിഞ്ഞ് തിരികെ എത്തിക്കുന്ന രീതിയിൽ ക്ഷേത്രങ്ങൾ കേന്ദ്രീകരിച്ചാണ് സർവീസുകൾ ആരംഭിക്കുക. ബുക്കിം​ഗ് അനുസരിച്ച് ബസ്സുകൾ കൂടുതൽ ക്രമീകരിക്കാനും കഴിയും. നിലവിൽ പമ്പയിൽ കെ എസ് ആർ ടി സി സർവീസുകൾ ക്രമീകരിക്കാൻ കഴിഞ്ഞിട്ടുണ്ടെന്നും മന്ത്രി പറഞ്ഞു.

ഡ്രൈംവി​ഗിന്റെ ശാസ്ത്രീയ രീതികളും മോക്ക് ടെസ്റ്റുകളും ഉൾപ്പെടുന്ന ​ഗതാ​ഗത വകുപ്പിന്റെ പുതിയ മൊബൈൽ ആപ്പ് ഉടൻ നിലവിൽ വരുമെന്ന് മന്ത്രി പറ‍ഞ്ഞു. ഇതിൽ ഡ്രൈംവിം​ഗുമായി ബന്ധപ്പെട്ട എല്ലാ നിയമവശങ്ങളും പഠിപ്പിക്കുന്ന വീഡിയോകൾ ഉൾപ്പെടും. മലയാളത്തിന് പുറമെ ഹിന്ദി, ഇം​ഗ്ലീഷ്,തമിഴ് , കന്നഡ ഭാഷകളിലുള്ളതിനാൽ മറ്റ് സംസ്ഥാനങ്ങളിൽ നിന്നടക്കം ലോകത്തിന്റെ ഏത് കോണിലുള്ളവർക്കും ആപ്പ് പ്രയോജനപ്പെടും. വിവിധ ലൈവലുകൾ കഴിഞ്ഞ് പരീക്ഷ പാസാകുന്നവർക്ക് ട്രാൻസ്പോർട്ട് കമ്മീഷണർ നൽകുന്ന സർട്ടിഫിക്കറ്റ് ലഭിക്കും.

​ഗതാ​ഗത വകുപ്പിന്റെ എല്ലാ സേവനങ്ങളും ഉൾപ്പെടുന്ന മറ്റൊരു മൊബൈൽ ആപ്ലിക്കേഷനും ഉടൻ നിലവിൽ വരുമെന്നും മന്ത്രി പറഞ്ഞു. റോഡ് സേഫ്റ്റിയും കെ എസ് ആർ ടി സി റിസർവേഷനടക്കമുള്ള മുഴുവൻ സേവനങ്ങളും ഈ ആപ്പിൽ ലഭിക്കും. ട്രാഫിക് സി​ഗ്നൽ ലൈറ്റുകളുടെ സമയക്രമത്തിലെ അപാകത പരിഹരിച്ച് കൊണ്ട് പലിടങ്ങളിലും പരിപാലന ചുമതല ​ഗതാ​ഗത വകുപ്പ് ഏറ്റെടുത്തിരിക്കുകയാണ്. അങ്കമാലി, പന്തളം, കാലടി ഉൾപ്പെടെ പല പ്രദേശങ്ങളിലും നിലവിലുണ്ടായിപുന്ന ​ഗതാ​ഗത കുരുക്ക് ഒഴിവാക്കാൻ ഇതിലൂടെ കഴിഞ്ഞെന്നും മന്ത്രി കെ ബി ​ഗേഷ്കുമാർ പറഞ്ഞു.