Click it and Unblock the Notifications
Just In
Don't Miss
-
ആ വേല കൈയ്യിലിരിക്കട്ടെ! ഹെൽമെറ്റ് ഇട്ടിരുന്നില്ല എന്ന പേരിൽ നഷ്ടപരിഹാരം തള്ളാനാവില്ലെന്ന് മദ്രാസ് ഹൈക്കോടതി -
എത്ര കഠിനമായ താരനും അകറ്റും, ചൊറിച്ചിലില്ലാത്ത തല ഉറപ്പു നല്കും കൂട്ട് -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
T20 World Cup 2024: ഈ 8 പേരെ ടീമിലെടുക്കൂ, ഇന്ത്യക്കു കപ്പുറപ്പ്! അഞ്ചും റോയല്സുകാര് -
ഇങ്ങനൊക്കെ മനുഷ്യന് മാറാന് പറ്റുമോ? അന്ന് റിമി വലിയ ചേച്ചിയായിരുന്നു, മേക്കോവറിൽ ഞെട്ടിച്ച് വീണ്ടും റിമി ടോമി -
ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
എസ്ഡിപിഐ ആളെ കൊല്ലാന്‍ പരിശീലനം നല്‍കുന്നു.. പറയുന്നത് ആരെന്നോ പിണറായി വിജയന്‍!
കോഴിക്കോട് കുറ്റ്യാടിയില്‍ മുസ്ലീം ലീഗ് പ്രവര്‍ത്തകന്‍ കൊല്ലപ്പെട്ടതുമായി ബന്ധപ്പെട്ട് മുഖ്യമന്ത്രി പിണറായി വിജയന്‍ നടത്തിയ പരമാര്‍ശം വിവാദമാകുന്നു. ആളുകളെ കൊല്ലാന്‍ പരിശീലനം നല്‍കുന്ന സംഘടനയാണ് എസ് ഡി പി ഐ എന്നാണ് പിണറായി വിജയന്‍ സഭയില്‍ പറഞ്ഞത്. അതേസമയം പ്രതിപക്ഷ നേതാവ് രമേശ് ചെന്നിത്തല പറയുന്നത് ഇതേ എസ് ഡി പി ഐയുടെ പിന്തുണ സി പി എം സ്വീകരിച്ചു എന്നും.
മുഖ്യമന്ത്രി പിണറായി വിജയന്റെ വാക്കുകള്‍ വസ്തുതയ്ക്ക് നിരക്കുന്നതല്ല എന്നാണ് എസ് ഡി പി ഐ നേതാവ് നസറുദ്ദീന്‍ എളമരം പറയുന്നത്. മുഖ്യമന്ത്രിയുടെ സ്ഥാനത്തിന് യോജിച്ച പരാമര്‍ശമല്ല അദ്ദേഹം നടത്തിയത്. കേരളത്തില്‍ ഏറ്റവും കൂടുതല്‍ രാഷ്ട്രീയ കൊലപാതകങ്ങള്‍ നടത്തിയിട്ടുള്ള പാര്‍ട്ടിക്കാരാണ് തങ്ങളെ കുറ്റപ്പെടുത്തുന്നതെന്നും അദ്ദേഹത്തിന് ആക്ഷേപമുണ്ട്. സംഭവങ്ങളുടെ പോക്ക് ഇങ്ങനെ...
എസ് ഡി പി ഐ ശക്തി പ്രാപിക്കുന്നു
കേരളത്തില്‍ എസ് ഡി പി ഐ ശക്തി പ്രാപിക്കുന്നു എന്നാണ് മുഖ്യമന്ത്രി പിണറായി വിജയന്‍ നിയമസഭയില്‍ പറഞ്ഞത്. കുറ്റ്യാടിയില്‍ മുസ്ലീം ലീഗ് പ്രവര്‍ത്തകന്റെ കൊലപാതകം ചര്‍ച്ച ചെയ്യണമെന്ന് ആവശ്യപ്പെട്ട് പ്രതിപക്ഷം കൊണ്ടുവന്ന അടിയന്തര പ്രമേയ നോട്ടീസി മറുപടി പറയുകയായിരുന്നു അദ്ദേഹം.
ഇതും രാഷ്ട്രീയ വിരോധം
ലീഗ് പ്രവര്‍ത്തകന്റെ കൊലപാതകം രാഷ്ട്രീയ വിരോധം മൂലമാണെന്നാണ് മുഖ്യമന്ത്രി പറഞ്ഞത്. നേരത്തെ പയ്യന്നൂരില്‍ ബി എം എസ് പ്രവര്‍ത്തകന്‍ കൊല്ലപ്പെട്ടപ്പോള്‍ സി പി എം പ്രവര്‍ത്തകന്‍ കൊല്ലപ്പെട്ടപ്പോഴും അത് രാഷ്ട്രീയ വിരോധം കൊണ്ടാണ് എന്നാണ് മുഖ്യമന്ത്രി പറഞ്ഞത്.
ആളെ കൊല്ലാന്‍ പരിശീലനം
ആളുകളെ കൊല്ലാന്‍ പരിശീലനം നല്‍കുന്ന സംഘടനയാണ് എസ് ഡി പി ഐ. ഇവരുടെ പ്രവര്‍ത്തനം പരിശോധിക്കും. കുറ്റ്യാടി കൊലപാതക്കെ കുറിച്ച് അന്വേഷിക്കാന്‍ പ്രത്യേക സംഘത്തെ നിയോഗിച്ചിട്ടുണ്ടെന്നും മുഖ്യമന്ത്രി പറഞ്ഞു.
സി പി എമ്മിന് മൃദു സമീപനം
സി പി എമ്മിന് എസ് ഡി പി ഐയോട് മൃദുസമീപനമാണ് ഉളളതെന്നാണ് പ്രതിപക്ഷ നേതാവ് രമേശ് ചെന്നിത്തല കുറ്റപ്പെടുത്തുന്നത്. കുറ്റ്യാടിയില്‍ ഇവരുടെ പിന്തുണ വാങ്ങിയത് ആരാണെന്ന് എല്ലാവര്‍ക്കുമറിയാമെന്നും ചെന്നിത്തല പറയുന്നു.
പോലീസിലും സ്വാധീനം
എസ് ഡി പി ഐയുടെ പണത്തിന്റെ സ്വാധീനത്തിലാണ് കുറ്റ്യാടിയിലെ പോലീസ് എന്നാണ് പ്രമേയത്തിന് അവതരണാനുമതി തേടിയ എം എല്‍ എ അബ്ദുള്ള പറയുന്നത്. ലീഗ് പ്രവര്‍ത്തകനെ കൊലപ്പെടുത്തിയ പ്രതികള്‍ക്ക് പോലീസ് സ്റ്റേഷനില്‍ ബിരിയാണി വാങ്ങിക്കൊടുത്താണ് പോലീസ് സ്വീകരിച്ചതെന്നും അബ്ദുള്ള ആരോപിക്കുന്നു.
മുഖ്യമന്ത്രി ഉത്തരവാദിത്തം കാട്ടണം
മുഖ്യമന്ത്രിയുടെ സ്ഥാനത്തിന് യോജിച്ച പരാമര്‍ശമല്ല പിണറായി വിജയനില്‍ നിന്നും ഉണ്ടാകുന്നത് എന്നാണ് എസ് ഡി പി ഐ നേതാവ് നസറുദ്ദീന്‍ എളമരത്തിന് പറയാനുള്ളത്. തെളിവുണ്ടെങ്കില്‍ നടപടി എടുക്കുകയാണ് വേണ്ടത്. സി പി എമ്മുകാര്‍ കൊല നടത്തുമ്പോള്‍ മുഖ്യമന്ത്രി ന്യായീകരിക്കുകയാണെന്നും അദ്ദേഹം കുറ്റപ്പെടുത്തി.
