ഡിജിപിക്കെതിരെ തച്ചങ്കിരി

തിരുവനന്തപുരം: ഡിജിപി കെഎസ് ബാലസുബ്രഹ്മണ്യത്തിനും ചീഫ് സെക്രട്ടറി ഭരത് ഭൂഷണും എതിരെ ഐജി ടോമിന്‍ തച്ചങ്കരി മുഖ്യമന്ത്രിക്ക് കത്തയച്ചു. തനിക്കെതിരെ ഇവര്‍ തയ്യാറാക്കിയ റിപ്പോര്‍ട്ടുകള്‍ ചോര്‍ന്ന സംഭവത്തില്‍ ദുരൂഹതയുണ്ടെന്നും അക്കാര്യം അന്വേഷിക്കണം എന്നും ആവശ്യപ്പെട്ടാണ് കത്ത്. കൂടാതെ തച്ചങ്കരി ഡിജിപിക്കും ചീഫ് സെക്രട്ടറിക്കും അയച്ച കത്തുകളും ചോര്‍ന്നിരുന്നു.

എന്നും വിവാദങ്ങളുടെ തോഴനായ തച്ചങ്കരി അനമുതിയില്ലാതെ വിദേശ യാത്ര നടത്തിയ കേസില്‍ സസ്‌പെന്‍ഷനില്‍ ആയിരുന്നു. സസ്‌പെന്‍ഷന്‍ കാലാവധിക്ക് ശേഷം ഇദ്ദേഹത്തെ തിരിച്ചെടുത്തെങ്കിലും സ്ഥാനക്കയറ്റം നല്‍കിയിരുന്നില്ല. നിലവില്‍ ഐജിയായ തച്ചങ്കരി എഡിജിപി പദത്തിലെത്തും എന്ന പ്രതീക്ഷയിലായിരുന്നു.

എന്നാല്‍ ഒരുപാട് ആരോപണങ്ങള്‍ക്ക് വിധേയനായ ഒരു ഉദ്യോഗസ്ഥന് പെട്ടെന്ന് സ്ഥാനക്കയറ്റം നല്‍കേണ്ടതില്ല എന്നാണ് പോലീസ് മേധാവി സര്‍ക്കാരിന് റിപ്പോര്‍ട്ട് നല്‍കിയത്. തച്ചങ്കരിയുടെ കാര്യത്തില്‍ വിശദമായ അന്വേഷണം നടത്തണം എന്നും ഡിജിപി ആവശ്യപ്പെട്ടിരുന്നു. ചീഫ് സെക്രട്ടറി വഴിയായിരുന്നു ഡിജിപി സര്‍ക്കാരിന് കത്ത് കൈമാറിയത്. ഈ സംഭവത്തില്‍ തന്റെ ഭാഗങ്ങള്‍ ന്യായീകരിച്ച് തച്ചങ്കരിയും കത്ത് സമര്‍പ്പിച്ചിരുന്നു.

ഈ രണ്ട് കത്തുകളും മാധ്യമങ്ങളില്‍ വാര്‍ത്തയായി. ഔദ്യോഗികമായ അയച്ച കത്തുകള്‍ ചോര്‍ന്നതില്‍ ദുരൂഹതയുണ്ടെന്നാണ് തച്ചങ്കരിയുടെ ആരോപണം.

English summary

IG Tomin Thachankary wrote letter to Chief Minister against DGP and Chief Secretary.