കൊടും വനത്തിനുള്ളിലെ മംഗളാദേവി ചിത്രാപൗര്ണമിക്ക് പോയാലോ: പ്രവേശം വർഷത്തിലൊരിക്കല് മാത്രം
മെയ് 5 ന് നടക്കുന്ന മംഗളാദേവി ചിത്രാപൗര്ണമി ഉത്സവം സുഗമവും സുരക്ഷിതവുമായി നടത്തുന്നതിന് ഇടുക്കി-തേനി ജില്ലാ ഭരണകൂടങ്ങളുടെ നേതൃത്വത്തില് തേക്കടി ബാംബൂ ഗ്രോവില് സംയുക്തയോഗം ചേര്ന്നു. പെരിയാര് കടുവ സങ്കേതത്തിനുള്ളില് സ്ഥിതിചെയ്യുന്ന ക്ഷേത്രത്തില് ഉത്സവത്തിന് എത്തുന്ന ഭക്തര്ക്കായി വിവിധ വകുപ്പുകള് ഏര്പ്പെടുത്തുന്ന സജ്ജീകരണങ്ങള് ഇടുക്കി ജില്ലാ കളക്ടര് ഷീബ ജോര്ജിന്റെയും തേനി ജില്ലാ കളക്ടര് ആര് വി ഷാജീവനയുടെയും നേതൃത്വത്തില് ചേര്ന്ന ഇരു സംസ്ഥാനങ്ങളിലെയും വിവിധ വകുപ്പ് തലവന്മാരുടെ അവലോകന യോഗത്തില് വിലയിരുത്തി.
ഭക്തരുടെ സുരക്ഷയ്ക്കും വനത്തിന്റെയും ക്ഷേത്രത്തിന്റെയും പരിപാവനതക്കും മുന്തൂക്കം നല്കി പരിസ്ഥിതി സൗഹൃദ ക്ഷേത്ര ദര്ശനത്തിനുള്ള എല്ലാ സംവിധാനങ്ങളും ഒരുക്കുമെന്ന് അധികൃതര് അറിയിച്ചു. മെയ് 5ന് നാലു മണി മുതല് ഇരു സംസ്ഥാനങ്ങളിലെയും പൂജാരിമാര്, സഹകര്മ്മി, പൂജ സാമഗ്രികള് എന്നിവരെ ക്ഷേത്രത്തിലേക്കു കടത്തിവിടും. അഞ്ചു മണിക്ക് ആറു ട്രാക്ടറുകളിലായി ഭക്ഷണവും കയറ്റിവിടും. ഓരോ ട്രാക്ടറുകളിലും ആറു പേരില് കൂടുതല് ഉണ്ടാവാന് പാടില്ല.
ട്രാക്ടറുകളില് 18 വയസില് താഴെയുള്ള കുട്ടികളെയും അനുവദിക്കില്ല. രാവിലെ ആറു മണി മുതല് ഒന്നാം ഗേറ്റിലൂടെ ഭക്തരെ കയറ്റിവിടും. ഉച്ചക്ക് 2.30 ന് ശേഷം ആരെയും മലമുകളിലേക്ക് കയറ്റിവിടില്ല. വൈകിട്ട് 5.30 ന് ശേഷം ക്ഷേത്രപരിസരത്ത് ആരെയും തുടരാന് അനുവദിക്കില്ല.ഭക്തരില് നിന്നും യാതൊരുവിധ തുകയും ഈടാക്കാന് അനുവദിക്കില്ല. ആര് ടി ഒ നിശ്ചയിച്ചിരിക്കുന്ന തുക ആയിരിക്കും ട്രിപ്പ് വാഹനങ്ങള്ക്ക് ഭക്തരില് നിന്നും ഈടാക്കാന് അനുവാദം ഉണ്ടാവുക.
ഡിസ്പോസബിള് പാത്രങ്ങളില് കുടിവെള്ളമോ മറ്റു ഭക്ഷണമോ ക്ഷേത്ര പരിസരത്തേക്ക് കൊണ്ടുപോകാന് അനുവദിക്കില്ല. ഓഫ് റോഡ് ജീപ്പ് പോലെയുള്ള നാലുചക്ര വാഹനങ്ങള് മാത്രമേ അനുവദിക്കൂ. ഇരുചക്ര വാഹനങ്ങള് അനുവദിക്കില്ല. മദ്യം, മാംസ ഭക്ഷണം എന്നിവയും അനുവദിക്കില്ല. ക്ഷേത്രത്തിലേക്ക് പോകാനുള്ള വാഹനങ്ങള്ക്ക് ആര്.ടി.ഒ പാസ് നല്കും. കുമളി ബസ്സ്റ്റാന്ഡില് മെയ് 2,3,4 ദിവസങ്ങളില് ഇരു സംസ്ഥാനങ്ങളുടെയും ആര്ടിഒ മാരുടെ നേതൃത്വത്തില് ഫിറ്റ്നസ് പരിശോധിച്ച് പാസ് അനുവദിക്കും.
ഫിറ്റ്നസ് സര്ട്ടിഫിക്കറ്റ് സ്റ്റിക്കര് വാങ്ങി വാഹനത്തില് പതിപ്പിക്കണം. ഉത്സവ ദിവസം വാഹനങ്ങളില് അമിതമായി ആളെ കയറ്റാന് അനുവദിക്കില്ല. കുമളി ബസ്സ്റ്റാന്ഡ്, അമലാംമ്പിക സ്കൂള്, കൊക്കരകണ്ടം എന്നിവിടങ്ങളില് ചെക്ക് പോസ്റ്റ് ഏര്പ്പെടുത്തി വാഹനങ്ങള് പരിശോധിക്കും. ഒന്നാം ഗേറ്റിലും ക്ഷേത്രപരിസരത്തും കണ്ട്രോള് റൂം സ്ഥാപിക്കും. പരിസ്ഥിതി സൗഹൃദമല്ലാത്ത അലങ്കാര വസ്തുകള് ഉപയോഗിക്കാന് പാടില്ല.
മുട്ട പൊട്ടാതെ തോട് കളയാന് പറ്റുമോ സക്കീർ ഭായിക്ക്:... ബട്ട് ഇനി പറ്റും.. പരീക്ഷിക്കാം ഈ വഴികള്
പടക്കങ്ങളും പൊട്ടിത്തെറിക്കുന്ന ഉല്പ്പന്നങ്ങളും പാടുളളതല്ല. സുരക്ഷയുടെ ഭാഗമായി റിക്കവറി വാഹനം, അസ്ക ലൈറ്റ്, എന്നീ സൗകര്യങ്ങളോടെ കൊക്കരകണ്ടത്ത് ദുരന്ത ലഘൂകരണ യൂണിറ്റ് പ്രവര്ത്തിക്കും. പ്രഥമശുശ്രൂഷ നല്കാന് മെഡിക്കല് സംഘം, കാര്ഡിയോളജിസ്റ്റ് എന്നിവരുടെ സേവനവും അഞ്ച് ആംബുലന്സുകളും മല മുകളില് ഏര്പ്പെടുത്തും.
പ്ലാസ്റ്റിക് ബോട്ടിലുകളില് കുടിവെള്ളം അനുവദിക്കില്ല. അഞ്ച് ലിറ്റര് ക്യാന് ഉപയോഗിക്കാം. 13 പോയിന്റുകളില് കുടിവെള്ളം ഒരുക്കും. കുടിവെള്ളത്തിന്റെ ശുദ്ധത ഉറപ്പുവരുത്താന് ജലവകുപ്പിന് നിര്ദ്ദേശം നല്കി. മദ്യം, മറ്റ് ലഹരിപദാര്ത്ഥങ്ങള് എന്നിവ ഉപയോഗിക്കാന് അനുവദിക്കില്ല.
മാധ്യമപ്രവര്ത്തകര്ക്കും രാവിലെ ആറുമണി മുതലായിരിക്കും പ്രവേശനം അനുവദിക്കുക. ഇരു സംസ്ഥാനങ്ങളിലെയും മാധ്യമപ്രവര്ത്തകര്ക്കുള്ള പാസ് ഇടുക്കി ജില്ലാ ഇന്ഫര്മേഷന് ഓഫിസര് വിതരണം ചെയ്യും. പാസ് കൈവശമില്ലാത്തവരെ കടത്തിവിടില്ല. ഇരു സംസ്ഥാനങ്ങളില് നിന്നുമുള്ള സര്ക്കാര് ഉദ്യോഗസ്ഥര് നിര്ബന്ധമായും ഐഡി കാര്ഡ് ധരിച്ചിരിക്കണം.
മുന് വര്ഷത്തേക്കാള് കൂടുതല് താല്ക്കാലിക ടോയ്ലറ്റ് സൗകര്യം സജ്ജമാക്കും. മലയാളത്തിലും തമിഴിലും ദിശാ സൂചന ബോര്ഡുകള് സ്ഥാപിക്കുകയും അനൗണ്സ്മെന്റ് നടത്തുകയും ചെയ്യും. ചൂട് വര്ധിച്ചിരിക്കുന്ന സാഹചര്യത്തില് അടിയന്തര ഘട്ടത്തില് മുന്കരുതല് സ്വീകരിക്കാന് അഗ്നിരക്ഷാസേനക്ക് നിര്ദേശം നല്കിയിട്ടുണ്ട്. ക്ഷേത്രപാതയില് ആംപ്ലിഫയര്, ലൗഡ് സ്പീക്കര് തുടങ്ങിയവ ഉപയോഗിക്കാന് അനുവദിക്കില്ല. പരസ്യ സാമഗ്രികളും പാടില്ല.
ഒരു തരത്തിലുള്ള മാലിന്യവും വനത്തില് നിക്ഷേപിക്കരുത്. വനം ശുചിയായി സൂക്ഷിക്കാന് ശുചിത്വമിഷനുമായി സഹകരിച്ച് നടപടി സ്വീകരിക്കും. കുമളിയില് പ്രത്യേക പാര്ക്കിങ് സൗകര്യം സജ്ജമാക്കുവാനും ടോയ്ലെറ്റ് സംവിധാനങ്ങള് ഒരുക്കുവാനും പ്രവര്ത്തനക്ഷമമല്ലാത്ത സ്ട്രീറ്റ് ലൈറ്റുകള് നന്നാക്കുവാനും കുമളി ഗ്രാമപഞ്ചായത്തിന് നിര്ദേശം നല്കി.
-
ചെറിയ പെരുന്നാളിന് സ്വര്ണം ഉയര്ന്നു! ഇന്ന് കൂടിയത് ഇത്ര; ഏറ്റവും കുറഞ്ഞ വിലയില് നിന്ന് കയറി -
1 ലക്ഷം രൂപയിൽ താഴെ വിലയ്ക്ക് സ്വർണം വേണോ? ഇപ്പോൾ വാങ്ങുന്നത് ബുദ്ധിയല്ല, കുറച്ച് കൂടി ക്ഷമിക്കൂ -
ഒന്നാം സ്ഥാനത്ത് ബെംഗളൂരു തന്നെ; ഹൈദരാബാദും മുംബൈയും പിന്നില്; ആഗോള കമ്പനികളുടെ ഇഷ്ടനഗരങ്ങള് -
ജയിച്ചാല് നാല് സ്വതന്ത്രര് യുഡിഎഫിനൊപ്പം നില്ക്കുമെന്ന് സതീശന്; സിപിഎം നേതാക്കളും പിന്തുണക്കും -
മനസില് കാണുന്നത് നടന്നിരിക്കും.. ശിവയോഗത്തിന്റെ ഒരു പവറേ..! ഈ രാശിക്കാരാണോ? -
യുഎസിനെ ഇറാൻ സംഘർഷത്തിലേക്ക് വലിച്ചിഴച്ചത് ഇസ്രായേൽ അല്ലെന്ന് നെതന്യാഹു; 'യുദ്ധം വേഗം അവസാനിക്കും' -
ഇറാന് യുദ്ധം സൗദികളെ സമ്പന്നരാക്കും.. എന്നാലും സന്തോഷിക്കാന് വകയില്ല; കാരണമിത് -
ജി സുധാകരന് പിന്തുണ അറിയിച്ച് കോൺഗ്രസ്; ഇന്ന് മുതൽ പ്രചാരണത്തിന് കൂടെയിറങ്ങും, നേരിടാൻ ഇടതും -
ടിവികെയ്ക്ക് തിരിച്ചടി; പ്രമുഖ വനിതാ നേതാവ് പാർട്ടിവിട്ട് ഡിഎംകെയിൽ, വിജയ്ക്ക് നേരെ രൂക്ഷ വിമർശനവും -
ഇടത് മാറി, വലത് തിരിഞ്ഞ്... അഞ്ച് വർഷം കൊണ്ട് ഗ്രാമങ്ങളിലും നഗരങ്ങളിലും സംഭവിച്ചത്... -
50000 ത്തില് താഴെയാണോ അടിസ്ഥാന ശമ്പളം.! 15 ലക്ഷം വരെ ശമ്പള കുടിശ്ശിക ലഭിക്കും, എങ്ങനെയെന്നോ? -
സ്വര്ണം വില്ക്കാനുള്ള സമയമല്ല.. ഇപ്പോഴാണ് വാങ്ങിവെക്കേണ്ടത്..! വില കൂടാന് ഇനിയും സമയമുണ്ട്
Click it and Unblock the Notifications
Sign in with Google