മുസ്ലിംലീഗ് പ്രവര്ത്തകര് സിപിഎം പ്രവര്ത്തകരുടെ ബൈക്കുകളും ഓട്ടോറിക്ഷകളും കത്തിച്ചു, അക്രമം ഉണ്യാലില് നബിദിനറാലി അക്രമിച്ചതില് പ്രതിഷേധിച്ച്
മലപ്പുറം: ഉണ്യാലില് നബിദിന റാലി അക്രമിച്ചതില് പ്രതിഷേധിച്ച് മുസ്ലിംലീഗ് പ്രവര്ത്തകര് സിപിഎം പ്രവര്ത്തകരുടെ ബൈക്കുകളും ഓട്ടോറിക്ഷയും കത്തിച്ചു
പറവണ്ണയില് ഇന്ന് പുലര്ച്ചെമൂന്നു മണിയോടെ മൂന്ന് ഓട്ടോറിക്ഷകകളും രണ്ട് ബൈക്കുകളും കത്തിച്ചു. സി.പി.എം.പ്രവര്ത്തകരായ തായുമ്മാന്റെ പുരക്കല് അനസ്, ബാടാനാത്ത് അബ്ബാസ്, ഹാരിസ് മൗലവി എന്നിവരുടെ ഓട്ടോറിക്ഷകളും പൂക്കോട്ടില് ഷാഫി, തിത്തീന്റെ പുരക്കല് ഷാജഹാന് എന്നിവരുടെ ബൈക്കുകളുമാണ് കത്തിച്ചത്. മുസ്ലീം ലീഗ് പ്രവര്ത്തകരാണ് അക്രമത്തിനു പിന്നിലെന്ന് സി.പി.എം.ആരോപിച്ചു.
ഉണ്യാലില് തീയിട്ട് നശിപ്പിച്ച സി.പി.എം പ്രവര്ത്തകന്റെ ബൈക്ക്
തീവെപ്പു സംഭവത്തിലെ പ്രതികളെ അറസ്റ്റ് ചെയ്യണമെന്നാവശ്യപ്പെട്ട് സി.പി.എം.പ്രവര്ത്തകര് പറവണ്ണയില് റോഡ് ഉപരോധിച്ചു സി.പി.എം.ബ്രാഞ്ച് സെക്രട്ടറി ടി.പി.മജീദ്, ഭാരവാഹികളായ ടി.പി.ഷാജഹാന്, പി.പി.ശ്രീധരന് ടി.പി.യൂനുസ് നേതൃത്വം നല്കി. തിരൂര് സി.ഐ: എം.കെ.ഷാജിനേതാക്കളുമായി സംസാരിച്ചതിനെ തുടര്ന്നാണ് ഉപരോധം അവസാനിപ്പിച്ചത്.
ഉണ്ണിയാല് അക്രമത്തിനു പിന്നില് സി.പി.എം.പ്രവര്ത്തകരാണെന്ന് മുസ്ലീം ലീഗ് ആരോപിച്ചിരുന്നു. താനൂര് പോലീസ് സ്റ്റേഷന് പരിധിയിലെ ഉണ്ണിയാലില് മദ്രസാ വിദ്യാര്ഥികള് നടത്തിയ നബിദിന റാലിക്ക് നേരെ നടന്ന അക്രമത്തില് 16 വിദ്യാര്ഥികളടക്കം 22 പേര്ക്ക് പരുക്കേറ്റിരുന്നു. അക്രമത്തില് വെട്ടേറ്റ ആറു പേരില് രണ്ടു പേരുടെ നില ഗുരുതരമായിരുന്നു. അക്രമത്തിനു പിന്നില് സി.പി.എം പ്രവര്ത്തകരാണെന്നാണ് മുസ്ലിം ലീഗ് ആരോപിച്ചത്. സംഭവത്തില് പ്രതിഷേധിച്ച് നിറമരുതൂര്, വെട്ടം പഞ്ചായത്തുകളില് യു.ഡി.എഫ് ഹര്ത്താലും ആചരിച്ചിരുന്നു.
ഉണ്യാലില് തീയിട്ട് നശിപ്പിച്ച സി.പി.എം പ്രവര്ത്തകന്റെ ഓട്ടോറിക്ഷ
മുസ്ലിം ലീഗ് പ്രവര്ത്തകരും ഉണ്ണിയാല് പുതിയ കടപ്പുറം സ്വദേശികളുമായ കാക്കാന്റെ പുരക്കല് സക്കറിയ (29), പുത്തന്പുരയില് അഫ്സല് (25), പള്ളി മാഞ്ഞാന്റെ പുരക്കല് അര്ഷാദ് (20), പള്ളിമ്മാന്റ പുരക്കല് സെയ്തു മോന് (55), പുത്തന്പുരയില് അന്സാര് (20), പുത്തന്പുരയില് അഫ്സാദ് (20) എന്നിവര്ക്കാണ് വെട്ടേറ്റത്. അക്രമത്തില് പരുക്കേറ്റ ഇ കെ.വിഭാഗം സമസ്ത നടത്തുന്ന ഉണ്ണിയാല് മിസ് ബാഹുല് ഹുദാ ഹയര് സെക്കന്ഡറിയിലെ വിദ്യാര്ഥികളായ ആദില്ഷാ(13), ഉനൈസ് (11), റില് ഷാന് (10), ഷിംഷാറുല് ഹഖ് (14), ഷാഹിദ് (11), ഷെമീം (8), ആദില് (12), ഫാരിസ് (13), ഫറാസ് (16), മുഹമ്മദ് ബിനാന് (14), ഖാലിദ് (10), റംഷാദ് (12), അസ്ലം (10), ഇംഫാന് (12), സജാദ് (12), അര്ഷിഫ് (8) എന്നിവരെ തിരൂര് ജില്ലാ ആശുപത്രിയില് പ്രവേശിപ്പിച്ചിരുന്നു.
നിരവധി വിദ്യാര്ഥികള് പങ്കെടുത്ത നബിദിന റാലിയോടൊപ്പം വെട്ടേറ്റവരും ചില രക്ഷിതാക്കളും വിദ്യാലയത്തിലെ ജീവനക്കാരും പങ്കെടുത്തിരുന്നു. റാലി തിരിച്ചു വരുമ്പോള് കുറ്റിക്കാട്ടില് പതിഞ്ഞിരുന്ന പതിനഞ്ചോളം വരുന്ന അക്രമി സംഘം റാലിയുടെ പിറകു ഭാഗത്തേക്ക് ഓടിയടുക്കുകയും അക്രമിക്കുകയുമായിരുന്നെന്ന് ദൃക്സാക്ഷികള് പറഞ്ഞു. വാള്, ഇരുമ്പുദണ്ഡ് മുതലായ ആയുധങ്ങളുമായിട്ടായിരുന്നു അക്രമം. മുതിര്ന്നവരെ വെട്ടിയപ്പോള് ചിതറിയ രക്തം കുട്ടികളുടെ മേല് തെറിച്ചു. ഭയചകിതരായ കുട്ടികള് ചിതറി ഓടുന്നതിനിടയിലാണ് പരുക്കേറ്റത്.
ചവിട്ടേറ്റും വീണുമാണ് വിദ്യാര്ഥികള്ക്കു പരുക്കേറ്റത്. സംഭവത്തെ തുടര്ന്ന് ആളുകള് ഓടിക്കൂടിയപ്പോഴേക്കും അക്രമികള് രക്ഷപ്പെട്ടു. വെട്ടേറ്റവരേയും പരുക്കേറ്റ വിദ്യാര്ഥികളേയും ഉടനെ തിരൂര് ജില്ലാ ആശുപത്രിയില് എത്തിച്ചെങ്കിലും വെട്ടേറ്റ വരെ കോഴിക്കോട് മെഡിക്കല് കോളജ് ആശുപത്രിയിലേക്ക് മാറ്റി. കോട്ടയ്ക്കലെ ഒരു സ്വകാര്യ ആശുപത്രിയിലും കോഴിക്കോട് മെഡിക്കല് കോളജിലുമായി ഇവരെ പ്രവേശിപ്പിച്ചിരിക്കുകയാണ്.
സംഭവത്തില് 13പേര്ക്കെതിരെ പോലീസ് കേസ് രജിസ്റ്റര് ചെയ്തിട്ടുണ്ട്.
-
'പാലക്കാട് നേമം ആവർത്തിക്കാനുളള പുറപ്പാട്, ബിജെപിയെ നേരിടേണ്ടത് കോമഡി കൊണ്ടല്ല', രമേഷിനെതിരെ ഐസക് -
യുവ മനസ്സുകളിലെന്താണ്? 2021ലെ വോട്ട് വിഹിതം വർധിപ്പിക്കാൻ ‘ജെൻ സി’യെ കയ്യിലെടുക്കാൻ മുന്നണികൾ -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
'സ്വർണ വില പവന് ഇനി 30,000 രൂപ വരെ കുറയും'; 18 കാരറ്റ് വേണ്ട, 22 കാരറ്റ് തന്നെ വില കുറച്ച് വാങ്ങാം -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്? -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വര്ണവില കേട്ടതുപോലെ അല്ല; വാങ്ങാന് ചെന്നപ്പോള് മറ്റൊന്ന്, ഇതെന്ത് മറിമായം, 4 തവണ മാറി -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം"
Click it and Unblock the Notifications
Sign in with Google