ഒരാഴ്ചയില് അധികമായി സിക്ക വൈറസ് കേസുകളില്ല, സംസ്ഥാനത്ത് രോഗം നിയന്ത്രണ വിധേയം
തിരുവനന്തപുരം: സംസ്ഥാനത്തെ സിക്ക വൈറസ് ബാധയുമായി ബന്ധപ്പെട്ട് ആശ്വാസ വാര്ത്ത പങ്കുവെച്ച് ആരോഗ്യവകുപ്പ് മന്ത്രി വീണാ ജോര്ജ്. സംസ്ഥാനത്ത് ഒരാഴ്ചയില് അധികമായി സിക്ക വൈറസ് കേസുകള് ഒന്നും റിപ്പോര്ട്ട് ചെയ്തിട്ടില്ല. ഈ സാഹചര്യത്തില് സിക്ക വൈറസ് രോഗം കേരളത്തില് നിയന്ത്രണ വിധേയമായതായി ആരോഗ്യമന്ത്രി വ്യക്തമാക്കി.
തിരുവനന്തപുരത്ത് ആയിരുന്നു ഏറ്റവും കൂടുതല് സിക്ക വൈറസ് രോഗികള് ഉണ്ടായിരുന്നത്. സംസ്ഥാനത്ത് ആകെ റിപ്പോര്ട്ട് ചെയ്ത 66 സിക്ക വൈറസ് കേസുകളില് 62 രോഗികളും തിരുവനന്തപുരത്ത് ആയിരുന്നു. എറണാകുളത്ത് രണ്ട് പേര്ക്കും കോട്ടയം, കൊല്ലം ജില്ലകളില് ഓരോരുത്തര്ക്കും സിക്ക വൈറസ് ബാധയുണ്ടായി. എന്നാല് ഗുരുതരമായി സിക്ക ആരെയും ബാധിച്ചിരുന്നില്ല.
മറ്റ് ജില്ലകളിലേക്ക് വ്യാപിക്കാതെ സിക്കയെ നിയന്ത്രണ വിധേയമാക്കാന് സാധിച്ചത് വലിയ നേട്ടമാണെന്ന് വീണാ ജോർജ് ചൂണ്ടിക്കാട്ടി. ഇതോടൊപ്പം ഊര്ജിത കൊതുകു നിവാരണ പ്രവര്ത്തനങ്ങളുടെ ഭാഗമായി ഡെങ്കിപ്പനിയും ചിക്കുന്ഗുനിയയും കുറയ്ക്കാനും സാധിച്ചു. ആരോഗ്യ വകുപ്പിന്റെ നേതൃത്വത്തില് നടത്തിയ ശക്തമായ ഇടപെടലുകളാണ് സിക്കയെ ഇത്രവേഗം പ്രതിരോധിക്കാനായത്. തദ്ദേശ സ്വയംഭരണ വകുപ്പും റവന്യൂ വകുപ്പും വലിയ പ്രവര്ത്തനങ്ങളാണ് നടത്തിയത്. സിക്ക പ്രതിരോധത്തിന് പ്രയത്നിച്ച എല്ലാവരേയും ആരോഗ്യമന്ത്രി അഭിനന്ദിച്ചു.
സിക്ക വൈറസ് മറ്റുള്ളവരിലേക്ക് പകരാതിരിക്കാന് സര്വയലന്സിന്റെ ഭാഗമായി 9,18,753 പേരെയാണ് സ്ക്രീന് ചെയ്തത്. പനി, ചുവന്ന പാടുകള്, ശരീര വേദന തുടങ്ങിയ രോഗലക്ഷണമുള്ള 1569 പേരെ ഭവന സന്ദര്ശനം നടത്തി കണ്ടെത്തി. അതില് രോഗം സംശയിച്ച 632 പേരുടെ സാമ്പിളുകള് പരിശോധിച്ചു. 66 പേരിലാണ് രോഗം കണ്ടെത്തിയത്. ഗര്ഭിണികളേയാണ് സിക്ക വൈറസ് സാരമായി ബാധിക്കുന്നത്. ഗര്ഭകാലത്തുള്ള സിക്ക വൈറസ് ജനിക്കുന്ന കുട്ടികളുടെ അംഗ വൈകല്യത്തിന് (മൈക്രോസെഫാലി) കാരണമാകും. അതിനാല് പനി തുടങ്ങിയ ലക്ഷണമുള്ള എല്ലാ ഗര്ഭിണികളേയും പരിശോധിച്ചു. 4252 ഗര്ഭിണികളെ സ്ക്രീന് ചെയ്തതില് 6 പോസിറ്റീവ് കേസുകള് മാത്രമാണ് ഉണ്ടായത്. 34 പ്രസവങ്ങള് റിപ്പോര്ട്ട് ചെയ്തതില് ഒരു നവജാത ശിശുവിനെ മാത്രമാണ് നിരീക്ഷിക്കേണ്ടി വന്നത്. എന്നാല് ആ കുഞ്ഞിനും സിക്ക വൈറസ് മൂലമുള്ള പ്രശ്നമുണ്ടായില്ല. അങ്ങനെ ആരോഗ്യ വകുപ്പിന്റെ സമയോചിതമായ ഇടപെടലിലൂടെ മുഴുവന് ഗര്ഭിണികളേയും നവജാത ശിശുക്കളേയും സംരക്ഷിക്കാനായെന്നും ആരോഗ്യമന്ത്രി പറഞ്ഞു.
കോവിഡ് മഹാമാരി പ്രതിരോധ പ്രവര്ത്തനങ്ങള്ക്കിടയിലാണ് സംസ്ഥാനത്ത് ആദ്യമായി ജൂലൈ 8ന് സിക്ക വൈറസ് സ്ഥിരീകരിച്ചത്. പാറശാല സ്വദേശിയായ 24 കാരിയായ ഗര്ഭിണിക്കാണ് രോഗം സ്ഥിരീകരിച്ചത്. കോവിഡിനോടൊപ്പം തന്നെ സിക്ക പ്രതിരോധവും ശക്തമാക്കുന്നതിനായി അടിയന്തര യോഗം വിളിച്ച് എല്ലാ ജില്ലകള്ക്കും ജാഗ്രത നിര്ദേശം നല്കി. തിരുവനന്തപുരത്തെ സ്വകാര്യ ആശുപത്രിയില് ചികിത്സയിലുള്ള 13 ആരോഗ്യ പ്രവര്ത്തകര്ക്കും പിന്നാലെ രോഗം റിപ്പോര്ട്ട് ചെയ്തു. അതോടെ സിക്ക പ്രതിരോധത്തിന് ആക്ഷന്പ്ലാന് രൂപീകരിച്ചു. തിരുവനന്തപുരം ജില്ലാ മെഡിക്കല് ഓഫീസില് നേരിട്ടെത്തി പ്രവര്ത്തനങ്ങള് ഏകോപിപ്പിച്ചു. തദ്ദേശ സ്വയംഭരണ, റവന്യൂ വകുപ്പ് മന്ത്രിമാര്ക്കൊപ്പം യോഗം ചേർന്ന് ഏകോപിച്ച് പ്രവര്ത്തിച്ചു. സിക്കയോടൊപ്പം ഡെങ്കിപ്പനി, ചിക്കുന്ഗുനിയ എന്നിവയെ കൂടി പ്രതിരോധിക്കാന് പദ്ധതികളാവിഷ്ക്കരിച്ചു.
സംസ്ഥാനത്തെ 3 മെഡിക്കല് കോളേജുകളിലും എന്.ഐ.വി. ആലപ്പുഴയിലും തിരുവനന്തപുരം പബ്ലിക് ലാബിലും സിക്ക വൈറസ് പരിശോധിക്കാനുള്ള അടിയന്തര സൗകര്യങ്ങളൊരുക്കി. സിക്ക വൈറസ് ബാധയുള്ള പ്രദേശത്തെ ക്ലസ്റ്ററുകളായി തിരിച്ചാണ് പ്രതിരോധം ശക്തമാക്കിയത്. വീടുകള് കേന്ദ്രീകരിച്ച് കൊതുകിന്റെ ഉറവിട നശീകരണം, ഫോഗിംഗ്, ബോധവത്ക്കരണ പ്രവര്ത്തനങ്ങള് എന്നിവയ്ക്ക് പ്രാധാന്യം നല്കി. കേസുകള് കൂടുതലുള്ള തിരുവനന്തപുരത്ത് ജില്ലാ ഭരണകൂടം, നഗരസഭ, ജില്ലാ മെഡിക്കല് ഓഫീസ്, റസിഡന്സ് അസോസിയേഷനുകള് എന്നിവ ഏകോപിച്ച് ശക്തമായ പ്രവര്ത്തനം നടത്തി. ഇതോടൊപ്പം ലഭിച്ച ജനപങ്കാളിത്തവും സിക്കയെ നിയന്ത്രണ വിധേയമാക്കാന് സാധിച്ചു. മഴ മാറാതെ നില്ക്കുന്നതിനാല് ഇനിയും ജാഗ്രത തുടരേണ്ടതാണ് എന്ന് മന്ത്രി നിർദേശിച്ചു.
-
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
സ്വർണം മലയാളികൾ വിൽക്കുന്നില്ല, എന്തുകൊണ്ടാണത്? അടിമുടി പെട്ട് ജ്വല്ലറിക്കാർ..കടുത്ത തിരിച്ചടി -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ആരാധന വോട്ടാകുമോ? തെരഞ്ഞെടുപ്പിനിറങ്ങിയ സെലിബ്രിറ്റികളോട് കേരളം ചെയ്തതിങ്ങനെ... -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി
Click it and Unblock the Notifications
Sign in with Google