Click it and Unblock the Notifications
Just In
Don't Miss
-
T20 World Cup 2024: സഞ്ജുവിന് നീതി വേണം, ലോകകപ്പില് സീറ്റ് നല്കൂ; ആവശ്യപ്പെട്ട് തരൂര് -
കാരണമില്ലെങ്കിലും ഉണ്ടാക്കിയെടുത്ത് വഴക്ക്; ദമ്പതികളുടെ വഴക്കിന് 10 സാധാരണ കാരണങ്ങള് -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം -
കോൾ ഇന്ത്യ ഓഹരി 15% കുതിക്കും, ഇതാണ് കാരണം, ഓഹരി വാങ്ങാൻ ബ്രോക്കറേജ് നിർദ്ദേശം -
സൂക്ഷിച്ചാൽ ദുഖിക്കേണ്ട! സെക്കൻഡ് ഹാൻഡ് ഫോൺ വാങ്ങുന്നവർ ശ്രദ്ധിക്കേണ്ട കാര്യങ്ങൾ -
ബസിൽ സഹയാത്രികനായി ഷാരൂഖ്, കിംഗ് ഖാൻ ഹമ്പിൾ & സിമ്പിൾ എന്ന് ആരാധകർ; വീഡിയോ വൈറൽ -
ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
ഇങ്ങനെയുള്ള ഒരൊറ്റ ബസും നാളെ റോഡിലിറങ്ങരുത്; കടുപ്പിച്ച് ഹൈക്കോടതി
കൊച്ചി: സംസ്ഥാനത്ത് നിയമലംഘനം നടത്തി ഓടിക്കുന്ന ഒരു വാഹനം പോലും നാളെ റോഡില്‍ കാണാന്‍ പാടില്ല എന്ന് ഹൈക്കോടതി. വടക്കാഞ്ചേരി അപകടത്തിന്റെ പശ്ചാത്തലത്തില്‍ സ്വമേധയാ എടുത്ത കേസ് പരിഗണിക്കവെ ആണ് ഹൈക്കോടതിയുടെ കര്‍ശന നിര്‍ദേശം. വടക്കാഞ്ചേരിയില്‍ അപകടം ഉണ്ടാക്കിയ വാഹനം മുഴുവന്‍ നിയമവിരുദ്ധമായ ലൈറ്റുകളാണ് എന്ന് ഹൈക്കോടതി നിരീക്ഷിച്ചു.
ഇത് ഒരിക്കലും അംഗീകരിക്കാനാകില്ല എന്നും ഹൈക്കോടതി വ്യക്തമാക്കി. ഒറ്റ നോട്ടത്തില്‍ തന്നെ ഒന്നില്‍ അധികം നിയമലംഘനങ്ങള്‍ ബസില്‍ കാണാം എന്നും ഹൈക്കോടതി പറഞ്ഞു. ഇത് ഇനിയും അംഗീകരിക്കാന്‍ കഴിയുന്നതല്ല എന്നും കോടതി വ്യക്തമാത്തി. ഹൈക്കോടതി ഡിവിഷന്‍ ബെഞ്ചിന്റേതാണ് നിരീക്ഷണം.
ഇത്തരം കാര്യങ്ങള്‍ അനുവദിക്കാന്‍ കഴിയില്ല. ഇതിലെല്ലാം നേരത്തെ തന്നെ ചട്ടമുള്ളതാണ്. അത് ലംഘിച്ചാണ് മുന്നോട്ടേക്ക് പോകുന്നത് എന്നും ഹൈക്കോടതി പറഞ്ഞു. ഇത്തരം വാഹനങ്ങള്‍ നാളെ മുതല്‍ നിരത്തില്‍ കാണാന്‍ പാടില്ല എന്നും നിയമം ലംഘിക്കുന്ന ടൂറിസ്റ്റ് ബസുകളുടെ പെര്‍മിറ്റ് മൂന്ന് മാസത്തേക്ക് സസ്പെന്‍ഡ് ചെയ്യണം എന്നും ഹൈക്കോടതി നിര്‍ദേശിച്ചു.
ഇത്തരം നിയമലംഘനങ്ങള്‍ പൊതുനിരത്തില്‍ അപകടം ഉണ്ടാക്കാന്‍ സാധ്യതയുണ്ട് എന്നും ഹൈക്കോടതി നിരീക്ഷിച്ചു. ഇത്രയധികം ലൈറ്റുകള്‍ സ്ഥാപിക്കുന്നത് ഡ്രൈവറുടെ കാഴ്ചയെ ബാധിക്കും എന്നും ലൈറ്റുകളുടെ ഗ്ലെയര്‍ ഡ്രൈവര്‍ക്ക് ബുദ്ധിമുട്ട് സൃഷ്ടിക്കും എന്നും കോടതി ചൂണ്ടിക്കാട്ടി. വാഹനങ്ങള്‍ക്ക് കൃത്യമായ കളര്‍കോഡ് ഉള്ളതാണ് എന്നും അത് പാലിക്കണം എന്നും ഹൈക്കോടതി കൂട്ടിച്ചേര്‍ത്തു.
കെ എസ് ആര്‍ ടി സി ഉള്‍പ്പെടെയുള്ള ബസുകള്‍ക്കും കളര്‍കോഡ് ബാധകമാണ് എന്നും ഹൈക്കോടതി അഭിപ്രായപ്പെട്ടു. നിയമം ലംഘിക്കുന്ന വാഹനങ്ങള്‍ സ്‌കൂളുകളുടേയോ കോളേജ് ക്യാമ്പസുകളുടേയോ കോംപൗണ്ടില്‍ പോലും കയറ്റാന്‍ പാടില്ല എന്നും ഹൈക്കോടതി പറഞ്ഞു. വാഹന പരിശോധനയില്‍ വീഴ്ച വരുത്തരുത് എന്നും പൊലീസിനോടും ഹൈക്കോടതി പറഞ്ഞു.
നിയമം തെറ്റിച്ചെന്ന് കണ്ടാല്‍ ബസുകള്‍ ഉടന്‍ പിടിച്ചെടുക്കണം എന്നും ഇത്തരം വാഹനങ്ങളെ പ്രോത്സാഹിപ്പിക്കുന്ന വ്ളോഗര്‍മാരും കുറ്റക്കാരല്ലേയെന്നും ഹൈക്കോടതി ചോദിച്ചു. നിയമലംഘനം നടത്തിയ വാഹനങ്ങളില്‍ യാത്രയ്ക്ക് അനുമതി നല്‍കുന്ന പ്രിന്‍സിപ്പാളിനും അധ്യാപകര്‍ക്കും എതിരെ നടപടി എടുക്കണം.
