കാര്യങ്ങൾ അതിവേഗം അറിയാൻ
For Daily Alerts
പാലക്കാട് മെഡിക്കല് കോളേജിലെ നിയമനം: അന്വേഷണ റിപ്പോര്ട്ട് സമര്പ്പിച്ചു, ഉമ്മൻ ചാണ്ടി പ്രതിയല്ല
പാലക്കാട്: പാലക്കാട് ഗവ. മെഡിക്കല് കോളജിലെ അനധികൃത നിയമനം സംബന്ധിച്ച ത്വരിത പരിശോധന റിപ്പോര്ട്ട് വിജിലന്സ് ആന്ഡ് ആന്റി കറപ്ഷന് ബ്യൂറോ തൃശൂര് വിജിലന്സ് കോടതിയില് സമര്പ്പിച്ചു. മുന് സ്പെഷല് ഓഫിസര് എസ്. സുബ്ബയ്യയെ ഒന്നാം പ്രതിയാക്കിയാണ് കുറ്റപത്രം സമര്പ്പിച്ചിരിക്കുന്നത്. മുന് മുഖ്യമന്ത്രി ഉമ്മന്ചാണ്ടി, മുന് പട്ടികജാതി ക്ഷേമമന്ത്രി എപി അനില്കുമാര് തുടങ്ങിയവരെ പ്രതിപട്ടികയില് ഉള്പ്പെടുത്തിയിട്ടില്ല.
അനധികൃത നിയമനങ്ങള് പുനഃപരിശോധിക്കണമെന്നുള്ള വിജിലന്സ് ശിപാര്ശ നിലനില്ക്കെ നിയമനം സ്ഥിരപ്പെടുത്തിയ സര്ക്കാര് നടപടിക്കെതിരെയാണ് യുവമോര്ച്ച മുന് പാലക്കാട് ജില്ലാ പ്രസിഡന്റ് പി. രാജീവ് തൃശൂര് വിജിലന്സ് കോടതിയെ സമീപിച്ചത്. ഒരു മാസത്തിനകം ത്വരിത പരിശോധന റിപ്പോര്ട്ട് സമര്പ്പിക്കാന് ആഗസ്റ്റ് 19ന് കോടതി ഉത്തരവിട്ടിരുന്നു.
പട്ടിജകാതി വകുപ്പിന്റെ കോര്പസ് ഫണ്ടില് 800 കോടിയോളം രൂപ ചെലവഴിച്ചാണ് പാലക്കാട് യാക്കരയില് മെഡിക്കല് കോളജ് സ്ഥാപിച്ചത്. മുഖ്യമന്ത്രി ചെയര്മാനും പട്ടികജാതി ക്ഷേമമന്ത്രി വൈസ് ചെയര്മാനുമായ ചാരിറ്റബിള് സൊസൈറ്റിക്കാണ് സ്ഥാപനത്തിന്റെ നിയന്ത്രണാധികാരം. അധ്യാപകഅനധ്യാപക തസ്തികകളില് ഇതുവരെ ഇരുനൂറോളം നിയമനങ്ങള് നടന്നിട്ടുണ്ടെങ്കിലും പിഎസ്സി മുഖേനെ ഒരാളെ പോലും നിയമിച്ചിട്ടില്ല. റിക്രൂട്ട്മെന്റ് ബോര്ഡ് പോലുമില്ലാതെ നടന്ന നിയമനങ്ങള്ക്ക് ഉന്നതര് ലക്ഷങ്ങള് കോഴ വാങ്ങിയതായും ആരോപണമുണ്ട്.
Comments
English summary
palakad medical college illegal appointment; vigilance and anti corruption bureau submits inquiry report