Click it and Unblock the Notifications
Just In
-
-
-
Don't Miss
-
IPL 2024: പഞ്ചാബ് എന്തിനത് ചെയ്തു? പാളിയത് ആ തന്ത്രം; കളി തോല്പ്പിച്ച കറെന്റെ മണ്ടത്തരം ഇതാ -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
കെടി ജലീലും മന്ത്രി റിയാസും പോപ്പുലര്‍ ഫ്രണ്ടുകാര്‍; മകളെ കെട്ടിച്ച് കൊടുത്തില്ലേ, പിന്നെന്താ- പിസി ജോര്‍ജ്
കോട്ടയം: മുന്‍ മന്ത്രി കെടി ജലീലും മന്ത്രി മുഹമ്മദ് റിയാസും പോപ്പുലര്‍ ഫ്രണ്ടുകാരാണെന്ന് പൂഞ്ഞാര്‍ മുന്‍ എംഎല്‍എ പിസി ജോര്‍ജ്. റിയാസിനെതിരെ എന്‍ഐഎ അന്വേഷണമുണ്ടെന്നാണ് മനസിലാക്കുന്നതെന്നും അദ്ദേഹം അവകാശപ്പെട്ടു. ഷെകയ്‌ന യുട്യൂബ് ചാനലിലാണ് അദ്ദേഹം ഇങ്ങനെ പ്രതികരിച്ചത്. എന്നാല്‍ ഈ ആരോപണത്തിന് തെളിവായി പിസി ജോര്‍ജ് ഒന്നും പറഞ്ഞില്ല. പോപ്പുലര്‍ ഫ്രണ്ടിനെതിരായ എന്‍ഐഎ അന്വേഷണവും ഹര്‍ത്താലുമെല്ലാം ചര്‍ച്ച ചെയ്യുമ്പോഴാണ് പിസി ജോര്‍ജിന്റെ പ്രതികരണം.
''പോപ്പുലര്‍ ഫ്രണ്ട് ബന്ദ് പ്രഖ്യാപിച്ചിരിക്കുന്നു. പോപ്പുലര്‍ ഫ്രണ്ട് എവിടെ വരെ എത്തി. ആദ്യം സ്റ്റുഡന്‍സ് ഓര്‍ഗനൈസേഷന്‍ ആയി തുടങ്ങിയതാ. അത് നിരോധിച്ചപ്പോള്‍ പോപ്പുലര്‍ ഫ്രണ്ടായി. നമ്മുടെ മന്ത്രി കെടി ജലീലൊക്കെ അതിന്റെയാളാ. അയാളൊക്കെ പോപ്പുലര്‍ ഫ്രണ്ടാ. എസ്ഡിപിഐക്കാരനാണ്. അയാളള്‍ മന്ത്രിയായിരുന്നു കേരളത്തില്‍. മുഹമ്മദ് റിയാസ്, മന്ത്രി... അയാളേതാ, അയാളെ പറ്റിയും എന്‍ഐഎയുടെ അന്വേഷണം ഉണ്ടെന്നാണ് ഞാന്‍ മനസിലാക്കുന്നത്.
സത്യത്തില്‍ പിണറായി വിജയന്‍ തന്നെ അകത്ത് പോകുന്ന സാഹചര്യമുണ്ടാകും. കാരണം, പോപ്പുലര്‍ ഫ്രണ്ടിനും എസ്ഡിപിഐക്കും വളം വച്ചുകൊടുക്കുന്ന മെയ്ന്‍ ആള് പിണറായി വിജയന്‍ തന്നെയാണ്. മകളെ കെട്ടിച്ച് കൊടുത്തില്ലേ, പിന്നെന്താ. എനിക്ക് വ്യക്തി വിരോധമില്ല. ഒരാളോടും എനിക്ക് വിരോധമില്ല, പക്ഷേ, സത്യം പറയണ്ടേ.... ഇങ്ങനെ പോകുന്നു പിസി ജോര്‍ജിന്റെ വിവാദ പരാമര്‍ശങ്ങള്‍.
മുമ്പും പല തവണ വിവാദ പ്രതികരണങ്ങള്‍ നടത്തി വാര്‍ത്തകളില്‍ ഇടംപിടിച്ച നേതാവാണ് പിസി ജോര്‍ജ്. വിദ്വേഷ പ്രസംഗം നടത്തിയെന്ന കേസില്‍ തിരുവനന്തപുരത്തും എറണാകുളത്തും അദ്ദേഹത്തിനെതിരെ കേസുണ്ട്. രണ്ട് കേസിലും അറസ്റ്റ് ചെയ്തത് വലിയ ചര്‍ച്ചയായിരുന്നു. എന്നാല്‍ കോടതിയില്‍ ഹാജരാക്കിയ ഉടനെ ജാമ്യം ലഭിച്ചു.
തിരുവനന്തപുരത്ത് അനന്തപുരി ഹിന്ദു മഹാസമ്മേളനത്തില്‍ പങ്കെടുത്താണ് പിസി ജോര്‍ജ് ആദ്യം വിദ്വേഷ പ്രസംഗം നടത്തിയത്. ഇത്തരം പ്രതികരണങ്ങള്‍ നടത്തരുത് എന്ന ഉപാധിയോടെ കോടതി ജാമ്യം നല്‍കി. പിന്നാലെയാണ് എറണാകുളത്ത് സമാനമായ രീതിയില്‍ പ്രസംഗിച്ചത്. ഈ കേസിലും കോടതി ജാമ്യം നല്‍കി. ഒരേ തരത്തിലുള്ള തെറ്റുകള്‍ ആവര്‍ത്തിച്ചിട്ടും പിസി ജോര്‍ജിന് ജാമ്യം നല്‍കിയതിന് പിന്നില്‍ ഒത്തുകളിയുണ്ടെന്ന് ചില രാഷ്ട്രീയ നേതാക്കള്‍ വിമര്‍ശിച്ചിരുന്നു.
