അബ്ദുള്ളക്കുട്ടിയ്ക്ക് പൊലീസ് കാവല്‍

കണ്ണൂര്‍: സോളാര്‍ തട്ടിപ്പുകേസിലെ പ്രതി സരിത എസ് നായരുടെ വെളിപ്പെടുത്തലിനെ തുടര്‍ന്ന് പ്രതിഷേധം ശക്തമായതോടെ എ പി അബ്ദുള്ള കുട്ടി എം എല്‍ എയ്ക്ക് പൊലീസ് കാവലൊരുക്കി.

സരിതയുടെ വെളിപ്പെടുത്തലുകളെ തുടര്‍ന്ന് അബ്ദുള്ള കുട്ടി എം എല്‍ എയുടെ വീട്ടിലേക്ക് ഡി വൈ എഫ് ഐ പ്രവര്‍ത്തകര്‍ മാര്‍ച്ച് നടത്തിയിരുന്നു. ഈ സാഹചര്യത്തിലാണ് എം എല്‍ എയുടെ ഓഫീസിനും വീടിന് മുന്നിലും പൊലീസ് സംരക്ഷണമൊരുക്കിയത്. അദ്ദേഹത്തിന്റെ ഗണ്‍മാന് പുറമെയാണ് പൊലീസ് സംരക്ഷണം.

അതേ സമയം അബ്ദുള്ള കുട്ടിയ്ക്ക് ഏതിരെ ഉന്നയിച്ച ആരോപണങ്ങളില്‍ ഉറച്ചു നില്‍ക്കുന്നതായി സരിത വ്യക്തമാക്കി. ആല്‍ഫബറ്റിക് ഓഡറിലല്ല പേര് വെളിപ്പെടുത്തുന്നത്. ദ്രോഹിച്ചവര്‍ ഒരുപാടുണ്ട്. അടുത്ത ദിവസങ്ങളില്‍ അവരുടെ പേരുകള്‍ വെളിപ്പെടുത്തുമെന്നും സരിത അറിയിച്ചു.

തന്റെ വെളിപ്പെടുത്തലുകളില്‍ അബ്ദുള്ള കുട്ടിയ്ക്ക് പരാതി നല്‍കാന്‍ കഴിയുമെങ്കില്‍ നല്‍കട്ടെ എന്ന് സരിത വെല്ലുവിളിച്ചു. അബ്ദുള്ളകുട്ടിയ്‌ക്കെതിരായ തെളിവുകള്‍ എന്റെ കയ്യിലുണ്ട്. വെല്ലുവിളി അദ്ദേഹം ഏറ്റെടുത്താല്‍ കേസുമായി മുന്നോട്ട് പോകും- സരിത പറഞ്ഞു

അബ്ദുള്ള കുട്ടി തന്നെ നിരന്തരമായി ഫോണില്‍ വിളിച്ച് ശല്യപ്പെടുത്തിയെന്നും തന്നെ ഹോട്ടലിലേക്ക് ക്ഷണിച്ചെന്നുമായിരുന്നു സരിതയുടെ ആരോപണം. സരിത നുണപറയുകയാണെന്നും രാഷ്ട്രീയ വിലപേശല്‍ നടത്തുകയാണെന്നും അബ്ദള്ള കുട്ടി ഇതിനോട് പ്രതികരിച്ചു.

English summary

Police gave security to AP Abdullakkutty MLA due to Saritha's alleges.