മഴ: തൃശ്ശൂരിൽ റെഡ് അലർട്ട്; ചാലക്കുടി പുഴക്കരയിൽ ഉള്ളവർ അടിയന്തരമായി മാറണമെന്ന് കളക്ടർ
തൃശ്ശൂർ; തൃശ്ശൂർ ജില്ലയിൽ റെഡ് അലർട്ട് പ്രഖ്യാപിച്ചു. രാവിലെ ഓറഞ്ച് അലർട്ടായിരുന്നു. അതേസമയം മഴ കനത്തതോടെ പെരിങ്ങൽക്കുത്ത് ഡാമിന്റെ നാലാമത്തെ ഷട്ടർ ഉടൻ തുറക്കുമെന്ന് കളക്ടർ അറിയിച്ചു. ഈ സാഹചര്യത്തിൽ ചാലക്കുടി പുഴയിൽ ജലനിരപ്പ് ഉയരുമെന്നും പുഴക്കരയിലുള്ളവരെ എത്രയും വേഗം ഒഴിപ്പിക്കണമെന്നും ജില്ലാ കളക്ടർ നിർദ്ദേശം നൽകി.
തമിഴ്നാട്ടിലെ പറമ്പിക്കുളം, തൂണക്കടവ് ഡാമുകളില് നിന്ന് ഇന്ന് രാവിലെ മുതല് പൊരിങ്ങല്ക്കുത്ത് ഡാമിലേക്ക് ജലം ഒഴുകിവരികയാണ്. നിലവില് 13000 ക്യുസെക്സ് വെള്ളമാണ് പറമ്പിക്കുളത്തു നിന്നും ഡാമിലേക്ക് എത്തുന്നത്. വൃഷ്ടിപ്രദേശത്ത് മഴ ശക്തമാകുക കൂടി ചെയ്തതോടെ പൊരിങ്ങല്ക്കുത്ത് ഡാമില് നിന്ന് കൂടുതല് ജലം തുറന്നുവിടേണ്ട സാഹചര്യമാണ്.
ഡാം കൂടുതല് തുറക്കുന്നതോടെ ചാലക്കുടി പുഴയില് ഒന്നര മീറ്ററോളം വെള്ളം ഉയരാന് സാധ്യതയുണ്ട്. അതോടൊപ്പം വേലിയേറ്റ സമയം ആവുന്ന പക്ഷം കടലിലേക്ക് വെള്ളം ഒഴുകിപ്പോവാതിരിക്കാനുള്ള സാധ്യതയുമുണ്ട്. ആയതിനാല് പുഴക്കരയില് താമസിക്കുന്നവരെ എത്രയും വേഗം വീടുകളില് നിന്ന് സുരക്ഷിത സ്ഥാനങ്ങളിലേക്ക് മാറ്റിത്താമസിപ്പിക്കാന് ജില്ലാ കലക്ടര് നിര്ദ്ദേശം നല്കി. എറണാകുളത്ത് ചാലക്കുടിപ്പുഴയുടെ തീരം ഉൾക്കൊള്ളുന്ന പുത്തൻവേലിക്കര, കുന്നുകര, ചേന്ദമംഗലം പഞ്ചായത്തുകളിലും ജാഗ്രതാ നിർദേശം നൽകിയിട്ടുണ്ട്. വെള്ളം ഉയര്ന്ന് ഒഴിപ്പിക്കല് പ്രയാസകരമാവുന്ന സാഹചര്യം സൃഷ്ടിക്കരുത്. എല്ലാവരും മാറിത്താമസിക്കുന്നുവെന്ന് തദ്ദേശ സ്ഥാപനങ്ങള് ഉറപ്പുവരുത്തണമെന്നും ജില്ലാ കലക്ടര് വ്യക്തമാക്കി.
അതേസമയം ചിമ്മിനി ഡാമിന്റെ ഷട്ടറുകളും കൂടുതൽ തുറക്കുമെന്നും കളക്ടർ അറിയിച്ചു. നിലവില് കുറുമാലിപ്പുഴയിലെ ജലനിരപ്പ് വാണിംഗ് ലെവലിന് മുകളിലാണ്. ഡാമിന്റെ ഷട്ടറുകള് കൂടുതല് ഉയര്ത്തുന്നതോടെ ജലനിരപ്പ് അപകടരമായ നിലയിലേക്ക് ഉയരാന് സാധ്യതയുണ്ട്. ആയതിനാല് കുറുമാലി പുഴയുടെ തീരത്തുള്ളവര് ആവശ്യമെങ്കില് ഉദ്യോഗസ്ഥരുടെ നിര്ദ്ദേശം അനുസരിച്ച് സുരക്ഷിത സ്ഥാനങ്ങളിലേക്ക് മാറിത്താമസിക്കണമെന്നും കളക്ടർ അറിയിച്ചു.
പീച്ചി ഡാമിൻ്റെ ഷട്ടറുകൾ ആവശ്യമായ മുന്നറിയിപ്പുകൾ നൽകി രാവിലെ 9 മണിയോടെ 2.5 സെ.മീ കൂടി ഉയർത്തിയിരുന്നു. മണലി പുഴയുടെ തീരത്തുള്ളവർ ജാഗ്രത പാലിക്കണമെന്നും താഴ്ന്ന പ്രദേശങ്ങളിൽ ഉള്ളവർ സുരക്ഷിത സ്ഥാനങ്ങളിലേക്ക് മാറണമെന്നും നിർദ്ദേശം ഉണ്ട്.
'ഋതു മന്ത്ര ആളാകെ മാറി';ഗൗണിൽ ഞെട്ടിച്ച് താരം..വൈറലായി ചിത്രങ്ങൾ
സംസ്ഥാനത്ത് വിവിധ ജില്ലകളിൽ മഴ തുടരുകയാണ്. തെക്കൻ ആന്ധ്രാ പ്രദേശിനും വടക്കൻ തമിഴ് നാടിനും സമീപത്തായി മധ്യ പടിഞ്ഞാറൻ ബംഗാൾ ഉൾക്കടലിൽ ചക്രവാത ചുഴി നിലനിൽക്കുന്നു സാഹചര്യത്തിൽ ഓഗസ്റ്റ് ഏഴ് വരെ സംസ്ഥാനത്ത് ഒറ്റപ്പെട്ട അതിശക്തമായ മഴയ്ക്ക് സാധ്യത ഉണ്ടെന്ന് കേന്ദ്ര കാലാവസ്ഥാ കേന്ദ്രം അറിയിച്ചു.
Click it and Unblock the Notifications
Sign in with Google