Click it and Unblock the Notifications
Just In
Don't Miss
-
IPL 2024: അന്ന് എന്നെ ചതിച്ചത് സംഗക്കാര! പഴി കേട്ടത് യുവതാരം; രാജസ്ഥാന് കോച്ചിനെതിരെ സെവാഗ് -
'വിന്നർ ലാലേട്ടൻ തന്നെ, ജിന്റോ ഭയങ്കര സംഭവമാണെന്ന് തോന്നിയില്ല, എല്ലാത്തിനും കാരണം ജാസ്മിന്റെ കയ്യിലിരുപ്പ്' -
നഖത്തില് ഇനി പറയുന്ന മാറ്റങ്ങള് ഉടന് തന്നെ ഡോക്ടറെ കാണിക്കണം -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ചന്ദ്രബോസിന്റെ കൊലപാതകം; നിസാമിനെതിരെ സോഷ്യല്‍ മീഡിയയില്‍ പ്രതിഷേധം
തൃശൂര്‍: പണവും അധികാരവും കൂടിച്ചേരുമ്പോള്‍ ആരെയും എന്തും ചെയ്യാമെന്ന കോടീശ്വരന്‍ നിസാമിന്റെ മുഷ്‌കിനെതിരെ ഫേസ്ബുക്കില്‍ പ്രതിഷേധം ഉയരുന്നു. ഗേറ്റു തുറക്കാന്‍ അല്‍പം താമസിച്ചതിന്റെ പേരില്‍ നിസാമിന്റെ അതിക്രൂരമായ ആക്രമണത്തിനിരയായ ചന്ദ്രബോസിന്റെ മരണമാണ് സോഷ്യല്‍ മീഡിയയെ രോഷം കൊള്ളിക്കുന്നത്.
നിസാം ചന്ദ്രബോസിനോട് കാട്ടിയത് സമാനതകളില്ലാത്ത ക്രൂരതയാണെന്ന് മിക്കവരും അഭിപ്രായപ്പെട്ടു. ജീവിതച്ചിലവുകള്‍ക്കുവേണ്ടി സെക്യൂരിറ്റി ജീവനക്കാരന്റെ തൊഴില്‍ ചെയ്യുന്ന ചന്ദ്രബോസിനെ ക്രൂരമായി മര്‍ദ്ദിക്കുകയും ശേഷം ചുമരില്‍ ചേര്‍ത്തുനിര്‍ത്തി തന്റെ ആഡംബര കാറുകൊണ്ട് ഇടിക്കുകയുമായിരുന്നു നിസാം.
മൃതപ്രാണനായ ചന്ദ്രബോസ് മരണത്തിനും ജീവിതത്തിനുമിടയില്‍ ദിവസങ്ങളോളം ആശുപത്രിയില്‍ കഴിഞ്ഞശേഷമാണ് മരണത്തിന് കീഴടങ്ങിയത്. നിസാമിനെ പോലീസ് അറസ്റ്റ് ചെയ്തതോടെ മിക്ക രാഷ്ട്രീയ പാര്‍ട്ടികളുടെ ഉയര്‍ന്ന നേതാക്കള്‍ കേസ് ദുര്‍ബലപ്പെടുത്താനും നിസാമിനെ രക്ഷിക്കാനുമായി രംഗത്തിറങ്ങിയിരുന്നു.
യുഡിഎഫിലെ പ്രബല കക്ഷിയുടെ എംഎല്‍എയും മന്ത്രിയും നിസാമിനെ രക്ഷിക്കാന്‍ ശ്രമിച്ചതിന്റെ വാര്‍ത്തകള്‍ കഴിഞ്ഞദിവസം മാധ്യമങ്ങള്‍ പ്രസിദ്ധീകരിച്ചിരുന്നു. നിസാമിനെതിരായ കേസില്‍ ദുര്‍ബല വകുപ്പുകള്‍ ചേര്‍ത്തതും പരിക്കേറ്റയാളുടെ ചികിത്സാ ചെലവുകള്‍ സര്‍ക്കാരിനെകൊണ്ട് വഹിപ്പിച്ചതും ഇവര്‍ ഇടപെട്ടാണ്. കണക്കില്ലാത്ത സ്വത്തിന് ഉടമയായ നിസാം രാഷ്ട്രീയ നേതാക്കള്‍ക്ക് വേണ്ടതിലധികം പണം നല്‍കുന്നുണ്ടെന്നാണ് വിവിരം. ചന്ദ്രബോസ് മരിച്ചതോടെ നിസാമിന്റെ പേരില്‍ കൊലക്കുറ്റം ചുമത്തുമെന്ന് ഉറപ്പായിരിക്കുകയാണ്. അതിനിടെ മനപൂര്‍വമല്ലാത്ത നരഹത്യയ്ക്ക് നിസാമിനെതിരെ ചാര്‍ജ് ചെയ്താല്‍ മതിയെന്ന് ആവശ്യപ്പെട്ട് രാഷ്ട്രീയ നേതാക്കള്‍ സമ്മര്‍ദ്ദം ചെലുത്തിയതായും റിപ്പോര്‍ട്ടുണ്ട്.
