സൊമാലിയന് വിവാദം ഒടുങ്ങിയില്ല, വയനാട്ടിലെ ആദിവാസി കോളനിയില് ഇരട്ട നവജാത ശിശുക്കള് മരിച്ചു
വയനാട്: വയനാട്ടിലെ ആദിവാസി കോളനിയില് ഇരട്ട നവജാത ശിശുക്കള് മരിച്ചു. ഒരു കുഞ്ഞ് ഗര്ഭാവസ്ഥയിലും മറ്റൊരു കുഞ്ഞ് പ്രസവ ശേഷവുമാണ് മരിച്ചത്. കോഴിക്കോട് മെഡിക്കല് കൊളെജില് വച്ചാണ് കുട്ടികള് മരിച്ചത്.
വാളാട് ഇടത്തില് കോളനിയില് ബാലന്റേയും സുമതിയുടേയും ഇരട്ടക്കുട്ടികളാണ് മരിച്ചത്. രണ്ടാഴ്ചയായി സുമതി മെഡിക്കല് കൊളെജ് ആശുപത്രിയില് ചികിത്സയിലായിരുന്നു. വയനാട് മാത്രമല്ല അട്ടപ്പാടിയിലും ആദിവാസി ശിശുക്കള് മരിയ്ക്കുന്ന സംഭവങ്ങള് ഒട്ടേറെ റിപ്പോര്ട്ട് ചെയ്തിട്ടുണ്ട്.
പ്രധാനമന്ത്രിയുടെ സൊമാലിയന് പരാമര്ശത്തെത്തുടര്ന്നുണ്ടായ വിവാദങ്ങള് ഇപ്പോഴും തുടരുന്നതിനിടെയാണ് ആദിവാസി മേഖലയില് വീണ്ടും ശിശുമരണം ഉണ്ടായിരിയ്ക്കുന്നത്. കേരളത്തിലെ ആദിവാസി മേഖലയിലെ ശിശുമരണത്തേയും ദയനീയ അവസ്ഥയേയുമാണ് മോദി സൊമാലിയയുമായി താരതമ്യം ചെയ്തതത്.കേരളത്തില് ആദിവാസികളുടെ ജീവിതം അത്ര മെച്ചപ്പെട്ടതല്ലെന്ന് സൂചിപ്പിയ്ക്കുന്ന തരത്തിലുള്ള വാര്ത്തകളാണ് വീണ്ടും പുറത്ത് വരുന്നത്.