യുക്രൈന് യുദ്ധം: മലയാളികളെ നാട്ടിലെത്തിക്കാനുള്ള നടപടികള് ത്വരിതപ്പെടുത്തുമെന്ന് മുഖ്യമന്ത്രി
തിരുവനന്തപുരം : യുക്രൈയിനിലെ മലയാളികളെ നാട്ടിലെത്തിക്കാനുള്ള നടപടികള് ത്വരിതപ്പെടുത്തണമെന്ന് ആവശ്യപ്പെട്ട് കേന്ദ്ര സര്ക്കാരിനെ സമീപിക്കുമെന്ന് മുഖ്യമന്ത്രി പിണറായി അറിയിച്ചു. കേരളത്തില് നിരവധി പേരുണ്ട് . അവരെ തിരികെ എത്തിക്കാനുള്ള ശ്രമങ്ങള് നടക്കുന്നുണ്ടെന്ന് മുഖ്യമന്ത്രി വ്യക്തമാക്കി. യുക്രൈന് യുദ്ധത്തില് ആശങ്കയുണ്ട് . കേന്ദ്രത്തെ ബന്ധപ്പെട്ടു നടപടികള് ത്വരിതപ്പെടുത്തണമെന്നാവശ്യപ്പെട്ടിട്ടുണ്ടെന്നും മുഖ്യമന്ത്രി കൂട്ടിച്ചേര്ത്തു .
അതേസമയം, യുക്രൈനിലെ മലയാളികളുടെ സുരക്ഷയ്ക്കായി സാധ്യമായ എല്ലാ നടപടികളും കൈക്കൊണ്ടു വരുന്നതായി നോര്ക്ക റൂട്ട്സ് റസിഡന്റ് വൈസ് ചെയര്മാന് പി.ശ്രീരാമകൃഷ്ണന് അറിയിച്ചു. കാര്യങ്ങള് ഏകോപിപ്പിക്കുന്നതിനായി ആ രാജ്യത്തെ ഇന്ത്യന് എംബസിയുമായും വിദേശകാര്യ മന്ത്രാലയവുമായും നിരന്തരം ബന്ധപ്പെട്ടുവരികയാണ്. അമിത ആശങ്കയ്ക്ക് വഴിപ്പെടാതെ യുദ്ധ സാഹചര്യത്തില് ലഭിച്ചിട്ടുള്ള നിര്ദ്ദേശങ്ങള് പാലിക്കാനാണ് എംബസി അറിയിച്ചിട്ടുള്ളത്. പുറത്തിറങ്ങുന്നത് ഒഴിവാക്കി ഇപ്പോഴുള്ള സ്ഥലങ്ങളില് തന്നെ തുടരാന് നിര്ദ്ദേശം നല്കിയിരിക്കുകയാണ്.
ഈ വിഷയത്തില് ആവശ്യമായ ഇടപെടല് നടത്തുന്നതിനായി നോര്ക്ക പ്രിന്സിപ്പല് സെക്രട്ടറി, നോര്ക്ക റൂട്ട്സ് സി.ഇ.ഒ, എന്നിവരുടെ നേതൃത്വത്തില് സെക്രട്ടറിയേറ്റ് കേന്ദ്രീകരിച്ച് കണ്ട്രോള് റൂം നേരത്തേ തന്നെ പ്രവര്ത്തിച്ചു വരുന്നുണ്ട്. അനിവാര്യമായി ഉക്രൈനില് തങ്ങേണ്ടവരല്ലാതെയുള്ള വിദ്യാര്ഥികളടക്കമുള്ളവര് തിരിച്ചുപോകാനുള്ള എംബസിയുടെ നിര്ദ്ദേശവും നേരത്തേ തന്നെ ബന്ധപ്പെട്ടവരെ അറിയിച്ചിരുന്നു.
ഇപ്പോള് ഉക്രൈനിലുള്ളവര്ക്ക് കീവിലെ ഇന്ത്യന് എംബസി ഏര്പ്പെടുത്തിയിട്ടുള്ള +380997300483, +380997300428 എന്നീ നമ്പരുകളിലോ [email protected] എന്ന ഇ-മെയിലിലോ ബന്ധപ്പെടാവുന്നതാണ് . വിദേശകാര്യമന്ത്രാലയത്തിന്റെ 1800 118797 എന്ന ടോള് ഫ്രീ നമ്പരും + 911123012113, + 911123014104, +911123017905 എന്നീ നമ്പരുകളം [email protected] എന്ന ഇ-മെയില് വിലാസവും പ്രയോജനപ്പെടുത്താം.
ഇതിനു പുറമെ ഉക്രൈനിലെ മലയാളികളുടെ വിവരങ്ങള് നോര്ക്കയില് അറിയിക്കാന് ആഗ്രഹിക്കുന്ന നാട്ടിലെ ബന്ധുക്കള്ക്ക് നോര്ക്ക റൂട്ട്സിന്റെ 1800 425 3939 എന്ന ടോള് ഫീ നമ്പരിലോ [email protected] എന്ന ഇ-മെയിലിലോ അറിയിക്കാം. 0091 880 20 12345 എന്ന നമ്പരില് വിദേശത്തു നിന്നും മിസ്സ്ഡ് കോള് സര്വീസും ലഭ്യമാണ്.
അതേസമയം, ഇന്ത്യാക്കാരെ അടിയന്തരമായി മടക്കിക്കൊണ്ടുവരാനുള്ള നടപടികള് സ്വീകരിക്കണമെന്ന് എ എം ആരിഫ് എംപി ആവശ്യപ്പെട്ടു. റഷ്യ - ഉക്രൈനെതിരെ ആക്രമണം തുടങ്ങിയ സാഹചര്യത്തില് യുക്രെയിനില് കുടുങ്ങിയ മലയാളി വിദ്യാര്ത്ഥികള് അടക്കമുള്ള ഇന്ത്യാക്കാരെ അടിയന്തരമായി മടക്കിക്കൊണ്ടുവരാന് കേന്ദ്രം തയ്യാറാകണമെന്ന് കേന്ദ്ര സര്ക്കാരിനോട് ആവശ്യപ്പെട്ടെന്ന് ആരിഫ് അറിയിച്ചു
കീവിലെ ഇന്ത്യന് എംബസി വിദ്യാര്ത്ഥികള്ക്ക് ആദ്യ മുന്നറിയിപ്പ് നല്കിയ ഈ മാസം 15നു തന്നെ വിഷയത്തില് അടിയന്തിരമായി ഇടപെടണമെന്ന് ചൂണ്ടിക്കാട്ടി താന് കത്തു നല്കിയിട്ടും യാതൊരു നടപടിയും സ്വീകരിക്കാതെ ഗുരുതരമായ കൃത്യവിലോപമാണ് കേന്ദ്ര സര്ക്കാരിന്റെ ഭാഗത്തു നിന്നും ഉണ്ടായത് .
കീവ് വിമാനത്താവളത്തിനടുത്ത് ആക്രമണം ഉണ്ടായതിനെ തുടാര്ന്ന് , മടങ്ങിവരാന് ടിക്കറ്റ് ബുക്ക് ചെയ്ത യാത്രക്കാര്ക്കു പോലും വരാന് കഴിയാത്ത സാഹചര്യമാണ് സംജാതമായിരിക്കുന്നത്. ഈ സാഹചര്യത്തില് സാധിക്കുന്ന വിമാനത്താവളങ്ങളില് നിന്നും പ്രത്യേക വിമാന സര്വ്വീസ് നടത്തി എല്ലാ ഇന്ത്യാക്കാരേയും അടിയന്തരമായി തിരികെ കൊണ്ടുവരണമെന്നും അതുവരെ അവരുടെ സുരക്ഷ ഉറപ്പാക്കാന് ഇന്ത്യന് എംബസിക്ക് അടിയന്തര നിര്ദ്ദേശം നല്കണമെന്നും വിദേശകാര്യ മന്ത്രി ഡോ എസ്. ശിവശങ്കറിന് അയച്ച കത്തില് ആവശ്യപ്പെട്ടു .
Recommended Video
അതേ സമയം , യുക്രെയിനിൽ കുടുങ്ങിയ മലയാളികളുടെ സുരക്ഷ ഉറപ്പാക്കണമെന്നും വിദ്യാർഥികൾ അടക്കമുള്ള മലയാളികളെ തിരികെ എത്തിക്കാൻ അടിയന്തര നടപടി വേണമെന്നും പ്രതിപക്ഷ നേതാവ് വി ഡി സതീശൻ കത്തിൽ അവശ്യപ്പെട്ടു.
Click it and Unblock the Notifications
Sign in with Google