റോബര്ട്ട് വദ്ര കൂടി വരാത്ത കുറവേ ഇനിയുള്ളൂ; കോണ്ഗ്രസ് വേദിയില് കോണ്ഗ്രസിനെ വിമര്ശിച്ച് ടി പദ്മനാഭന്
കൊച്ചി: കോണ്ഗ്രസ് വേദിയില് കോണ്ഗ്രസിനെതിരെ രൂക്ഷ വിമര്ശനവുമായി എഴുത്തുകാരന് ടി പദ്മനാഭന്. എറണാകുളം ജില്ല കോണ്ഗ്രസ് കമ്മിറ്റിയുടെ നേതൃത്വത്തില് ഒരുക്കിയ പ്രൊഫഷണല് ലൈബ്രറിയും പഠന ഗവേഷണ കേന്ദ്രവും ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. അധികാരത്തിനായി കോണ്ഗ്രസിനുള്ളില് ചിലര് അട്ടയെ പോലെ കടിച്ച് തൂങ്ങുകയാണെന്ന് ടി പദ്മനാഭന് പറഞ്ഞു. കോണ്ഗ്രസ് മുന് അധ്യക്ഷന് രാഹുല് ഗാന്ധിയ്ക്കെതിരേയും അദ്ദേഹം രൂക്ഷ വിമര്ശനമാണ് ഉയര്ത്തിയത്.
സ്ഥിരമായി ജയിക്കുമെന്നാണ് രാഹുല് ഗാന്ധി കരുതിയതെന്നും അമേഠിയിലേക്ക് രാഹുല് ഗാന്ധി തിരിഞ്ഞു നോക്കിയില്ലെന്നും അദ്ദേഹം കുറ്റപ്പെടുത്തി. അവസാനം വയനാട്ടില് വന്ന് മത്സരിക്കേണ്ടി വന്നെന്നും അദ്ദേഹം പറഞ്ഞു. റോബര്ട്ട് വദ്രയുടെ രാഷ്ട്രീയ പ്രവേശനത്തേയും അദ്ദേഹം പരിഹസിച്ചു. ഇനി റോബര്ട്ട് വദ്ര വരാത്തതിന്റെ കുറവേയുള്ളൂവെന്നായിരുന്നു പദ്മനാഭന് പറഞ്ഞത്. പ്രതിപക്ഷ നേതാവ് വി ഡി സതീശന്, എറണാകുളം എം പി ഹൈബി ഈഡന് എന്നിവരെ വേദിയിലിരുത്തിയായിരുന്നു പദ്മനാഭന്റെ പരാമര്ശം.
ഡി സി സിയുടെ പോള് പി. മാണി മെമ്മോറിയല് ലൈബ്രറിയുടെയും സബര്മതി പഠനഗവേഷണ കേന്ദ്രത്തിന്റേയും ഉദ്ഘാടനമാണ് പദ്മനാഭന് നിര്വഹിച്ചത്. ഡി സി സി ഓഫിസിന്റെ മൂന്നാം നിലയില് 2600 ചതുരശ്ര അടിയിലാണ് ലൈബ്രറിയും പഠന ഗവേഷണ കേന്ദ്രവും തയ്യാറാക്കിയിരിക്കുന്നത്. ഇതിനോടൊപ്പം ഡിജിറ്റല് ലൈബ്രറിയും ഡിജിറ്റല് സ്റ്റുഡിയോയും സജ്ജമാക്കുന്നുണ്ട്. 25,000 പുസ്തകങ്ങളുമായാണ് ലൈബ്രറി പ്രവര്ത്തനം ആരംഭിക്കുന്നത്. പത്ത് ലക്ഷം രൂപയോളം ചെലവഴിച്ച് ഡി സി സി വാങ്ങിയ പുസ്തകങ്ങള്ക്ക് പുറമെ സംഭാവനകളായി കിട്ടിയ പുസ്തകങ്ങളും ലൈബ്രറിയിലുണ്ടാകും.
ഡി സി സി പ്രസിഡന്റായി ചുമതലയേറ്റ ശേഷം പങ്കെടുക്കുന്ന ചടങ്ങുകളിലെല്ലാം ഷാള്, ബൊക്കെ എന്നിവക്ക് പകരം പുസ്തകങ്ങള് മതിയെന്ന് ഡി സി സി അധ്യക്ഷന് മുഹമ്മദ് ഷിയാസ് നിലപാടെടുത്തിരുന്നു. 4000 പുസ്തകങ്ങളാണ് ഇങ്ങനെ ലഭിച്ചത്. കക്ഷി രാഷ്ട്രീയ ഭേദമെന്യേ ആര്ക്കും ലൈബ്രറിയില് അംഗത്വമെടുക്കാം.
ലൈഫ് ടൈം അംഗത്വ തുക 2500 രൂപയും ഒരു വര്ഷത്തേക്ക് 1000 രൂപയുമാണ്. രാജഗിരി കോളജിലെ ലൈബ്രറി സയന്സ് പി ജി വിദ്യാര്ഥിനികളാണ് ലൈബ്രറി സജ്ജീകരിച്ചത്. ഒരു വര്ഷത്തിനകം 80,000 പുസ്തകങ്ങള് അടങ്ങുന്ന സമ്പൂര്ണ ലൈബ്രറിയും പഠന ഗവേഷണകേന്ദ്രവുമാക്കി ഉയര്ത്തുക എന്നതാണ് തങ്ങളുടെ ലക്ഷ്യമെന്ന് ഷിയാസ് പറഞ്ഞിരുന്നു.
-
''കോൺഗ്രസ്സ് കേരളത്തിൽ മതരാഷ്ട്രം നടപ്പിലാക്കാൻ ശ്രമിച്ചാലും അത്ഭുതപ്പെടാനില്ല..'', തുറന്നടിച്ച് അഖിൽ മാരാർ -
പ്രചാരണത്തിന് ‘ഇന്ദിര ഗ്യാരന്റി’ വരുന്നു, വാഗ്ദാനങ്ങളുമായി കേരളം ചുറ്റും -
ആത്മവിശ്വാസവും പ്രതീക്ഷയും സ്വപ്നവും ഒഴുകി നടക്കുന്ന എറണാകുളം -
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല് -
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ്
Click it and Unblock the Notifications
Sign in with Google