മുന്നൊരുക്കമില്ലാതെ എരുമേലി ഇടത്താവളം; പൊതുമരാമത്ത് പണിപോലും ആരംഭിച്ചില്ല
പത്തനംതിട്ട: ശബരിമല തീര്ഥാടകരുടെ പ്രധാന ഇടത്താവളമായ എരുമേലിയില് മുന്നൊരുക്കങ്ങളൊന്നും തുടങ്ങിയില്ല. സാധാരണ നടക്കാറുള്ള പൊതുമരാമത്ത് പണിയടക്കം തുടങ്ങിയില്ലെന്ന് ഏഷ്യാനെറ്റ് ന്യൂസ് റിപ്പോര്ട്ട് ചെയ്യുന്നു.
കോവിഡ് കാരണം തീര്ഥാടകരുടെ എണ്ണത്തില് കുറവ് വരുമെന്ന കണക്ക് കൂട്ടലിലാണ് മുന്നൊരുക്കങ്ങള് വേണ്ടെന്നാണ് ദേവസ്വം ബോര്ഡിന്റെ നിലപാട്. ശബരിമലയിലേക്ക് പോകുന്ന അയ്യപ്പ ഭക്തരുടെ പ്രധാന ഇടത്താവളമാണ് എരുമേലി ധര്മ്മശാസ്താ ക്ഷേത്രം. പേട്ടതുള്ളി കാനന പാതയിലൂടെ സന്നിധാനത്തേക്ക് പോകാനാണ് തീര്ഥാടകര് ഇവിടെയെത്തുന്നത്.
ആയിരക്കണക്കിന് തീര്ഥാടകരാണ് എരുമേലിലയിലെത്തുന്നത്. ഏരുമേലിയില് പേട്ടതുള്ളി അഴുതയില് മുങ്ങി കല്ലെടുത്ത് പരമ്പരാഗത കാനനപാതയിലൂടെയാണ് സന്നിധാനത്തേക്കുള്ള യാത്ര. ഈപരമ്പരാഗത യാത്ര ശബരിമല ദര്ശനത്തിന് വേണ്ടിയാണ് അയ്യഭക്തര് ഏരുമേലിയില് എത്തുന്നത്. കാനപാതവഴിയുള്ള യാത്രക്ക് വിലക്ക് ഏര്പ്പെടുത്തിയിരുന്നു ഇതും മുന്നൊരുക്കങ്ങളില് നിന്ന് ദേവസ്വം ബോര്ഡ് പിന്മാറാന് കാരണമായെന്നാണ് കരുതുന്നത്. സാധാരണഗതിയില് നടത്താറുള്ള പൊതുമരാമത്ത് പണികള് പോലും വേണ്ടെന്ന നിലപാടിലാണ് ദേവസ്വംബോര്ഡ്. ശൗചാലയങ്ങള് എല്ലാം കാട് മൂടികിടക്കുന്ന അവസ്ഥയിലാണ്. കോവിഡ് പ്രോട്ടോക്കോള് നിലനില്ക്കുന്നതിനാല് ഏരുമേലില് ക്ഷേത്രത്തിന് സമിപത്തെ തോട്ടില്കുളിക്കാന് അനുമതി ഇല്ല പകരം സംവിധാനം ഒരുക്കാനാണ് ദേവസ്വം ബോര്ഡ് തീരുമാനം.
കൊവിഡ് സാഹചര്യത്തില് ശബരിമലയില് കൂടുതല് നിയന്ത്രണങ്ങള് ഏര്പ്പെടുത്തുമെന്ന് സംസ്ഥാന പൊലീസ് മേധാവി അനില് കാന്ത് അറിയിച്ചിരുന്നു. ആരോഗ്യ വകുപ്പിന്റെ പ്രത്യേക നിര്ദ്ദേശങ്ങള് അനുസരിച്ചാണ് ജനങ്ങളെ ശബരിമലയിലേക്ക് കടത്തിവിടുന്നത്. കഴിഞ്ഞ ദിവസം ചിത്തിര ആട്ട വിശേഷ പൂജകള്ക്കായി ശബരിമല തുറന്നപ്പോള് വന് ഭക്തജന പ്രവാഹമാണുണ്ടായിരുന്നത്. വെര്ച്വല് ക്യൂ സംവിധാനത്തിലൂടെ ബുക്ക് ചെയ്ത് ശബരിമല ദര്ശനത്തിനായെത്തുന്ന അയ്യപ്പഭക്തര്ക്ക് കൊവിഡ് പ്രതിരോധ വാക്സീന് രണ്ട് ഡോസ് സര്ട്ടിഫിക്കറ്റ് അതല്ലെങ്കില് 72 മണിക്കൂറിലെടുത്ത ആര്ടിപിസിആര് സര്ട്ടിഫിക്കറ്റും നിര്ബന്ധമാക്കിയിട്ടുണ്ട്.
കൊവിഡ് സാഹചര്യം പരിഗണിച്ച് ഇത്തവണ മണ്ഡല കാലത്ത് ശബരിമലയില് വിപുലമായ വൈദ്യ സഹായ സൗകര്യങ്ങള് ഏര്പ്പെടുത്തുമെന്ന് സംസ്ഥാന ആരോഗ്യ വകുപ്പ് അറിയിച്ചിരുന്നു. വിവിധ ജില്ലകളില് നിന്നും ഡോക്ടര്മാര് ഉള്പ്പെടെയുള്ള ജീവനക്കാരെ ശബരിമലയില് വിന്യസിക്കുമെന്നും സ്പെഷലിസ്റ്റ് ഡോക്ടര്മാരുടെ സേവനങ്ങള് വിവിധ കേന്ദ്രങ്ങളില് ലഭ്യമാക്കുമെന്നും സന്നിധാനം, പമ്പ, നിലയ്ക്കല്, എരുമേലി എന്നിവിടങ്ങളില് ഡിസ്പെന്സറികള് പ്രവര്ത്തിക്കുമെന്നും സന്നിധാനത്ത് ഓപ്പറേഷന് തിയറ്ററും പ്രവര്ത്തിക്കുമെന്നും ആരോഗ്യ വകുപ്പ് അറിയിച്ചിരുന്നു.
സുരക്ഷിതമായ ശബരിമല മകരവിളക്ക് മഹോത്സവം നടത്തുന്നതിനുള്ള ആക്ഷന് പ്ലാനാണ് സംസ്ഥാന സര്ക്കാര് തയ്യാറാക്കിയിരിക്കുന്നത്. കൊവിഡ് വ്യാപനം പൂര്ണമായി മാറാത്ത സാഹചര്യത്തില് അത് കൂടി കണക്കിലെടുത്താണ് ആക്ഷന്പ്ലാന് രൂപീകരിച്ചതെന്നാണ് ആരോഗ്യ മന്ത്രി വീണാ ജോര്ജ്ജ് അറിയിച്ചത്. കേന്ദ്ര സര്ക്കാരിന്റേയും സ്റ്റേറ്റ് സ്പെസിഫിക് കൊവിഡ് പ്രോട്ടോകോള് പ്രകാരവും സുരക്ഷിതമായ ശബരിമല മകരവിളക്ക് മഹോത്സവം നടത്തുന്നതിനുള്ള ആക്ഷന് പ്ലാനാണ് തയ്യാറാക്കിയിരിക്കുന്നതെന്നും മന്ത്രി അറിയിച്ചിരുന്നു. കര്ശന കോവിഡ് നിയന്ത്രണങ്ങളാണ് ഏര്പ്പെടുത്തിയിരിക്കുന്നത്. എല്ലാ തീര്ത്ഥാടകരും, ജീവനക്കാരും രണ്ട് ഡോസ് വാക്സീന് എടുത്ത സര്ട്ടിഫിക്കറ്റും 72 മണിക്കൂറിനകം എടുത്ത ആര്ടിപിസിആര് സര്ട്ടിഫിക്കറ്റും നിര്ബന്ധമായും കരുതണമെന്നും മറ്റ് അനുബന്ധ രോഗമുള്ളവര്ക്കും കൊവിഡ് വന്ന് 3 മാസത്തിനുള്ളില് ആയിട്ടുള്ളവര്ക്കും ഹൃദയസംബന്ധമായ പ്രശ്നങ്ങള് ഉണ്ടാകാന് സാധ്യതയുള്ളതുകൊണ്ട് കഴിവതും ശബരിമല ദര്ശനം ഒഴിവാക്കണമെന്നും അധികൃതര് അറിയിച്ചു.
പമ്പ മുതല് സന്നിധാനം വരെയുളള കാല്നട യാത്രയില് തീര്ത്ഥാടകര്ക്ക് അമിതമായ നെഞ്ചിടിപ്പ്, ശ്വാസംമുട്ടല്, നെഞ്ചുവേദന തുടങ്ങിയ ആരോഗ്യ പ്രശ്നങ്ങളോ ചിലപ്പോള് ഹൃദയാഘാതം വരെയോ ഉണ്ടാകാന് സാദ്ധ്യതയുള്ളതിനാല് ഇത്തരം പ്രശ്നങ്ങള് ഫലപ്രദമായി നേരിടാന് ആരോഗ്യവകുപ്പ് വഴികളില് അടിയന്തര ചികിത്സാ കേന്ദ്രങ്ങള് ഏര്പ്പെടുത്തുന്നുണ്ട്. എമര്ജന്സി മെഡിക്കല് സെന്ററുകള്, ഓക്സിജന് പാര്ലറുകള് എന്നിവ പമ്പ മുതല് സന്നിധാനം വരെയുള്ള യാത്രക്കിടയില് 5 സ്ഥലങ്ങളില് സ്ഥാപിക്കുമെന്നും അധികൃതര് അറിയിച്ചു. പത്തനംതിട്ട ജനറല് ആശുപത്രിയിലും, എരുമേലി സി.എച്ച്.സി.യിലും കാഞ്ഞിരപ്പള്ളി താലൂക്ക് ഹെഡ്ക്വാര്ട്ടേഴ്സിലും സൗകര്യങ്ങളൊരുക്കിയിട്ടുണ്ടെന്നും കോട്ടയം മെഡിക്കല് കോളേജില് തീര്ത്ഥാടകര്ക്കായി മികച്ച സൗകര്യമൊരുക്കുമെന്നും ആരോഗ്യ വകുപ്പ് അറിയിച്ചു, തീര്ത്ഥാടകര്ക്ക് പ്രത്യേക ചികിത്സ ഉറപ്പാക്കാന് സ്റ്റേറ്റ് ഹെല്ത്ത് ഏജന്സി കോട്ടയം, പത്തനംതിട്ട ജില്ലകളിലായി സര്ക്കാര്, സ്വകാര്യ ആശുപത്രികളെ എംപാനല് ചെയ്തിട്ടുണ്ടെന്നും കാസ്പ് കാര്ഡുള്ള തീര്ത്ഥാടകര്ക്ക് എംപാനല് ചെയ്ത സര്ക്കാര്, സ്വകാര്യ ആശുപത്രികളില് നിന്നും സൗജന്യ ചികിത്സ ലഭ്യമാണെന്നും കാര്ഡില്ലാത്തവര്ക്ക് സര്ക്കാര് ആശുപത്രികളില് ചികിത്സ തേടാവുന്നതാണെന്നും ആരോഗ്യ മന്ത്രി അറിയിച്ചിരുന്നു.
അതേസമയം ശബരിമലയും പരിസര പ്രദേശങ്ങളേയും പ്രത്യേക സുരക്ഷാ മേഖലയായി സര്ക്കാര് ഒരു വര്ഷത്തേക്ക് കൂടി പ്രഖ്യാപിച്ചു. ശബരിമലയില് മുന് വര്ഷങ്ങളില് ഉണ്ടായിരുന്ന സുരക്ഷാ പ്രശ്നം ഇപ്പോഴും നിലനില്ക്കുന്നുണ്ടെന്നും ഒരു വര്ഷത്തേക്ക് കൂടി ശബരിമലയെയും പരിസര പ്രദേശങ്ങളെയും പ്രത്യേക സുരക്ഷാമേഖലയായി നിലനിര്ത്തണമെന്നുമുള്ള പൊലീസിന്റെ ആവശ്യം അംഗീകരിച്ചാണ് സംസ്ഥാന സര്ക്കാര് പ്രത്യേക സുരക്ഷാ മേഖലയായി പ്രഖ്യാപിച്ച്കൊണ്ട് ഉത്തരവിറക്കിയത്.
ശബരിമലയിലെ യുവതി പ്രവേശനവുമായി ബന്ധപ്പെട്ടുണ്ടായ പ്രക്ഷോഭത്തിന്റെ അടിസ്ഥാനത്തിലാണ് ശബരിമലയെ പ്രത്യേക സുരക്ഷാ മേഖലയായി സര്ക്കാര് പ്രഖ്യാപിച്ചത്. കോടതി ഉത്തരവുണ്ടെങ്കിലും സ്ത്രീകളെ പ്രവേശിപ്പിക്കാന് അനുവദിക്കില്ലെന്ന് ഒരു വിഭാഗം നിലപാടെടുത്തതോടെ ക്ഷേത്ര പരിസരവും സംഘര്ഷ ഭരിതമായിരുന്നു. ഇതേ തുടര്ന്ന് 2018 ലാണ് ശബരിമലയെ പ്രത്യേക സുരക്ഷാ മേഖലയാക്കിയത്. ഇലവുങ്കല് മുതല് കുന്നാര്ഡാം വരെയുള്ള സ്ഥലമാണ് പ്രത്യേക സുരക്ഷാ മേഖലയില് ഉള്പ്പെടുന്നത്.
പാടാത്ത പൈങ്കിളി...പൊളി ലുക്കിലാണല്ലോ; മനീഷയുടെ ഫോട്ടോഷൂട്ട് ഏറ്റെടുത്ത് ആരാധകര്
-
സ്വർണക്കുതിപ്പ് തത്കാലത്തേക്ക് അവസാനിച്ചു; ഇനി ഇടിഞ്ഞ് താഴോട്ട്, ഗ്രാം വില 11000 ആയി കുറയും? -
സ്വർണം വിറ്റ് കൂട്ടുന്ന കേന്ദ്രബാങ്കുകൾ..ഇനിയും സ്വർണ വില താഴേക്ക് പോകുമോ? വില ഇനി ഉയരണമെങ്കിൽ.. -
സ്വർണ വില പവന് 42,000 രൂപ വരെ ഉയരും? ഒറ്റയടിക്ക് പ്രവചനം തിരുത്തി വിദഗ്ധർ..40 ശതമാനം വർധനവ് -
മഞ്ജു വാര്യരുടെ ഇൻസ്റ്റഗ്രാമിൽ ദിലീപിൻ്റെ മുഖം;ഡിവോഴ്സ് ആയതിന് ശേഷം ആദ്യം..കാരണം -
സ്വർണ വില 75000ത്തിലേക്ക് എത്തുമെന്നാണോ പ്രതീക്ഷ? ശുദ്ധ മണ്ടത്തരം..ഇപ്പോൾ വാങ്ങിയാൽ ലക്ഷപ്രഭു -
സ്വര്ണവില ഇടിഞ്ഞു; ആഭരണം വാങ്ങുന്നവര് എത്ര രൂപ നല്കണം? അറിയാം ഇന്നത്തെ പവന്, ഗ്രാം വില -
ബാങ്കിൽ പോകാൻ ഇരിക്കുന്നവർ ശ്രദ്ധിക്കുക; ഏപ്രിലിൽ പകുതിയോളം ദിവസം ബാങ്ക് അവധി; ലിസ്റ്റ് ഇതാ! -
തമിഴകം പിടിക്കാൻ വിജയ്; സ്ഥാനാർത്ഥി പട്ടികയിലെ വമ്പൻ സർപ്രൈസ്; ഞെട്ടലിൽ രാഷ്ട്രീയ ലോകം -
മലപ്പുറം വിഭജിക്കും,ജയിലിൽ നോണ് വെജും കൂലിയും കൊടുക്കില്ല'; സന്തോഷ് പണ്ഡിറ്റ് മുഖ്യമന്ത്രിയായാൽ -
'മീനാക്ഷിയെ നോക്കുന്നത് പണിയാണല്ലോ..വിവാഹം കഴിച്ച് കാണിച്ച് കൊടുത്തൂടെ';മഞ്ജു വാര്യർക്ക് അധിക്ഷേപം -
ഏപ്രിൽ 1 മുതൽ കളി മാറും! പാൻ കാർഡ് നിയമങ്ങളിൽ വൻ മാറ്റം; അറിഞ്ഞില്ലെങ്കിൽ പണി കിട്ടും -
ദുബായിയും അബുദാബിയും ഇല്ലാതാകും! യുഎഇ ചെയ്യുന്നത് മണ്ടത്തരം; ഉപദേശിച്ച് യുഎസ് സാമ്പത്തിക വിദഗ്ധന്
Click it and Unblock the Notifications
Sign in with Google