Click it and Unblock the Notifications
Just In
Don't Miss
-
മഹീന്ദ്ര 'പപ്പടം' അങ്ങനെ ഇറക്കാത്തതാണല്ലോ..! ഈ എസ്യുവിക്ക് ക്രാഷ് ടെസ്റ്റില് കിട്ടിയത് 1 സ്റ്റാര് -
18 മാസം കൊണ്ട് 108 കിലോ കുറച്ചത് വെറുതേയായി; വീണ്ടും തടി കൂടി ആനന്ദ് അംബാനി; കാരണം ഇത് -
IPL 2024: മുംബൈ ഇനിയും തോല്ക്കും, അപ്പോഴും ഹാര്ദിക് ചിരിക്കും! വിമര്ശിച്ച് സ്റ്റെയിന് -
1 വർഷത്തെ കാലാവധിയുള്ള എഫ്.ഡിക്ക് മികച്ച പലിശ നേടാം, ഈ ബാങ്കിലേക്ക് പോകൂ -
ചെരുപ്പിടാതെ നടന്നതിന് വെട്ടാന് ചെരുപ്പ്, പൂഴിക്കടകനിട്ട് തിരിച്ചുവെട്ടി ജാസ്മിന്; മിണ്ടാതിരുന്നവരെ പൊക്കി -
രാജമാണിക്യം ലെവൽ റോമിങ് പ്ലാനുമായി എയർടെൽ; 184 രാജ്യങ്ങൾ സന്ദർശിക്കാൻ ഒരൊറ്റ റീച്ചാർജ് മതി -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
രാത്രിയില്‍ ഭക്ഷണം എത്തിക്കും, കിട്ടാതായാല്‍ അക്രമാസക്തരാകും; കോട്ടയത്ത് തെരുവ് നായ്ക്കളുടെ വിളയാട്ടം
കോട്ടയം: കോട്ടയം ജില്ലയിലെ പാലാ ടൗണിലും മറ്റും തെരുവ് നായ ശല്യം രൂക്ഷമാകുന്നു. രാവിലെ ആരാധനാലയങ്ങളില്‍ പോകുന്നവരും പ്രഭാത സവാരി നടത്തുന്നവരും നായ്ക്കളുടെ ശല്യം മൂലം വലഞ്ഞിരിക്കുകയാണ്. സ്‌കൂളുകളിലും അങ്കണവാടിയിലും കുട്ടികളെ തനിയെ പറഞ്ഞയയ്ക്കാന്‍ രക്ഷിതാക്കളും മടി കാണിക്കുകയാണ്.
ഇരുചക്ര വാഹന യാത്രക്കാര്‍ക്കും നായ്ക്കള്‍ വലിയ ഭീഷണിയാണ് സൃഷ്ടിക്കുന്നത്. കടപ്പാട്ടൂര്‍, റിവര്‍വ്യൂ റോഡ്, ടൗണ്‍ ഹാള്‍ പരിസരം, മുരിക്കുംപുഴ, മേവട, രാമപുരം, ഇടമറ്റം, കിടങ്ങൂര്‍, വലവൂര്‍, ഭരണങ്ങാനം, മുത്തോലി, പാളയം, കൊല്ലപ്പള്ളി, ചെത്തിമറ്റം തുടങ്ങിയ സ്ഥലങ്ങളിലെല്ലാം തെരുവ് നായ ശല്യം രൂക്ഷമായിരിക്കുകയാണ്.
മീനച്ചിലാറിന്റെ തീരങ്ങളിലും സ്റ്റേഡിയത്തിനുള്ളിലും നഗരസഭ കോംപ്ലക്‌സിന്റെ പിന്‍ഭാഗങ്ങളിലുമാണ് നായ്ക്കള്‍ പകല്‍ സമയത്ത് തമ്പടിക്കുന്നത്. തട്ടുകടകളില്‍ നിന്നും ഹോട്ടലുകളില്‍ നിന്നുമുള്ള ഭക്ഷണാവശിഷ്ടങ്ങളാണ് തെരുവ് നായ്ക്കളുടെ പ്രധാന ആഹാരം. കൂടാതെ നായ സംരക്ഷണം എന്ന പേരില്‍ ചിലര്‍ രാത്രികാലങ്ങളില്‍ നായ്ക്കള്‍ക്ക് ആഹാരവും എത്തിച്ചു നല്‍കുന്നുണ്ട്.
പിന്നീട് ഭക്ഷണം കിട്ടാതെ വരുമ്പോഴാണ് നായകള്‍ ആക്രമണകാരികളാകുന്നത്. തെരുവുനായ വിഷയത്തില്‍ അടിയന്തരമായി ഇടപെടണമെന്നാവശ്യപ്പെട്ട് പാലാ പൗരസമിതി പ്രസിഡന്റ് പി.പോത്തന്‍ മനുഷ്യാവകാശ കമ്മിഷന്‍, വനിത കമ്മിഷന്‍, എം എല്‍ എ എന്നിവര്‍ക്ക് പരാതി നല്‍കിയിരിക്കുകയാണ്. അതേസമയം വിഷയത്തില്‍ നടപടിയെടുക്കുന്നതില്‍ അധികാരികള്‍ ഗുരുതരമായ വീഴ്ച വരുത്തുകയാണെന്ന് മാണി സി. കാപ്പന്‍ എം എല്‍ എ പറഞ്ഞു.
പതിനായിരക്കണക്കിന് ആളുകള്‍ക്ക് നായ്ക്കളുടെ കടിയേറ്റിട്ടും നടപടിയെടുക്കുന്നില്ല എന്നും തെരുവ് നായ്ക്കളുടെ വന്ധ്യംകരണം ഉള്‍പ്പെടെയുള്ള കാര്യങ്ങള്‍ പ്രഖ്യാപനങ്ങളില്‍ ഒതുങ്ങുമ്പോള്‍ കേരളം ഭീതിയിലാണ് എന്നും അദ്ദേഹം പറഞ്ഞു. കഴിഞ്ഞ ദിവസം പാല്‍ വാങ്ങാന്‍ പോയ അഭിരാമി പേവിഷ ബാധയേറ്റ് മരിച്ചതിന് സര്‍ക്കാരാണ് ഉത്തരവാദി എന്നും അദ്ദേഹം ആരോപിച്ചു.
കഴിഞ്ഞ ദിവസം മൃഗ സംരക്ഷണ വകുപ്പ് മുന്‍ ജീവനക്കാരിക്ക് തെരുവ് നായുടെ കടിയേറ്റിരുന്നു. വലതു പാദത്തിന്റെ മുകള്‍ ഭാഗത്തായാണ് കടിയേറ്റത്. അതിനിടെ പേരൂരില്‍ കഴിഞ്ഞ ദിവസം രാത്രി 6 പേരെ കടിച്ച നായയ്ക്ക് പേ വിഷബാധയുണ്ട് എന്ന് സ്ഥിരീകരിച്ചത് ആശങ്കയിലാഴ്ത്തി. രാത്രിയില്‍ തന്നെ നായയെ ചത്ത നിലയില്‍ കണ്ടെത്തിയിരുന്നു.
ഓണാഘോഷം കഴിഞ്ഞില്ലേ..? സാരിയില്‍ തിളങ്ങി പാര്‍വതി, വൈറല്‍ ചിത്രങ്ങള്‍
അതേസമയം ഉഴവൂരില്‍ ജനങ്ങളുടെ സുരക്ഷയ്ക്കായി തെരുവ് നായ്ക്കള്‍ക്ക് ഓപ്പറേഷന്‍ സേഫ് പദ്ധതിയുടെ ഭാഗമായി പേവിഷ പ്രതിരോധ കുത്തിവയ്പ് നല്‍കി തുടങ്ങി. വൈക്കത്ത് നിന്ന് പട്ടികളെ പിടികൂടുന്ന സംഘം ഉഴവൂരില്‍ എത്തിയിട്ടുണ്ട്. അഞ്ചംഗ സംഘം മുപ്പതിലേറെ തെരുവുനായ്ക്കള്‍ക്ക് വാക്സിന്‍ നല്‍കി.
