Click it and Unblock the Notifications
Just In
Don't Miss
-
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
IPL 2024: ഹാര്ദിക് എന്തിന് ടീമില്? വീണ്ടും ഫ്ളോപ്പ്; ലോകകപ്പ് ടീമിലും വേണ്ട! ട്രോളി ഫാന്സ് -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
പേപ്പട്ടി കടിച്ചവരുടെ ആശങ്ക കണ്ട് വിളിച്ചു, ഉടന്‍ നടപടിയുണ്ടായി; വീണ ജോര്‍ജിനെ അഭിനന്ദിച്ച് ഉമ്മന്‍ചാണ്ടി
കോട്ടയം: ആരോഗ്യ മന്ത്രി വീണാ ജോര്‍ജിന് നന്ദി പറഞ്ഞ് മുന്‍ മുഖ്യമന്ത്രിയും പുതുപ്പള്ളി എം എല്‍ എയുമായ ഉമ്മന്‍ ചാണ്ടി. കോട്ടയം പറമ്പുകര ഹെല്‍ത്ത് ആന്‍ഡ് വെല്‍നസ് സെന്ററിന്റെ ഉദ്ഘാടന വേദിയിലെ അധ്യക്ഷ പ്രസംഗത്തിലായിരുന്നു ഉമ്മന്‍ ചാണ്ടി വീണാ ജോര്‍ജിന് നന്ദി അറിയിച്ചത്. ദിവസങ്ങള്‍ക്ക് മുന്‍പ് കോട്ടയം പാമ്പാടിയില്‍ ഏഴ് പേര്‍ക്ക് നായയുടെ കടിയേറ്റിരുന്നു.
അന്ന് നായ കടിച്ച് ചികിത്സയിലുള്ളവരെ കാണാന്‍ ഉമ്മന്‍ ചാണ്ടി എത്തിയിരുന്നു. അവിടെയെത്തിയ ഉമ്മന്‍ ചാണ്ടി വീട്ടുകാരുടെ ആശങ്ക കണ്ട് മന്ത്രി വീണാ ജോര്‍ജിനെ വിളിക്കുകയും കാര്യം ശ്രദ്ധയില്‍പ്പെടുത്തുകയും ചെയ്തു. ഇതോടെ വീണ ജോര്‍ജ് ഉടന്‍ തന്നെ കോട്ടയം മെഡിക്കല്‍ കോളജ് കമ്മ്യൂണിറ്റി മെഡിസിന്‍ വിഭാഗം മേധാവി സൈറു ഫിലിപ്പിനെ വിളിച്ച് വേണ്ട നടപടികള്‍ സ്വീകരിക്കാന്‍ നിര്‍ദേശം നല്‍കുകയും ചെയ്തു.
പിന്നാലെ മെഡിക്കല്‍ സംഘം പാമ്പാടിയിലെ വീടുകളിലെത്തി കുടുംബാംഗങ്ങളെ കണ്ട് ആശങ്ക ദൂരീകരിച്ചു. മീനടം മെഡിക്കല്‍ ഓഫിസര്‍ ഡോ. രഞ്ജു വര്‍ഗീസും ഡോ. സൈറു ഫിലിപ്പിന്റെ കൂടെ ഉണ്ടായിരുന്നു. മെഡിക്കല്‍ സംഘം കുടുംബങ്ങളോട് വിശദമായി തന്നെ എല്ലാ വശങ്ങളും സംസാരിക്കുകയും മാനസിക പിന്തുണ നല്‍കുകയും ആത്മവിശ്വാസം വര്‍ധിപ്പിക്കുകയും ചെയ്തു.
ഇതിന് ശേഷവും വിവരങ്ങള്‍ തിരക്കി മെഡിക്കല്‍ സംഘം വരുന്നുണ്ട്. ഇത് അവര്‍ക്ക് ഏറെ ആശ്വാസമായി എന്നും വളരെ പെട്ടെന്ന് നടപടി സ്വീകിച്ച മന്ത്രിയെ നന്ദി അറിയിക്കുകയും അഭിനന്ദിക്കുകയും ചെയ്യുന്നു എന്നും ഉമ്മന്‍ചാണ്ടി പറഞ്ഞു. കഴിഞ്ഞ ശനിയാഴ്ചയായിരുന്നു പാമ്പാടിയില്‍ തെരുവ് നായയുടെ ആക്രമണം ഉണ്ടായത്.
പിന്നീട് ഈ നായയെ ചത്ത നിലയില്‍ കണ്ടെത്തിയതോടെ എല്ലാവരും ആശങ്കയിലായി. നായയുടെ ജഡം പരിശോധനയ്ക്ക് അയച്ചതോടെ പേവിഷ ബാധയും സ്ഥിരീകരിച്ചത് നാട്ടുകാരിലും ഭീതി പരത്തിയിരുന്നു. പാമ്പാടി വെള്ളൂര്‍ കവലയ്ക്ക് സമീപമാണ് നായയുടെ ആക്രമണമുണ്ടായിരുന്നത്. തെരുവ് നായ വീട്ടുമുറ്റത്ത് നിന്നവരെയും വീട്ടിന് ഉള്ളിലിരുന്നവരെയും വഴിയെ നടന്ന് പോയവരെയും എല്ലാം കടിച്ച ശേഷം ഓടിപ്പോവുകയായിരുന്നു.
പ്രകോപനമില്ലാതെ നായ ആക്രമണം നടത്തിയത് പേവിഷബാധ ഉളളതുകൊണ്ടാണെന്ന് സംശയം നേരത്തെ തന്നെ ഉയര്‍ന്നിരുന്നു. പരിശോധനയില്‍ ഇത് വ്യക്തമായതോടെ തുടര്‍ പ്രതിരോധ പ്രവര്‍ത്തനങ്ങളും സ്വീകരിച്ചിരുന്നു. കടിയേറ്റവരെല്ലാം കോട്ടയം മെഡിക്കല്‍ കോളജില്‍ നിന്ന് പ്രതിരോധ കുത്തിവെപ്പ് എടുത്തിരുന്നു.
