11 തവണയും മുസ്ലിം ലീഗിനൊപ്പം; കെപിഎ മജീദും എംകെ മുനീറും തോറ്റ മങ്കട, മണ്ഡല ചരിത്രം
മലപ്പുറം: സിഎച്ച് മുഹമ്മദ് കോയയും കൊരമ്പയില് അഹമ്മദ് ഹാജിയും കെപിഎ മജീദുമെല്ലാം വെന്നിക്കൊടി നാട്ടിയ മണ്ഡലമാണ് മങ്കട. ഇടത് തേരോട്ടത്തിന് അത്ര ഇടം കൊടുക്കാത്ത നാട്. 14 തിരഞ്ഞെടുപ്പുകളില് 11ലും ജയിച്ചത് മുസ്ലിം ലീഗ് സ്ഥാനാര്ഥികള് തന്നെ. പാലൊളി മുഹമ്മദ് കുട്ടിയും മഞ്ഞളാംകുഴി അലിയുമാണ് ചെങ്കൊടി ഉയര്ത്തിയത്. എന്നാല് അലിയെ പിന്നീട് കണ്ടത് മുസ്ലിം ലീഗിന്റെ പാളയത്തിലാണ്. ആശങ്കയില്ലാതെ തിരഞ്ഞെടുപ്പിന് ഒരുങ്ങുന്ന മങ്കടയില് ഇത്തവണ അലി വീണ്ടുമെത്തുമെന്നും അതല്ല, യുവ നേതാവിനെ രംഗത്തിറക്കുമെന്നുമെല്ലാം കേള്ക്കുന്നു...
മക്കരപ്പറമ്പ്, മങ്കട, അങ്ങാടിപ്പുറം, കൂട്ടിലങ്ങാടി, കുറുവ, മൂര്ക്കനാട്, പുഴക്കാട്ടിരി എന്നീ പഞ്ചായത്തുകള് ചേര്ന്നതാണ് മങ്കട നിയമസഭാ മണ്ഡലം. 1965ല് പി മുഹമ്മദ് കുട്ടിയും 2001, 2006 വര്ഷങ്ങളില് മഞ്ഞളാംകുഴി അലിയുമാണ് ഇടതുപക്ഷത്ത് നിന്ന് ജയിച്ചത്. അലി തിളങ്ങി നിന്ന കാലത്ത് തോറ്റത് മുസ്ലിം ലീഗിലെ പ്രമുഖരാണ്. കെപിഎ മജീദും എംകെ മുനീറും. കെപിഎ മജീദ് തുടര്ച്ചായി അഞ്ച് തവണ ജയിച്ച മങ്കടയില് അലിയുടെ വരവാണ് തടസമുണ്ടാക്കിയത്. പക്ഷേ, അലിയെ തന്നെ പാര്ട്ടിയിലെത്തിച്ച് മുസ്ലിം ലീഗ് ഈ പ്രശ്നം പരിഹരിച്ചു. പിന്നീട് തൊട്ടടുത്ത മണ്ഡലമായ പെരിന്തല്മണ്ണയും മുസ്ലിം ലീഗിന് നേടികൊടുക്കുന്ന അലിയെ ആണ് മലപ്പുറത്തുകാര് കണ്ടത്.
1957ല് മുസ്ലിം ലീഗിലെ മുഹമ്മദ് കോഡൂരാണ് മങ്കടയില് ജയിച്ചത്. പി അബ്ദുല് മജീദ്, സിഎച്ച് മുഹമ്മദ് കോയ, എം മൊയ്തീന് കുട്ടി, കൊരമ്പയില് മുഹമ്മദ് ഹാജി, കെപിഎ മജീദ്, അഹമ്മദ് കബീര് തുടങ്ങിയ മുസ്ലിം ലീഗ് നേതാക്കളെല്ലാം ജയിച്ച മണ്ഡലമാണിത്. 1965ല് പി മുഹമ്മദ് കുട്ടിയും 2001, 2006 തിരഞ്ഞെടുപ്പുകളില് പാലോളി മുഹമ്മദ് കുട്ടിയും ജയിച്ചു. 2011ല് മുസ്ലിം ലീഗിലേക്ക് മാറിയ അലി പെരിന്തല്മണ്ണയില് മല്സരിക്കാന് നിയോഗിക്കപ്പെട്ടു. ഇതോടെ മങ്കടയില് അഹമ്മദ് കബീറിനെ മല്സരിപ്പിക്കാന് ലീഗ് തീരുമാനിച്ചു. അങ്ങനെ പെരിന്തല്മണ്ണയും മങ്കടയും മുസ്ലിം ലീഗിന്റേതായി മാറി. 2016ല് അഹമ്മദ് കബീറിന്റെ ഭൂരിപക്ഷം 1508 ആയി കുറഞ്ഞു എന്നത് മുസ്ലിം ലീഗിന് ആശങ്കയുണ്ടാക്കുന്നതാണ്. മലപ്പുറം ജില്ലയില് ഇടതുപക്ഷം പ്രതീക്ഷ വച്ചുപുലര്ത്തുന്ന മണ്ഡലം കൂടിയാണ് മങ്കട.
കരുത്തായി അര്ജുന്, ഇന്ത്യന് നിര്മ്മിത യുദ്ധ ടാങ്ക് സൈന്യത്തിന് കൈമാറി പ്രധാനമന്ത്രി- ചിത്രങ്ങള്
ലോക്സഭാ തിരഞ്ഞെടുപ്പുകളിലും മുസ്ലിം ലീഗ് സ്ഥാനാര്ഥികള്ക്ക് മികച്ച ഭൂരിപക്ഷം നല്കിയിട്ടുണ്ട് മങ്കട. ഇക്കഴിഞ്ഞ തദ്ദേശ തിരഞ്ഞെടുപ്പില് മണ്ഡലത്തിലെ ഏഴ് പഞ്ചായത്തുകളില് 6ലും മുസ്ലിം ലീഗിനാണ് ജയം. മൂര്ക്കനാട് മാത്രം എല്ഡിഎഫ് പിടിച്ചു. പക്ഷേ, പഴയ ഭൂരിപക്ഷം മുസ്ലിം ലീഗിന് നേടാനായില്ല എന്ന് മാത്രം. 2015ല് രണ്ടു പഞ്ചായത്തുകള് മാത്രമാണ് യുഡിഎഫിനുണ്ടായിരുന്നത്. ഇതില് നിന്ന് വലിയ മാറ്റമുണ്ടാക്കാന് യുഡിഎഫ് സാധിച്ചു. ആ പ്രതീക്ഷയിലാണ് മുസ്ലിം ലീഗ് നിയമസഭാ തിരഞ്ഞെടുപ്പിന് ഒരുങ്ങുന്നത്.
രാജകുമാരിയെ പോലെ നടി ഷാലു ഷമ്മു: പുതിയ ചിത്രങ്ങള്
-
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല് -
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ
Click it and Unblock the Notifications
Sign in with Google