'സ്വന്തം മക്കളെന്ത് ചെയ്യുന്നുവെന്ന് ആദ്യം നോക്ക്..' ; എടവണ്ണയിലെ സദാചാര ഫ്ളക്സിന് വിദ്യാര്ത്ഥികളുടെ മറുപടി
മലപ്പുറം: അഞ്ച് മണിക്ക് ശേഷം വിദ്യാര്ത്ഥികളെ ബസ് സ്റ്റാന്ഡില് കണ്ടാല് കൈകാര്യം ചെയ്യുമെന്ന് പറഞ്ഞ് ഫ്ളക്സ് ബോര്ഡ് വെച്ച സദാചാരവാദികള്ക്ക് മറുപടിയുമായി വിദ്യാര്ത്ഥികള്. അഞ്ച് മണി കഴിഞ്ഞ് ബസ് സ്റ്റാന്ഡിലും പരിസരത്തും കണ്ടാല് കൈകാര്യം ചെയ്തു കളയുമെന്ന് ആഹ്വാനം ചെയ്യാന് ആര്ക്കും അധികാരവും അവകാശവുമില്ലെന്ന് സദാചാര കമ്മറ്റിക്കാര് ഓര്ക്കണം എന്ന് പറഞ്ഞ് കൊണ്ടാണ് വിദ്യാര്ത്ഥികളുടെ മറുപടി.
മലപ്പുറം ജില്ലയിലെ എടവണ്ണയിലാണ് സംഭവം. കഴിഞ്ഞ ദിവസമാണ് എടവണ്ണ ബസ് സ്റ്റാന്ഡ് പരിസരത്ത് 'വിദ്യാര്ത്ഥികള്ക്കൊരു മുന്നറിയിപ്പ്' എന്ന് പറഞ്ഞ് കൊണ്ട് ഫ്ളക്സ് ബോര്ഡ് പ്രത്യക്ഷപ്പെട്ടത്. എടവണ്ണ ജനകീയ കൂട്ടായ്മയുടെ പേരിലാണ് ബോര്ഡ് വെച്ചത്. എടവണ്ണ ഓറിയന്റല് ഹയര് സെക്കന്ഡറി സ്കൂള് അടക്കം നാലിലധികം വിദ്യാഭ്യാസ സ്ഥാപനങ്ങള് ആണ് എടവണ്ണയിലുള്ളത്.
ഇവിടങ്ങളില് പഠിക്കുന്ന വിദ്യാര്ത്ഥികള് ബസ് സ്റ്റാന്ഡിലും പരിസരത്തും കൂട്ടം കൂടി നില്ക്കുന്നത് പതിവാണ്. ഇത് ചൂണ്ടിക്കാട്ടി കൊണ്ടാണ് എടവണ്ണ ജനകീയ കൂട്ടായ്മയുടെ പേരില് ഫ്ളക്സ് ബോര്ഡ് വെച്ചത്. 'കോണികൂടിലും ഇലമറവിലും പരിസരബോധമില്ലാതെ സ്നേഹപ്രകടനം കാഴ്ച വെക്കുന്ന ആഭാസ വിദ്യരായ വിദ്യാര്ഥികളോട് ഞങ്ങള്ക്കൊന്നേ പറയാനൊള്ളു.
ഇനിമുതല് ഇത്തരം ഏര്പ്പാടുകള് ഇവിടെ വെച്ച് വേണ്ട. വേണമെന്ന് നിര്ബന്ധമുളളവര്ക്ക് താലി കെട്ടി കൈപിടിച്ചു വീട്ടില് കൊണ്ട് പോയി തുടരാവുന്നതാണ്. മുന്നറിയിപ്പ് അവഗണിച്ച് മുന്നോട്ടു പോവുന്നവരെ എന്ത് ചെയ്യണമെന്ന് ഞങ്ങള്ക്ക് നന്നായിട്ടറിയാം. ആയതിനാല് അഞ്ച് മണിക്ക് ശേഷം ഈ പരിസരത്ത് വിദ്യാര്ത്ഥികളെ കാണാനിടവന്നാല് അവരെ നാട്ടുകാര് കൈകാര്യം ചെയ്യുന്നതും രക്ഷിതാക്കളെ വിളിച്ചു ഏല്പിക്കുന്നതുമാണ്.
ഇത് സദാചാര ഗുണ്ടായിസമല്ല.. വളര്ന്നുവരുന്ന കുട്ടികളും, കുടുംബവുമായി ജീവിക്കുന്ന നാട്ടുകാരുടെ അവകാശമാണ് എന്നായിരുന്നു എടവണ്ണ ജനകീയ കൂട്ടായ്മ വെച്ച ബോര്ഡിലെ വാചകങ്ങള്. ഇതിന് പിന്നാലെയാണ് വിദ്യാര്ത്ഥികള് മറുപടി ഫ്ളക്സ് വെച്ചത്. ' ആധുനിക ഡിജിറ്റല് സ്കാനറിനെ തോല്പ്പിക്കുന്ന സാങ്കേതിക മികവുള്ള കണ്ണുമായി ബസ്റ്റ് സ്റ്റാന്റിലേയും പരിസരത്തെയും കോണിക്കൂടിലേക്ക് സദാചാര ആങ്ങളമാര് ടോര്ച്ചടിക്കുന്നതിന് മുമ്പ് അവനവന്റെ വിദ്യാര്ത്ഥികളായ മക്കള് (ആണപെണ് വ്യത്യാസമില്ലാതെ) കൈകാര്യം ചെയ്യുന്ന മൊബൈലും വാട്ട്സ്ആപ്പും ഇന്സ്റ്റഗ്രാമും ആദ്യമൊന്ന് തിരഞ്ഞ് നോക്കണം.
വിദ്യാര്ത്ഥികള്ക്ക് 7 എഎം മുതല് 7 പിഎം വരെയാണ് കണ്സെഷന് സമയം എന്നറിയാതെ 5 മണി കഴിഞ്ഞ് ബസ് സ്റ്റാന്റിലും പരിസരത്തും കണ്ടാല് കൈകാര്യം ചെയ്തു കളയുമെന്ന് ആഹ്വാനം ചെയ്യാനും ബോര്ഡ് വെക്കാനും ഒരു വ്യക്തിക്കോ, സമൂഹത്തിനോ അധികാരവും അവകാശവും നിയമവുമില്ലെന്ന് സദാചാര കമ്മറ്റിക്കാര് ഓര്ക്കണം എന്നാണ് വിദ്യാര്ത്ഥി പക്ഷം, എടവണ്ണ പേരില് വിദ്യാര്ത്ഥികള് നല്കിയ മറുപടി. അതേസമയം പ്രശ്നം വഷളാകാതെയിരിക്കാന് എടവണ്ണ പൊലീസ് എത്തി രണ്ട് ഫ്ളക്സ് ബോര്ഡുകളും എടുത്ത് മാറ്റിയിട്ടുണ്ട്.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google