അയര്‍ലന്റ് സ്വദേശി മുംബൈയില്‍ തൂങ്ങി മരിച്ചു, കാരണം ഇന്ത്യക്കാരി?

മുംബൈ: ആയര്‍ലന്റ് സ്വദേശിയെ മുംബൈയിലെ ഹോട്ടല്‍ മുറിയില്‍ തൂങ്ങിമരിച്ച നിലയില്‍ കണ്ടെത്തി. ഡാരന്‍ കാമ്പല്‍ എന്ന് നാല്‍പത് കാരനാണ് മരിച്ചത്. ഇയാള്‍ ഒരു ഡച്ച് അനിമേഷന്‍ കമ്പനിയുടെ കണ്‍സള്‍ട്ടിങ് ഡയറക്ടറാണ്.

പൊവായിലെ ഒരു ഫൈവ് സറ്റാര്‍ ഹോട്ടലില്‍ ആണ് ഡാരന്‍ താമസിച്ചിരുന്നത്. മുറിയിലെ ടോയ്‌ലറ്റിനുള്ളിലാണ് മൃതദേഹം കണ്ടെത്തിയത്.

ഇന്ത്യക്കാരിയായ ഒരു സ്ത്രീയാണ് തന്റെ മരണത്തിന് കാരണക്കാരിയെന്ന് ആത്മഹത്യാ കുറിപ്പും ഡാരന്‍ എഴുതിവച്ചിട്ടുണ്ടായിരുന്നു. ഡച്ച് ആനിമേഷന്‍ കമ്പനിക്കൊപ്പം പ്രവര്‍ത്തിച്ചിരുന്ന ഒരു ഇന്ത്യന്‍ സ്ഥാപനത്തില്‍ ജോലി ചെയ്തിരുന്ന സ്ത്രീ ആണിത്. ഇവര്‍ അടുത്തിടെ ജോലി ഉപേക്ഷിച്ചിരുന്നു.

ജോലി ഉപേക്ഷിച്ചെങ്കിലും ഡാരന്‍ കാമ്പലുമായുള്ള ബന്ധം ഈ സ്ത്രീ തുടര്‍ന്നിരുന്നു എന്നാണ് പോലീസിന് ലഭിച്ച വിവരം. ഡാരന്‍ മുംബൈയില്‍ വന്നിത് ശേഷം മാത്രം ഈ സ്ത്രീയുമായി നൂറിലധികം എസ്എംഎസ് സന്ദേശങ്ങള്‍ പങ്കുവച്ചിരുന്നു. പരസ്പരം ഇരുനൂറിലേറെ തവണ വിളിച്ചിട്ടും ഉണ്ട്.

തങ്ങള്‍ നല്ല സുഹൃത്തുക്കള്‍ മാത്രമായിരുന്നുവെന്നാണ് സ്ത്രീ പോലീസിനോട് പറഞ്ഞത്. ഡാരന്‍ മരിക്കുന്നതിന് രണ്ട് ദിവസം മുമ്പ് ഇവര്‍ കണ്ടുമുട്ടിയിരുന്നു.

കഴിഞ്ഞ തിങ്കളാഴ്ചയാണ് ഡാരനെ ഹോട്ടല്‍ മുറിയില്‍ ആത്മഹത്യ ചെയ്ത നിലയില്‍ കണ്ടെത്തിയത്. അന്ന് റൂം ഒഴിയുമെന്ന് ഹോട്ടല്‍ അധികൃതരെ അറിയിച്ചിരുന്നു. ഡാരന്റെ വിമാനത്തിന്റെ സമയമായിട്ടും പുറത്തിറങ്ങത് കാണാഞ്ഞപ്പോഴാണ് വാതില്‍ തുറന്ന് ഹോട്ടല്‍ ജീവനക്കാര്‍ അകത്ത് കടന്നത്. നവംബര്‍ 16 നാണ് ഡാരന്‍ മുംബൈയില്‍ എത്തിയത്.

English summary

An Irish national and consulting director at a Dutch animation firm was found hanging on Monday in the toilet of his fourth-floor room at a five-star hotel in Powai.