Click it and Unblock the Notifications
Just In
Don't Miss
-
നിഗൂഢതകളൊളിപ്പിച്ച മുനിയറ, കേരളത്തിന്റെ കാശ്മീര്.. മലയോര നാടിൻറെ വശ്യത നേരിട്ടറിയാം.. പാക്കേജ് -
'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില് ജാസ്മിനുമുണ്ടാകും' -
ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ! -
മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ -
IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം? -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
കാര്‍ അപകടം; സല്‍മാന്‍ അമിതമായി മദ്യപിച്ചിരുന്നതായി റിപ്പോര്‍ട്ട്
ദില്ലി: ബോളിവുഡ് നടന്‍ സല്‍മാന്‍ ഖാന്‍ ഓടിച്ച കാറിടിച്ച് വഴിയാത്രക്കാരന്‍ മരിക്കുകയും നാലുപേര്‍ക്ക് പരിക്കേല്‍ക്കുകയും ചെയ്ത കേസില്‍ ഫോറന്‍സിക് വിഭാഗം നിര്‍ണായക റിപ്പോര്‍ട്ട് കോടതിയില്‍ സമര്‍പ്പിച്ചു. അപകടസമയത്ത് സല്‍മാന്‍ ഖാന്‍ അമിതമായി മദ്യപിച്ചിരുന്നതായാണ് ഫോറന്‍സിക് വിഭാഗം ബുധനാഴ്ച കോടതിയില്‍ സമര്‍പ്പിച്ച റിപ്പോര്‍ട്ടില്‍ പറയുന്നത്.
അനുവദനീയമായതിലും കൂടുതലായിരുന്നു സല്‍മാന്‍ ഖാന്റെ ശരീരത്തിലെ ആള്‍ക്കഹോളിന്റെ അളവെന്ന് റിപ്പോര്‍ട്ട് വ്യക്തമാക്കുന്നു. 30മില്ലിഗ്രാം ആണ് അനുവദനീയമായ അളവ് എന്നാല്‍ സല്‍മാന്റെ ശരീരത്തില്‍ 60 മില്ലിഗ്രാം മദ്യമുണ്ടായിരുന്നതായി പരിശോധനയില്‍ കണ്ടെത്തിയെന്ന് ഫോറന്‍സിക് ഉദ്യോഗസ്ഥര്‍ അറിയിച്ചു. കേസില്‍ വാദം കേള്‍ക്കാന്‍ സല്‍മാന്‍ ഖാന്‍ കോടതിയിലെത്തിയിരുന്നു. സഹോദരിമാരും അദ്ദേഹത്തിനൊപ്പമുണ്ടായിരുന്നു.
2002 സെപ്തംബര്‍ 28ന് ബാന്ദ്രയിലെ ഹില്‍ റോഡില്‍ വെച്ചായിരുന്നു കേസിനാസ്പദമായ സംഭവം നടക്കുന്നത്. താരം ഓടിച്ചിരുന്ന ലാന്‍ഡ് ക്രൂയിസര്‍ വഴിയരുകില്‍ ഉറങ്ങിക്കിടക്കുകയായിരുന്നവരുടെ ശരീരത്തിലേക്ക് പാഞ്ഞുകയറുകയായിരുന്നു. സംഭവത്തില്‍ ഒരാള്‍ മരിക്കുകയും നാലുപേര്‍ ഗുരുതരമായി പരിക്കേല്‍ക്കുകയും ചെയ്തു. അപകടം നടന്നയുടന്‍ സല്‍മാന്‍ സ്ഥലത്തുനിന്നും രക്ഷപ്പെട്ടിരുന്നു.
സല്‍മാന്‍ ഖാന്‍ രക്ഷപ്പെടുന്നത് കണ്ടുവെന്ന് നേരത്തെ സാക്ഷികള്‍ കോടതിയില്‍ ബോധിപ്പിച്ചിരുന്നു. അമിതമായ അളവില്‍ മദ്യം കഴിച്ചിരുന്നെന്ന റിപ്പോര്‍ട്ടുകൂടി പുറത്തുവന്നതോടെ കേസില്‍ താരം ശിക്ഷിക്കപ്പെടാനുള്ള സാധ്യത വര്‍ദ്ധിച്ചിരിക്കുകയാണ്. സല്‍മാന്‍ഖാനെ കോടതി ശിക്ഷിക്കുകയാണെങ്കില്‍ ബോളിവുഡിന് കോടികളുടെ നഷ്ടമായിരിക്കും വന്നുചേരുക.
