Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ബൈക്ക് മറിഞ്ഞുണ്ടായ അപകടത്തെ തുടര്‍ന്ന് കാണാതായ യുവാവിന്റെ മൃതദേഹം ഓടയില്‍ കണ്ടെത്തി
തിരുവല്ല: ബൈക്ക് മറിഞ്ഞുണ്ടായ അപകടത്തെ തുടര്‍ന്ന് കാണാതായ യുവാവിന്റെ മൃതദേഹം ദുരൂഹ സാഹചര്യത്തില്‍ രണ്ട് ദിവസങ്ങള്‍ക്ക് ശേഷം ഓടയില്‍ നിന്നും കണ്ടെത്തി. തുകലശേരി വാര്യത്ത് താഴ്ചയില്‍ മോഹനചന്ദ്രന്റെ മകന്‍ ജ്യോതിഷ് (24)ന്റെ മൃതദേഹമാണ് ഇന്നലെ ഉച്ചയ്ക്ക് 2 മണിയോടെ മാര്‍ക്കറ്റ് ജംഗ്ഷന് സമീപത്തെ മേല്‍മൂടിയുള്ള ഓടയില്‍ നിന്നും കണ്ടെടുത്തത്. ഞായറാഴ്ച രാത്രി 9 മണിയോടെ പാലിയേക്കര റോഡ് ആരംഭിക്കുന്ന ഭാഗത്ത് ബൈക്ക് അപകടത്തില്‍പ്പെട്ടതായി സമീപവാസികള്‍ പോലീസിനെ അറിയിച്ചിരുന്നു. തുടര്‍ന്ന് സ്ഥലത്തെത്തിയ പോലീസ് ഓടയില്‍ മറിഞ്ഞ നിലയില്‍ കിടന്നിരുന്ന ബൈക്ക് കസ്റ്റഡിയില്‍ എടുത്തു.
യുവാവിനെ കാണാനില്ലെന്ന് കാട്ടി വീട്ടുകാര്‍ തിങ്കളാഴ്ച നല്‍കിയ പരാതയുടെ അടിസ്ഥാനത്തില്‍ പോലീസിന്റെ അന്വേഷണം പുരോഗമിക്കുന്നതിനിടെയാണ് മൃതദേഹം കണ്ടെത്തിയത്. താലൂക്ക് ആശുപത്രിക്ക് സമീപം താമസിക്കുന്ന സുഹൃത്തിനെ വീട്ടിലാക്കാനെന്ന് പറഞ്ഞാണ് യുവാവ് ഞായറാഴ്ച രാത്രി വീട്ടില്‍ നിന്നും ഇറങ്ങിയത്.
അപകടത്തില്‍പ്പട്ട ബൈക്കിന്റെ താക്കോലും യുവാവിന്റെ മൊബൈലും കാണാതായതില്‍ ദുരൂഹതയുണ്ടെന്നാണ് ബന്ധുക്കളുടെ ആരോപണം. തിരുവല്ല പോലീസെത്തി മേല്‍നടപടി സ്വീകരിച്ച മൃതദേഹം കോട്ടയം മെഡിക്കല്‍ കോളേജ് ആശുപത്രി മോര്‍ച്ചറിയിലേക്ക് മാറ്റി. ഗീത മാതാവും നിതേഷ് സഹോദനുമാണ്. സംസ്‌കാരം ഇന്ന് ഉച്ച കഴിഞ്ഞ് മൂന്ന് മണിക്ക് വീട്ടുവളപ്പില്‍.
