ശബരിമല: നട അടച്ചാലും പതിനെട്ടാം പടി ചവിട്ടാം; ശര്ക്കര പായസവും വെള്ള നിവേദ്യവും സൗജന്യമായി വാങ്ങാം
പത്തനംതിട്ട: ശബരിമലയില് രാത്രി 11 നട അടച്ചാലും ഭക്തരെ പതിനെട്ടാം പടി ചവിട്ടാന് അനുവദിക്കും. ഇങ്ങനെ എത്തുന്നവർക്ക് പിറ്റേന്ന് രാവിലെ വടക്കേ നട വഴി ദർശനം നടത്താം. തിങ്കാളാഴ്ച മാത്രം സന്നിധാനത്ത് 70000 പേരാണ് ദർശനത്തിനായി ബുക്ക് ചെയ്തിരിക്കുന്നത്. വരും ദിവസങ്ങളില് തിരക്ക് വർധിക്കുമെന്നാണ് പ്രതീക്ഷിക്കുന്നത്. വിശ്വാസികള്ക്ക് ഒരു ദിവസത്തെ അന്നദാനം വഴിപാടായി നടത്താൻ ദേവസ്വം അവസരമൊരുക്കുന്നുണ്ട്. ഇതിനായി ആറുലക്ഷം രൂപയാണ് അടയ്ക്കേണ്ടത്. രണ്ട് ലക്ഷം രൂപയാണ് ഒരു നേരത്തെ അന്നദാനത്തിന്റെ തുക.
അയ്യപ്പസ്വാമിയുടെ വഴിപാട് പ്രസാദവുമായ വെള്ള നിവേദ്യം കൗണ്ടറില് നിന്ന് വാങ്ങാവുന്ന സൌകര്യവും ഒരുക്കിയിട്ടുണ്ട്. അരി കൊണ്ടുവരുന്നവര് ആവശ്യപ്പെടുന്ന പക്ഷം സൗജന്യമായി വെള്ള നിവേദ്യം നല്കും. കൂടാതെ 25 രൂപ വെള്ള നിവേദ്യ കൗണ്ടറില് അടച്ചും വെള്ള നിവേദ്യ പ്രസാദം വാങ്ങാവുന്നതാണ്. അരിയും ശര്ക്കരയും കൊണ്ടുവരുന്ന അയ്യപ്പഭക്തര്ക്ക് ആവശ്യാനുസരണം ശര്ക്കര പായസം സൗജന്യ പ്രസാദമായി നല്കും.
25 രൂപാ വിലയ്ക്കും ശര്ക്കര പായസം ലഭിക്കും. അരവണ വിതരണ കൗണ്ടറിന് മുന്നിലാണ് വെള്ള, ശര്ക്കര പായസ കൗണ്ടര് സ്ഥിതി ചെയ്യുന്നത്. തിരുമുറ്റം, ഫ്ളൈ ഓവര്, മാളികപ്പുറം, വെള്ളകൗണ്ടര് എന്നിവിടങ്ങളില് ഭക്തര് വഴിപാടായി സമര്പ്പിക്കുന്ന അരി, ശര്ക്കര തുടങ്ങിയ വഴിപാട് സാധനങ്ങള് വേര്തിരിച്ച് അതിലുള്ള നോട്ടും നാണയങ്ങളും കാണിക്ക വഞ്ചിയില് നിക്ഷേപിക്കും.
അരി അരിച്ച് വേര്തിരിച്ച് അളന്ന് തിട്ടപ്പെടുത്തി സ്റ്റോര് സൂപ്രണ്ടിനെ ഏല്പ്പിക്കും. ശര്ക്കര വെള്ള നിവേദ്യ പ്രസാദ കൗണ്ടറിലെ സ്പെഷ്യല് ഓഫീസര് ജയകുമാറിന്റെ നേതൃത്വത്തില് എഴ് ദേവസ്വം ജീവനക്കാരും 52 ദിവസവേതന ജീവനക്കാരും അടങ്ങുന്ന ടീമാണ് ശര്ക്കര, വെള്ള നിവേദ്യ കൗണ്ടറിലെ കാര്യങ്ങള് കൈകാര്യം ചെയ്യുന്നത്.
Friendship: ആ സുഹൃത്തിനെ വിശ്വസിക്കാമോ? യഥാർത്ഥ സുഹൃത്തുക്കളെ എങ്ങനെ അറിയാം, ഇതാ ചിലവഴികള്
അതേസമയം, ശബരിമലയെ കൂടുതല് പവിത്രമാക്കി ദേവസ്വം ബോര്ഡിന്റെ പവിത്രം ശബരിമല പദ്ധതി സജീവമാവുന്നു. ശബരിമല, പമ്പ, നിലയ്ക്കല്, ശബരിമല ഇടത്താവളങ്ങള് എന്നിവിടങ്ങള് കേന്ദ്രീകരിച്ചാണ് ദേവസ്വം ബോര്ഡിന്റെ പവിത്രം ശബരിമല പദ്ധതി നടപ്പിലാക്കുന്നത്. എല്ലാ ദിവസവും രാവിലെ ഒന്പതുമുതല് ഒരു മണിക്കൂര് സമയമാണ് ഈ കേന്ദ്രങ്ങള് വൃത്തിയക്കാനായി നീക്കിവച്ചിരിക്കുന്നത്.
ദേവസ്വം ബോര്ഡ് ജീവനക്കാര്ക്ക് പുറമേ, ഡ്യൂട്ടിയിലുള്ള മറ്റ് വകുപ്പ് ജീവനക്കാര്, അയ്യപ്പസേവാസംഘം പ്രവര്ത്തകര്, വിശുദ്ധി സേനാംഗങ്ങള് തുടങ്ങിയവരും ഈ ശുചീകരണ, ബോധവത്കരണ പരിപാടിയില് സജീവമായി പങ്കാളികളാകുന്നുണ്ട്. ശബരിമലയെ പൂര്ണമായി പരിശുദ്ധിയോടെ കാത്തുസൂക്ഷിക്കാനുള്ള ശ്രമങ്ങളുടെ ഭാഗമായുള്ള പവിത്രം ശബരിമല പദ്ധതി ഇത്തവണത്തെ മണ്ഡല മഹോത്സവ കാലം ആരംഭിച്ച വൃശ്ചികം ഒന്നിനാണ് അവതരിപ്പിച്ചത്.
പ്ലാസ്റ്റികും മറ്റ് മാലിന്യങ്ങളും നീക്കം ചെയ്ത്, പിന്നീട് ഇവ വേര്തിരിച്ചശേഷം ഇന്സിനറേറ്റില് എത്തിച്ച് അതത് ദിവസം തന്നെ സംസ്കരിക്കുകയാണ് ചെയ്യുന്നത്. ഇതോടൊപ്പം പൂങ്കാവനം ശുചിത്വപൂര്മായി കാത്തുസൂക്ഷിക്കേണ്ടതിന്റെ ആവശ്യകതയെക്കുറിച്ച് അയ്യപ്പഭക്തര്ക്കിടയില് ബോധവത്കരണവും നടത്തുന്നുണ്ട്.
-
സ്വർണം കൂട്ടത്തോടെ വിറ്റ് ദുബായിലെ ഇന്ത്യക്കാർ; ഒരു ദിവസം ഒരു കിലോ വരെ..കാരണം ഇതാണ് -
യുദ്ധം വേഗത്തിൽ അവസാനിക്കുമെന്ന് ട്രംപ്; 'വീണ്ടും തുടങ്ങിയാൽ കനത്ത തിരിച്ചടി തന്നെ അവർക്ക് നൽകും' -
ദീലീപ് കുടുങ്ങുമോ?നടി കേസിൽ ഹൈക്കോടതിയുടെ നിർണായക നീക്കം, നോട്ടീസ് നൽകി..ഇനി നിയമപോരാട്ടം -
ഗണേഷ് കുമാർ വിവാദത്തിൽ ട്വിസ്റ്റ്, ഭാര്യയെ വിളിച്ച് മാപ്പ് പറഞ്ഞ് മന്ത്രി, മാപ്പ് കൊടുത്തെന്ന് ബിന്ദു മേനോൻ -
എൽഡിഎഫ് 66 ഇടത്ത്, യുഡിഎഫ് 62 ഇടത്ത്, 12 മണ്ഡലങ്ങളിൽ കടുത്ത മത്സരം; കേരളത്തിൽ ഇഞ്ചോടിഞ്ചെന്ന് സർവേ -
'ഇങ്ങനാണേല് ഞാനില്ല'; പിണങ്ങിയിറങ്ങി ശശീന്ദ്രന്, എന്സിപിയിലും ആര്ജെഡിയിലും അതൃപ്തി പുകയുന്നു -
വിജയും തൃഷയും രഹസ്യമായി വിവാഹിതരായി? രജനിയും കമലും പങ്കെടുത്തു, ഫോട്ടോകൾ വൈറൽ, സത്യമാണോ? -
ശനിയുടെ അസ്തമയം 40 ദിവസം; ഈ രാശിക്കാർക്ക് ഭാഗ്യം ഉറപ്പ്, ദാമ്പത്യ ജീവിതത്തിൽ പൂർണ സന്തോഷം..! -
ഇസ്രായേലിന്റെ ഉറ്റരാജ്യം; അസര്ബൈജാന് ഇറാനിലേക്ക് മരുന്നും ഭക്ഷണവും അയച്ചു, വിചിത്ര ബന്ധം -
സഞ്ജു സാംസണിന്റെ ആസ്തി എത്ര? ഐപിഎൽ ശമ്പളവും പരസ്യ വരുമാനവും ചേർന്ന് വരുമ്പോൾ.. കണ്ണ് തള്ളും! -
ഈ രാശിക്കാരാണോ? മാര്ച്ച് മുതല് ഘടാഘടിയന് രാജയോഗം; ജീവിതം ഇനി കളറാകും -
സ്വര്ണം വില കൂടി; ഡോളര് ഇടിഞ്ഞത് തിരിച്ചടി, ഇനിയും ചാഞ്ചാട്ട സാധ്യത, ഇന്നത്തെ പവന് വില
Click it and Unblock the Notifications
Sign in with Google