ശബരിമല ബസ് അപകടം: നല്ല ഇറക്കത്തില് വാഹനം ന്യൂട്രലില്, ബ്രേക്ക് കിട്ടിയില്ല, ചെയ്യാന് പാടില്ലാത്തത്
പത്തനംതിട്ട: ഇലവുങ്കലില് ശബരിമല ദർശനം കഴിഞ്ഞ് മടങ്ങുന്ന തീർത്ഥാടകർ സഞ്ചരിച്ച ബസ് അപകടത്തില്പ്പെടാന് ഇടയാക്കിയത് ഗിയര്മാറ്റി ന്യൂട്രലിലുള്ള സഞ്ചാരം. നല്ല ഇറക്കമിറങ്ങുമ്പോള് ഗിയര്മാറ്റി ന്യൂട്രലില് ഇട്ടത് അപകടത്തിലേക്ക് നയിക്കുകയായിരുന്നു. ഇത്തരം രീതി പിന്തുടരുതെന്ന് മോട്ടോർ വാഹനവകുപ്പ് ശബരിമല റൂട്ടില് വരുന്ന വാഹനങ്ങള്ക്ക് നിരന്തരം നിർദേശം നല്കാറുണ്ട്.
ഇറക്കമിറങ്ങുമ്പോള് വാഹനം ന്യൂട്രലിലാണെങ്കില് എയര് ബ്രേക്കിന്റെ ഡ്രമ്മില് എയര് ഗണ്യമായി കുറയും. ഇങ്ങനെ കുറയുമ്പോള് ബ്രേക്ക് കിട്ടാതെ വരും. ഇലവുങ്കലില്നിന്ന് ഇറക്കം തുടങ്ങിയപ്പോള് തന്നെ ഈ ബസ് ന്യൂട്രലില് ആയെന്നുവേണം കരുതാനെന്നാണ് പത്തനംതിട്ട ആര് ടി ഒ എ കെ ദിലു വ്യക്തമാക്കി. വാഹനശേഷം ബസ് പരിശോധിച്ചപ്പോള് പരിശോധിച്ചപ്പോള് ബസ് ന്യൂട്രലില് ആയിരുന്നു. എയര് ഡ്രമ്മില് എയറും ഇല്ലായിരുന്നു.
അതേസമയം, ഇലവുങ്കല് നാറാണംതോടിന് സമീപം ശബരിമല തീര്ഥാടകരുടെ വാഹനം മറിഞ്ഞുണ്ടായ അപകടത്തില് പരിക്കേറ്റവര്ക്ക് ആവശ്യമായ എല്ലാ സഹായങ്ങളും ഉറപ്പ് വരുത്തിയിട്ടുണ്ടെന്ന് ദേവസ്വംവകുപ്പ് മന്ത്രി കെ. രാധാകൃഷ്ണന് പറഞ്ഞു. അപകടത്തില് പരിക്കേറ്റ് പത്തനംതിട്ട ജനറല് ആശുപത്രിയില് ചികിത്സയില് കഴിയുന്നവരെ സന്ദര്ശിച്ച ശേഷം സംസാരിക്കുകയായിരുന്നു മന്ത്രി.
അപകടത്തില് ആളപായമില്ല. ന്യൂട്രലില് ഇറക്കം ഇറങ്ങി വന്ന വാഹനത്തിന് ബ്രേക്ക് ലഭിക്കാതിരുന്നതിനെ തുടര്ന്ന് മറിയുകയായിരുന്നുവെന്നാണ് പ്രാഥമിക വിലയിരുത്തല്. ഇതുസംബന്ധിച്ച് കൃത്യമായ പരിശോധന നടത്തും. ചികിത്സയില് കഴിയുന്നവരുടെ വീടുകളില് വിവരം അറിയിച്ചു. വസ്ത്രം, ഭക്ഷണം എന്നിവ എത്തിച്ചു. പോലീസ്, ഫയര്ഫോഴ്സ്, സന്നദ്ധസേവകര് എന്നിവര് മികച്ച രക്ഷാപ്രവര്ത്തനമാണ് നടത്തിയത്.
അപകടത്തില് പെട്ടവര്ക്ക് ചികിത്സയ്ക്ക് ആവശ്യമായ എല്ലാ ക്രമീകരണങ്ങളും ജനറല് ആശുപത്രിയിലും കോട്ടയം മെഡിക്കല് കോളജിലും ഒരുക്കിയിട്ടുണ്ട്. പത്തനംതിട്ട ജില്ലാ ആശുപത്രിയില് 42 പേര് ചികിത്സയിലുണ്ട്. കോട്ടയം മെഡിക്കല് കോളേജില് 17 പേരാണ് ചികിത്സയിലുള്ളത്. അവരില് രണ്ടു പേരുടെ നില ഗുരുതരമായി തുടരുകയാണ്. രംഗനാഥന്റെ (85) വാരിയെല്ലിന് ഒടിവും മള്ട്ടിപ്പിള് ഫ്രാക്ചറും ഉണ്ട്. കുമാര് എന്ന വ്യക്തിയുടെ ശ്വാസനാളത്തിനും പരിക്കുണ്ട്. ഇരുവരും 48 മണിക്കൂര് നിരീക്ഷണത്തിലാണെന്നും മന്ത്രി പറഞ്ഞു.
ആരോഗ്യമന്ത്രി വീണാ ജോര്ജ്, എംഎല്എമാരായ അഡ്വ. കെ.യു. ജനീഷ് കുമാര്, അഡ്വ. പ്രമോദ് നാരായണ്, നഗരസഭാ ചെയര്മാന് അഡ്വ. ടി. സക്കീര് ഹുസൈന്, ജില്ലാ കളക്ടര് ഡോ. ദിവ്യ എസ് അയ്യര്, ജില്ലാ പോലീസ് മേധാവി സ്വപ്നില് മധുകര് മഹാജന്, സി.പി.എം ജില്ലാ സെക്രട്ടറി കെ.പി. ഉദയഭാനു, ജില്ലാ മെഡിക്കല് ഓഫീസര്(ആരോഗ്യം) ഡോ. എല്. അനിത കുമാരി, എന്.എച്ച്.എം. ഡി.പി.എം ഡോ. എസ്. ശ്രീകുമാര് തുടങ്ങിയവര് ഒപ്പം ഉണ്ടായിരുന്നു.
തണ്ണിമത്തന് വിത്ത് കളയല്ലേ: മുടിക്ക് മുതല് ചർമ്മത്തിന് വരെ നേട്ടങ്ങള്, അറിഞ്ഞിരിക്കേണ്ടത്
Click it and Unblock the Notifications
Sign in with Google