പരാതി പറയാന് വിളിച്ചപ്പോല് എസിപി പൊട്ടിത്തെറിച്ചു, മോശമായി പെരുമാറി; പൊലീസിനെതിരെ മുന് ഡിജിപി
തിരുവനന്തപുരം: സംസ്ഥാനത്തെ പൊലീസിനെതിരെ രൂക്ഷവിമര്ശനവുമായി മുന് ഡിജിപി ആര് ശ്രീലേഖ രംഗത്ത്. ഒരു യുവതിയുടെ പരാതി പറയാന് വിളിച്ച തനിക്ക് ശംഖുമുഖം അസി. കമ്മിഷണറില് നിന്നും ഉണ്ടായ മോശം അനുഭവത്തെ കുറിച്ചാണ് ആര് ശ്രീലേഖ പറയുന്നത്. ഒരു പൊലീസുകാരിയായ തനിക്ക് ഈ അനുഭവമാണ് ഉണ്ടാകുന്നതെങ്കില് മറ്റുള്ളവരുടെ കാര്യം എന്താകുമെന്ന ആശങ്കയും ശ്രീലേഖ പങ്കുവയ്ക്കുന്നുണ്ട്. എന്തുകൊണ്ടാണ് പൊലീസിന് ഇത്രയും ചീത്തപ്പേരുണ്ടായതെന്ന ചോദ്യം ശ്രീലേഖ പങ്കുവയ്ക്കുന്നുണ്ട്. ഫേസ്ബുക്ക് പോസ്റ്റിലാണ് ശ്രീലേഖയുടെ പ്രതികരണം.
ലിജി എന്ന സാധാരണക്കാരിയായ സ്ത്രീ സഹായം തേടി എന്നെ വിളിച്ചിരുന്നു. വളരെ മോശം അവസ്ഥയിലാണ് അവളെന്റെ സഹായം തേടിയത്. പല സ്ത്രീകളേയും പോലെ ആത്മഹത്യയുടെ വക്കിലായിരുന്നു അവള്. സ്വന്തം കുഞ്ഞുമായി ഭര്ത്താവിന്റെ വീടൊഴിയാനാണ് പൊലീസുകാര് അവളോട് ആവശ്യപ്പെട്ടത്. ഈ വിഷയത്തെക്കുറിച്ച് സംസാരിക്കാനായി ശംഖുമുഖം അസി.കമ്മീഷണറെ വിളിച്ചപ്പോള് അയാള് എന്നോട് ഫോണിലൂടെ പൊട്ടിത്തെറിക്കുകയാണ് ചെയ്തത്.
സ്വന്തം പേര് വെളിപ്പെടുത്തി സംസാരിക്കാന് പോലും അദ്ദേഹം തയ്യാറായില്ല. ഈ വിഷയത്തില് ഞാന് പൊലീസിനെ പിന്തുണയ്ക്കുകയാണ് വേണ്ടതെന്ന് അയാള് എന്നോട് പറഞ്ഞു. ഇങ്ങനെയുള്ള സ്ത്രീകള് പറയുന്ന കഥകള് കേട്ട് തന്നെ പോലെയുള്ള ഉദ്യോഗസ്ഥരെ വിളിക്കരുതെന്നും എ.സി.പി എന്നോട് ആവശ്യപ്പെട്ടെന്ന് ശ്രീലേഖ പറയുന്നു. കുറിപ്പിന്റെ പൂര്ണരൂപം ഇങ്ങനെ.
എന്തുകൊണ്ടാണ് പോലീസിന് ഇത്രയും ചീത്തപ്പേരുണ്ടായത്? തിരുവനന്തപുരം ശംഖുമുഖം അസി.കമ്മീഷണറില് നിന്നും എനിക്കും വളരെ മോശം അനുഭവമാണുണ്ടായത്. ലിജി എന്ന സാധാരണക്കാരിയായ സ്ത്രീ സഹായം തേടി എന്നെ വിളിച്ചിരുന്നു. വളരെ മോശം അവസ്ഥയിലാണ് അവളെന്റെ സഹായം തേടിയത്. പല സ്ത്രീകളേയും പോലെ ആത്മഹത്യയുടെ വക്കിലായിരുന്നു അവള്.
ഭയാനകമായ പീഡനങ്ങളാണ് അവള് നേരിട്ടത്. വലിയതുറ പോലീസ് സ്റ്റേഷന്, വനിതാ സെല് മറ്റു ചില പോലീസ് ഓഫീസുകള്. അവരെല്ലാം അവളെ ഭീഷണിപ്പെടുത്തി. സ്വന്തം കുഞ്ഞുമായി ഭര്ത്താവിന്റെ വീടൊഴിയാനാണ് പൊലീസുകാര് അവളോട് ആവശ്യപ്പെട്ടത്. ഈ വിഷയത്തെക്കുറിച്ച് സംസാരിക്കാനായി ശംഖുമുഖം അസി കമ്മീഷണറെ വിളിച്ചപ്പോള് അയാള് എന്നോട് ഫോണിലൂടെ പൊട്ടിത്തെറിക്കുകയാണ് ചെയ്തത്.
സ്വന്തം പേര് വെളിപ്പെടുത്തി സംസാരിക്കാന് പോലും അദ്ദേഹം തയ്യാറായില്ല. ഈ വിഷയത്തില് ഞാന് പൊലീസിനെ പിന്തുണയ്ക്കുകയാണ് വേണ്ടതെന്ന് അയാള് എന്നോട് പറഞ്ഞു. ഇങ്ങനെയുള്ള സ്ത്രീകള് പറയുന്ന കഥകള് കേട്ട് തന്നെ പോലെയുള്ള ഉദ്യോഗസ്ഥരെ വിളിക്കരുതെന്നും എ.സി.പി എന്നോട് ആവശ്യപ്പെട്ടു.
എസിപിയുടെ ഈ പെരുമാറ്റത്തെ കുറിച്ച് പരാതിപ്പെടാന് ഞാന് ക്രമസമാധാനചുമതലയുള്ള എഡിജിപിയെ ഫോണില് വിളിച്ചെങ്കിലും അദ്ദേഹം എന്റെ കോള് എടുത്തില്ല. കാര്യങ്ങള് വിശദീകരിച്ച് അദ്ദേഹത്തിന് ഞാനൊരു എസ്.എംഎസ് അയച്ചു. എന്താണ് എഡിജിപി ചെയ്യുന്നത് എന്ന് നോക്കാം.... പാവം ലിജി... ആത്മഹത്യ മാത്രമായിരിക്കുമോ ഇനി അവള്ക്കുള്ള ഏകവഴി എന്നാണ് എന്റെ ആശങ്ക
Click it and Unblock the Notifications
Sign in with Google