നിയമസഭാ സമ്മേളനം 27 മുതല്; 13 ദിവസം ധനാഭ്യര്ഥന ചര്ച്ചയെന്ന് സ്പീക്കര്
തിരുവനന്തപുരം: പതിനഞ്ചാം കേരള നിയമസഭയുടെ അഞ്ചാം സമ്മേളനം ഈ മാസം 27ന് ആരംഭിക്കുമെന്ന് സ്പീക്കര് എം ബി രാജേഷ് വാര്ത്താസമ്മേളനത്തില് അറിയിച്ചു. അടുത്ത മാസം 27 വരെയാണ് സമ്മേളനം. ഈ സാമ്പത്തിക വര്ഷത്തെ ധനാഭ്യര്ത്ഥനകള് ചര്ച്ച ചെയ്ത് പാസാക്കും. സഭ സമ്മേളിക്കുന്ന 23 ദിവസങ്ങളില് 13 ദിവസം ധനാഭ്യര്ത്ഥന ചര്ച്ചക്കാണ് നീക്കി വെച്ചത്. നാല് ദിവസം അനൗദ്യോഗികാംഗങ്ങളുടെ കാര്യങ്ങള്ക്കായും ധനകാര്യബില് ഉള്പ്പെടെയുള്ള ബില്ലുകളുടെ പരിഗണനക്കായി നാല് ദിവസവും ഉപധനാഭ്യാര്ത്ഥനക്കും ധനവിനിയോഗ ബില്ലുകള്ക്കായി രണ്ട് ദിവസവും നീക്കിവച്ചിട്ടുണ്ടെന്നും സ്പീക്കര് എം ബി രാജേ് പറഞ്ഞു.
കഴിഞ്ഞ വര്ഷം മെയ് 24ന് ആദ്യ സമ്മേളനം ചേര്ന്ന പതിനഞ്ചാം കേരള നിയമസഭ ഇപ്പോള് ഒരു വര്ഷം പൂര്ത്തീകരിച്ചിരിക്കുകയാണ്. കഴിഞ്ഞ ഒരു വര്ഷത്തിനിടക്ക് നാലു സമ്മേളനങ്ങളിലായി മൊത്തം 61 ദിനങ്ങളാണ് സഭ സമ്മേളിച്ചത്. കൊവിഡ് പശ്ചാത്തലത്തിലും ഇത്രയും ദിവസങ്ങള് സമ്മേളനം നടന്നു എന്നത് മറ്റ് സംസ്ഥാന നിയമസഭകളുമായി താരതമ്യം ചെയ്യുമ്പോള് മെച്ചപ്പെട്ട പ്രകടനമാണ്.
മൂന്നാം സമ്മേളനം ഏറെ പ്രത്യേകത നിറഞ്ഞതായിരുന്നു. നിയമനിര്മാണത്തിന് മാത്രമായി ചേര്ന്ന സമ്മേളനത്തില് നിലവിലുണ്ടായിരുന്ന 34 ഓര്ഡിനന്സുകള്ക്ക് പകരമുള്ള 34 ബില്ലുകള് സഭ ചര്ച്ച ചെയ്ത് പാസാക്കുകയും ഒരു ബില് വിശദമായ പരിശോധനക്ക് സെലക്ട് കമ്മിറ്റിയുടെ പരിഗണനക്ക് അയക്കുകയും ചെയ്തു.
കഴിഞ്ഞ നാല് സമ്മേളനങ്ങളിലായി സഭ മൊത്തം 48 ബില്ലുകള് പാസാക്കുകയും ചട്ടം 118 പ്രകാരമുള്ള നാല് ഗവണ്മെന്റ് പ്രമേയങ്ങള് പാസാക്കുകയും ചെയ്തിട്ടുണ്ട്. കെ റെയില് പദ്ധതിമൂലം ഉണ്ടാകുന്ന പ്രശ്നങ്ങള് സംബന്ധിച്ച് പിസി വിഷ്ണുനാഥ് എംഎല്എ ചട്ടം 30 പ്രകാരം നല്കിയ നോട്ടീസിലും സഭ രണ്ട് മണിക്കൂര് ചര്ച്ച നടത്തി. ഇന്ത്യയിലെ വനിതാ സാമാജികരുടെ ദേശീയ സമ്മേളനവും മൂന്നാം ലോക കേരള സഭയും മികച്ച രീതിയില് നടത്താനായെന്നും സ്പീക്കര് പറഞ്ഞു.
Click it and Unblock the Notifications
Sign in with Google