കേരളത്തിന് അംബാനിയുടെ സമ്മാനം; 55 കോടി ചെലവില് ഗുരുവായൂരില് ആശുപത്രി, ഉറപ്പ് നല്കി ആനന്ദ്
തൃശൂര് : ഗുരുവായൂരില് 55 കോടിയുടെ മള്ട്ടിസ്പേഷ്യാലിറ്റി ആശുപത്രി നിര്മ്മിച്ച് നല്കാമെന്ന വാഗ്ദാനവുമായി മുകേഷ് അംബാനിയുടെ മകന് ആനന്ദ് ആംബാനി. പ്രതിശ്രുത വധു രാധികയുമായി ക്ഷേത്രത്തില് എത്തി തൊഴുത് മടങ്ങിയ ശേഷമായിരുന്നു ആനന്ദ് അംബാനി ഇക്കാര്യം അറിയിച്ചത് . കഴിഞ്ഞ ദിവസം ഉച്ചയോടെയാണ് ആനന്ദും സംഘവും ക്ഷേത്ര ദര്ശനത്തിനായി ശ്രീകൃഷ്ണ കോളേജില് ഹെലികോപ്റ്ററില് ഇറങ്ങിയത് . ബോളിവുഡ് താരം ജാന്വി കപൂറും സുഹൃത്തുക്കളും മറ്റൊരു ഹെലികോപ്റ്ററില് ഉണ്ടായിരുന്നു .
ഉറപ്പ് നല്കി
കഴിഞ്ഞ സെപ്റ്റംബറില് മുകേഷ് അംബാനി ക്ഷേത്ര ദര്ശത്തിന് എത്തിയപ്പോള് ഗുരുവായൂരില് മികച്ച ആശുപത്രിയുടെ അഭാവം ദേവസ്വം ചെയര്മാന് ചൂണ്ടിക്കാട്ടിയിരുന്നു. ഇക്കാര്യം എടുത്ത് പറഞ്ഞ ആനന്ദ് അതിന് വേണ്ട നടപടികള് എത്രയും പെട്ടെന്ന് പൂര്ത്തിയാക്കുമെന്ന് ഉറപ്പ് നല്കിയിട്ടുണ്ട്. ഇതിന് ശേഷം ആശുപത്രിയുടെ ഡി പി ആര് ആനന്ദ് ദേവസ്വം ചെയര്മാന് കൈമാറി.
ആശുപത്രിയുടെ കാര്യം
ഗുരുവായൂരപ്പനെ തൊഴുത ശേഷം സോപാന പടിയില് നെയ്യും കദളിക്കുലയും സമര്പ്പിച്ച് ഭണ്ഡാരത്തില് കാണിക്ക അര്പ്പിച്ചാണ് അംബാനി ക്ഷേത്രം വിട്ടത്. പഴയത്ത് സുമേഷ് നമ്പൂതിരിയില് നിന്ന് പ്രസാദം സ്വീകരിച്ചു. അരമണിക്കൂറോളം ക്ഷേത്രത്തില് ചിലവഴിച്ചശേഷം പുറത്തിറങ്ങി. രണ്ട് തവണ ക്ഷേത്രത്തില്നിന്ന് പുറത്തിറങ്ങിയ ശേഷം വീണ്ടും അകത്ത് കയറി തൊഴുതു. തിരികെ അതിഥി മന്ദിരത്തിലേക്ക് നടക്കുന്നതിനിടയിലാണ് ദേവസ്വം ചെയര്മാന് മള്ട്ടിസ്പെഷ്യാലിറ്റി ആശുപത്രിയുടെ കാര്യം സൂചിപ്പിച്ചത്.
ആനത്താവളം സന്ദര്ശിച്ചു
ദേവസ്വം ഉപഹാരമായി മ്യൂറല് പെയിന്റിംഗും ദേവസ്വം ഡയറിയും ഇരുവര്ക്കും സമ്മാനിച്ചു. ശ്രീവത്സത്തില് നിന്നും ഇറങ്ങിയ ഇരുവരും പിന്നീട് ആനത്താവളം സന്ദര്ശിച്ചിരുന്നു. കൊമ്പന് ഇന്ദ്ര സെന്നിന് രാധികയും ആനന്ദും ചേര്ന്ന് പഴം നല്കി. അല്പശേഷം കാറിലിരുന്ന് ആനത്താവളം ചുറ്റിക്കണ്ടു. ആനകളെ കുളിപ്പിക്കുന്ന കാഴ്ച ആനന്ദ് ഏറെ നേരം കാറിലിരുന്നു കണ്ട്. ശേഷം നാലരയോടെ ഹെലികോപ്റ്ററില് നെടുമ്പാശേരി വിമാനത്താവളത്തിലേക്ക് പോയി.
വലിയ സുരക്ഷ
വലിയ സുരക്ഷയോടെയാണ് ആനന്ദ് അംബാനി കേരളത്തില് എത്തിയത്. ആംബുലന്സ്, ഫയര്ഫോഴ്സ് എന്നിവയടക്കം 20 ഓളം വാഹനങ്ങളാണ് അകമ്പടിയായി എത്തിയത്. ഗുരുവായൂര് എ സി പി കെ ജി സുരേഷ്, ടെമ്പിള് എസ് എച്ച് ഒ സി പ്രേമാനനദകൃഷ്ണന് എന്നിവരുടെ നേതൃത്വത്തില് പോലീസും സുരക്ഷയൊരുക്കിയിരുന്നു.
അതേസമയം, ഗുരുവായൂര് ക്ഷേത്രത്തില് എത്തുന്നതിന് മുമ്പ് ഇരുവരും തിരുപ്പതി വെങ്കിടേശ്വര ക്ഷേത്രത്തിലും ദര്ശനം നടത്തി. ഇരുവരും പ്രാര്ത്ഥനകളിലും പൂജകളിലും പങ്കെടുത്താണ് മടങ്ങിയത്. ഇതിന്റെ ദൃശ്യങ്ങളും ചിത്രങ്ങളും സോഷ്യല് മീഡിയയില് വൈറലായിരുന്നു. ജനുവരി ഒമ്പതിനായിരുന്നു ആനന്ദ് അംബാനിയുടെയും രാധിക മര്ച്ചന്റിന്റെയും വിവാഹ നിശ്ചയം കഴിഞ്ഞത്.
വലിയ ആഘോഷത്തോടെ മുംബൈയിലെ വീട് ആന്റീലിയയില് വച്ചായിരുന്നു ചടങ്ങ് നടന്നത്. അടുത്ത ബന്ധുക്കളും സുഹൃത്തുക്കളും മാത്രം പങ്കെടുത്ത ചടങ്ങില് ബോളിവുഡ് താരങ്ങള് വരെ എത്തിയിരുന്നു. വിവാഹ നിശ്ചയത്തിന്റെ ദൃശ്യങ്ങളും ചിത്രങ്ങളും സോഷ്യല് മീഡിയയില് വൈറലായിരുന്നു.
-
എഴുത്ത് പരീക്ഷയില്ല; മില്മയില് പ്രൊഫഷണല് ഗ്രാജ്വേറ്റ് ട്രെയിനിയാകാന് അവസരം -
കിഫ്ബിയിൽ 24 ഒഴിവുകൾ; 37500 രൂപ വരെ ശമ്പളം..ഇപ്പോൾ അപേക്ഷിക്കാം -
സ്വര്ണത്തിന്റെ കളി എല്ലാവര്ക്കും മനസിലായി.. വാങ്ങാന് ആളുകളുടെ തിരക്ക്; വില കൂടാന് പോകുന്നു? -
സ്വര്ണം തിരിച്ചുകയറി; ഇന്ന് വന്തോതില് വില കൂടി, പഴയ സ്വര്ണം വില്ക്കുന്നവര്ക്ക് സന്തോഷം, പവന് വില -
സ്വർണം മലയാളികൾക്ക് വേണ്ട; സ്വർണം വാങ്ങാൻ ആളില്ല; ആഭരണങ്ങൾക്ക് ഡിസ്കൗണ്ട് നൽകിയിട്ടും രക്ഷയില്ലാതെ വ്യാപാരികൾ -
ഖത്തര് പറഞ്ഞത് സംഭവിച്ചാല് ഇന്ത്യ വെട്ടിലാകും; പെട്രോളിന് 200 രൂപ, കുവൈത്ത് എണ്ണ ഉല്പ്പാദനം നിര്ത്തി -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
ബെംഗളൂരുവില് എയര്ബസിന്റെ വമ്പന് ടെക്നോളജി സെന്റര്; 5,000 ജീവനക്കാരെ ഉള്ക്കൊള്ളുന്ന ക്യാമ്പസ് -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ്
Click it and Unblock the Notifications
Sign in with Google