ഗോര്ബച്ചേവിന് കത്തയച്ച മലയാളി പെണ്കുട്ടി ഇവിടെയുണ്ട്; റീനയുടെ ജീവിതം മാറ്റിയത് ആ തീരുമാനം!!
തൃശൂര്: മുന് സോവിയറ്റ് യൂണിയന് പ്രസിഡന്റ് മിഖായേല് ഗോര്ബച്ചേവ് കഴിഞ്ഞ ദിവസമാണ് ലോകത്തോട് വിടപറഞ്ഞത്. ലോകത്തെമ്പാടും അദ്ദേഹത്തിന് ആരാധകരുണ്ട്. ഒരുപക്ഷേ റഷ്യയിലേക്കാള് ആരാധകര് അദ്ദേഹത്തിന് അമേരിക്കയിലുണ്ടാവും. എന്നാല് ഇന്ത്യയിലും അദ്ദേഹത്തിന് നിരവധിയുണ്ട്.
ലോകം മുഴുവന് ഗോര്ബച്ചേവിന്റെ മരണത്തില് വേദനിക്കുമ്പോള് അതേ വേദന പങ്കിടുന്ന ഒരു മലയാളി ഡോക്ടര് ഇങ്ങ് കേരളത്തിലുണ്ട്. തന്റെ ജീവിതം തന്നെ മാറ്റി മറിച്ചത് ഗോര്ബച്ചേവാണെന്ന് ഇവര് പറയുന്നു. എന്താണ് ഗോര്ബച്ചേവും ഈ ഡോക്ടറും തമ്മിലുള്ള ബന്ധമെന്ന് നമുക്ക് വിശദമായി പരിശോധിക്കാം....
തൃശൂരുകാരിയായ ഡോക്ടര് റീന വില്ഫ്രഡാണ് ഗോര്ബച്ചേവുമായുള്ള ബന്ധം ആവേശത്തോടെയും ദു:ഖത്തോടെയു ഓര്ക്കുന്നത്. അതിന് ആസ്പദമായ സംഭവം നടക്കുന്നത് 1989ലാണ്. റീന പ്രീഡിഗ്രി വിദ്യാര്ത്ഥിയായിരുന്നു അന്ന്. ഗോര്ബച്ചേവിന് അന്ന് അവര് ഒരു കത്തയച്ചിരുന്നു. ഒപ്പം ഒരു മെമന്റോയും. അന്ന് ആണവ നിരായുധീകരണ ശ്രമങ്ങള് ഗോര്ബച്ചേവ് നടത്തി കൊണ്ടിരിക്കുന്നുണ്ടായിരുന്നു. അതിനെ അഭിനന്ദിച്ചാണ് റീന കത്തയച്ചത്. അന്ന് തൃശൂരില് പഠിക്കുകയാണ് റീന. മാതാപിതാക്കളായ വില്ഫ്രഡിനും അമലമ്മയ്ക്കുമൊപ്പമായിരുന്നു റീനയുടെ താമസം.
ഗോര്ബച്ചേവിന്റെ സമാധാന ശ്രമങ്ങളില് കടുത്ത ആകൃഷ്ടയായിരുന്നു റീനയെന്ന് സഹോദരന് റോയ് പറയുന്നു. കത്തയക്കാനുള്ള കാരണവും അതാണെന്ന് റോയ് വ്യക്തമാക്കി. എന്നാല് അമ്പരപ്പിക്കുന്ന തരത്തിലുള്ള മറുപടിയും റീനയ്ക്ക് ലഭിച്ചു. ആഴ്ച്ചകള്ക്കുള്ളില് ചെന്നൈയിലെ സോവിയറ്റ് യൂണിയന് കോണ്സുലേറ്റില് നിന്നായിരുന്നു മറുപടി വന്നത്. ഇവരുടെ കത്തും മെമെന്റോയും ഗോര്ബച്ചേവിന് ലഭിച്ചതായി ഇതില് അറിയിച്ചിരുന്നു. വെറും മറുപടി മാത്രമായിരുന്നില്ല, കുറച്ച് പുസ്തകങ്ങളും ഇതോടൊപ്പം അവര്ക്ക് ലഭിച്ചിരുന്നു.
അത് മാത്രമല്ല, സോവിയറ്റ് യൂണിയനിലെ പ്രതിനിധികളും, മോസ്കോ റേഡിയോയിലെ ഒരു ടീമും കേരളം സന്ദര്ശിക്കുകയും ചെയ്തു. റീനയ്ക്കായി കൊല്ലത്തെ കുണ്ടറയില് ഒരു സ്വീകരണവും ഇതിനിടെ ഏര്പ്പാടാക്കിയിരുന്നു. അന്ന് കേന്ദ്ര-സംസ്ഥാന മന്ത്രിമാരെല്ലാം ആ ചടങ്ങില് പങ്കെടുത്തിരുന്നു. ആ ചടങ്ങില് വെച്ച് സോവിയറ്റ് യൂണിയന് പ്രതിനിധികള് വലിയൊരു പ്രഖ്യാപനവും നടത്തി. റീനയുടെ മെഡിക്കല് പഠനത്തിന്റെ ചെലവുകള് അവര് സ്പോണ്സര് ചെയ്യുമെന്നായിരുന്നു പ്രഖ്യാപനം. എന്നാല് ഉന്നത പഠനം ഇന്ത്യയില് തന്നെ ചെയ്യണമെന്നായിരുന്നു റീനയുടെ ആഗ്രഹം.
പക്ഷേ അവിടെയും വലിയ ട്വിസ്റ്റുകള് ഉണ്ടായി. റീനയ്ക്ക് മെഡിക്കല് കോഴ്സ് ചെയ്യാനുള്ള അഡ്മിഷന് കേരളത്തില് കിട്ടിയില്ല. കാര്ഷിക കോഴ്സുകള്ക്കുള്ള അഡ്മിഷനാണ് ലഭിച്ചത്. ഇതോടെ അവര് സോവിയറ്റ് യൂണിയന്റെ ഓഫര് സ്വീകരിച്ചു. 1991ലായിരുന്നു ഇത്. അടുത്ത വര്ഷവും കോണ്സുലേറ്റ് അധികൃതര് ഇവര്ക്ക് സ്പോണ്സര്ഷിപ്പ് ഓഫര് ചെയ്തിരുന്നു. സോവിയറ്റ് യൂണിയന് ഓഫര് സ്വീകരിക്കാന് ഇതോടെ റീന തീലരുമാനിക്കുകയായിരുന്നു.
picture courtesy:deccan herald
പക്ഷേ സോവിയറ്റ് യൂണിയന് വൈകാതെ തന്നെ തകര്ന്നതോടെ റീനയ്ക്ക് സ്കോളര്ഷിപ്പ് ലഭിച്ചില്ല. പക്ഷേ ഏഴ് വര്ഷം കോഴ്സ് റഷ്യയില് തന്നെ അവര് പൂര്ത്തിയാക്കി. കുടുംബത്തിന്റെയും അഭ്യുദയാകാംക്ഷികളുടെയും പിന്തുണയോടെയാണിത്. നിലവില് കേന്ദ്ര സര്ക്കാര് സ്ഥാപനത്തില് മെഡിക്കല് ഗവേഷകയാണ് റീന വില്ഫ്രഡ്. റഷ്യയില് വെച്ച് ഗോര്ബച്ചേവിനെ നേരില് കാണാന് റീന ശ്രമിച്ചിരുന്നു. എന്നാല് രാജ്യത്തെ ആ സമയത്തെ സാഹചര്യം കാരണം നടന്നില്ല. എന്നാല് സോവിയറ്റ് യൂണിയന് തന്ന ഓഫറാണ് തന്റെ ജീവിതം മാറ്റിയതെന്ന് റീന പറയുന്നു. എന്റെ രണ്ടാം വീടാണ് റഷ്യയെന്നും അവര് വ്യക്തമാക്കി.
-
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000 -
'ഇന്ന് എനിക്ക് ഫ്ലാറ്റ് ഉണ്ട്, ആഡംബര വാഹനങ്ങളുണ്ട്, ഇതൊക്കെയും എന്റെ കഴിവ് കൊണ്ട് നേടിയെടുത്തത്'; അഖിൽ മാരാർ -
പിണറായിയുടേത് 'സംഘി ക്യാബിനറ്റ്'! പിഷാരടിയെ തൊട്ടാൽ വിവരം അറിയും; ആഞ്ഞടിച്ച് ഷാഫി പറമ്പിൽ -
യുഎസ്-ഇറാൻ നേരിട്ടുള്ള ചർച്ചകൾക്ക് വേദിയാവാൻ ഇസ്ലാമാബാദ്; മധ്യസ്ഥ ശ്രമങ്ങളുമായി ഈജിപ്തും തുർക്കിയും -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
'വരത്തന്' അല്ല, നിങ്ങളില് ഒരുവന് വിജയ്; പേരമ്പൂരില് കോടികള് ചെലവിട്ട് വീട്, സര്വെ ഫലം തിരിച്ചടി -
മോഹൻലാലുമായുള്ള മുഖ്യമന്ത്രിയുടെ അഭിമുഖത്തിന് ചിലവായത് ലക്ഷങ്ങൾ! ഉപയോഗിച്ചത് സർക്കാർ ഫണ്ട് -
യുപിയിൽ പാക് ചാരശൃംഖല തകർത്തു; 22 പേർ പിടിയിൽ, പുറത്തുവരുന്നത് ഞെട്ടിക്കുന്ന വിവരങ്ങൾ -
എല്ലാം കണക്കാ...- കാൽനൂറ്റാണ്ടിനിടെ എൽഡിഎഫ് പതുങ്ങിയതും യുഡിഎഫ് കുതിച്ചതും 2001ൽ
Click it and Unblock the Notifications
Sign in with Google