നരബലിക്ക് ഇരയായ റോസ്ലിയുടെ മരുമകന് മരിച്ച നിലയില്; ജീവനൊടുക്കിയതെന്ന് സംശയം
വടക്കാഞ്ചേരി: ഇലന്തൂരില് നരബലിക്ക് ഇരയായ റോസ്ലിയുടെ മരുമകന് മരിച്ച നിലയില്. 44 കാരനായ ചാലക്കുടി കറുകുറ്റി എടക്കുന്ന് കൊമ്പാറ ബിജുവിനെ ആണ് മരിച്ച നിലയില് കണ്ടെത്തിയത്. റോസ്ലിയുടെ മകളുടെ ഭര്ത്താവ് ആണ് കൊമ്പാറ ബിജു. ഇയാളെ എങ്കക്കാട് നമ്പീശന് റോഡിലെ വാടക വീട്ടില് ജീവനൊടുക്കിയ നിലയില് കണ്ടെത്തുകയായിരുന്നു. റോസ്ലിയുടെ മകള് മഞ്ജുവും ബിജുവും ഒരു മാസം മുന്പാണ് എങ്കക്കാട് നമ്പീശന് റോഡിലെ വാടക വീട്ടില് താമസം തുടങ്ങിയത്.
മഞ്ജു 6 വയസ്സുള്ള മകനൊപ്പം എറണാകുളത്തേ്ക്ക് പോയ ദിവസമാണ് ബിജു ജീവനൊടുക്കിയത് എന്നാണ് വിവരം. രണ്ട് ദിവസമായി ബിജു വീട്ടില് തനിച്ചായിരുന്നു താമസം. ട്രസ് വര്ക്ക് തൊഴിലാളിയാണ് ബിജു. വടക്കാഞ്ചേരി പൊലീസ് സ്ഥലത്തെത്തി മൃതദേഹം മെഡിക്കല് കോളജ് ആശുപത്രിയിലേക്ക് മാറ്റിയിരിക്കുകയാണ്.
സംഭവത്തില് പൊലീസ് കേസ് രജിസ്റ്റര് ചെയ്തിട്ടുണ്ട്. ബിജുവിന്റെ മൃതദേഹം പോസ്റ്റുമോര്ട്ടത്തിനുശേഷം ബന്ധുക്കള്ക്ക് വിട്ടുനല്കും. നരബലിക്കിരയായി കൊല്ലപ്പെട്ട റോസ്ലിന്റെ മൃതദേഹം അടക്കം ചെയ്യുന്ന ചടങ്ങുകള്ക്ക് വേണ്ടിയാണ് മഞ്ജു എറണാകുളത്തേക്കു പോയത്. റോസ്ലിയുടെ മൃതദേഹം മൂന്ന് ദിവസം മുന്പ് ആണ് കോട്ടയം മെഡിക്കല് കോളേജില് നിന്ന് ബന്ധുക്കള്ക്ക് വിട്ടുകൊടുത്തത്.
അതേസമയം റോസ്ലിന്റെ മൃതദേഹം കാലടിയിലെ വാടകവീട്ടില് എത്തിച്ച ശേഷമാണ് സംസ്കരിച്ചത്. അതിന് പിന്നാലെയാണ് ബിജുവിനെ തൂങ്ങി മരിച്ച നിലയില് കണ്ടെത്തിയത് എന്നതാണ് ദുരൂഹതയുളവാക്കുന്നത്. റോസ്ലിന്റെ മക്കളായ മഞ്ജുവും, സഞ്ജുവുമാണ് കോട്ടയം മെഡിക്കല് കോളേജ് മോര്ച്ചറിയില് നിന്ന് മൃതദേഹം ഏറ്റുവാങ്ങിയത്.
പോസ്റ്റുമോര്ട്ടത്തിന് ശേഷം ഡി എന് എ പരിശോധനയ്ക്കായി റോസ്ലിന്റെ മൃതദേഹം രണ്ട് മാസമായി മോര്ച്ചറിയില് സൂക്ഷിച്ചിരിക്കുകയായിരുന്നു. അതേസമയം നരബലിക്കിരയായി കൊല്ലപ്പെട്ട തമിഴ്നാട് സ്വദേശിനി പദ്മയുടെ മൃതദേഹ അവശിഷ്ടങ്ങള് ബന്ധുക്കള്ക്ക് നവംബര് 20 ന് കൈമാറിയിരുന്നു.
പദ്മയുടെ ഡി എന് എ പരിശോധന ഫലം ലഭിച്ച സാഹചര്യത്തിലായിരുന്നു മൃതദേഹ അവശിഷ്ടങ്ങള് ബന്ധുക്കള്ക്ക് കൈമാറിയത്. പദ്മയുടെ മകന് ശെല്വരാജും സഹോദരിയും ചേര്ന്ന് മൃതദേഹം തമിഴ്നാട്ടിലെ ധര്മപുരിയിലേക്ക് കൊണ്ടുപോയി അവിടെ സംസ്കരിക്കുകയായിരുന്നു. മാസങ്ങള്ക്ക് മുന്പാണ് സമ്പത്തിന് വേണ്ടി കേരളത്തില് ഇരട്ടനരബലി നടന്നത്. നാടിനെ നടുക്കിയ സംഭവത്തില് മൂന്ന് പേരെ പൊലീസ് അറസ്റ്റ് ചെയ്തിരുന്നു.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google