ഭക്ഷ്യവിഷബാധ:ഷാര്ജയില് മലയാളി കുഞ്ഞ് മരിച്ചു
ഷാര്ജ: ദേഹാസ്വാസ്ഥ്യം അനുഭവപ്പെട്ടതിനെ തുടര്ന്ന് ആശുപത്രിയില് പ്രവേശിപ്പിച്ച മൂന്നംഗ കുടുംബത്തിലെ രണ്ടര വയസ്സുകാരി മരിച്ചു. മലപ്പുറം, എടപ്പാള് സ്വദേശിയായ കുന്നത്തുപറമ്പില് സമീറിന്റെ ഏക മകള് ഹന ഫാത്തിമയാണ് മരിച്ചത്.
ശനിയാഴ്ച രാവിലെയാണ് ഹനയുടെ മരണം. ഹനയുടെ മാതാപിതാക്കളായ സമീറും, റിബി സമീറും അപകടനില തരണം ചെയ്ത് ശനിയാഴ്ച വൈകീട്ട് ആശുപത്രി വിട്ടു.
അവധി ദിവസമായ വെള്ളിയാഴ്ച അബുദാബിയിലുള്ള ബന്ധുക്കളെ കാണാന് പോയിരുന്നു ഇവര് മൂന്നു പേരും. രാത്രി തിരിച്ച് ഷാര്ജയിലെത്തിയ ഇവര് ഒരു പ്രമുഖ ഹൈപ്പര് മാര്ക്കറ്റില് നിന്നും ഭക്ഷണം വാങ്ങി കഴിച്ചു.
ഭക്ഷണ ശേഷം ഉറങ്ങിയ ഇവര്ക്ക് പിറ്റേ ദിവസം രാവിലെയാണ് ദേഹാസ്വാസ്ഥ്യം അനുഭവപ്പെട്ടത്. പെട്ടെന്നു തന്നെ വൈദ്യ സഹായം തേടിയെങ്കിലും കുഞ്ഞ് മരിക്കുകയായിരുന്നു. യഥാര്ത്ഥ മരണ കാരണം അറിയാന് ആശുപത്രി റിപ്പോര്ട്ട് ലഭിക്കണം.