'റിയാലിറ്റി ഷോ പ്രൊമോഷന് ആയിരുന്നല്ലേ... ചീപ്പായി പോയി'; സാനിയയോടും മാലിക്കിനോടും സോഷ്യല് മീഡിയ
മുംബൈ: ഇന്ത്യന് ടെന്നീസ് താരം സാനിയ മിര്സയും പാകിസ്ഥാന് ക്രിക്കറ്റ് താരം ഷൊയ്ബ് മാലിക്കും തമ്മിലുള്ള വിവാഹമോചന വാര്ത്തകളായിരുന്നു കഴിഞ്ഞ കുറച്ച് നാളുകളായി സോഷ്യല് മീഡിയയിലെ ചൂടേറിയ ചര്ച്ചാ വിഷയം. ഇരുവരും അകന്ന് താമസിക്കുകയാണ് എന്നും നിയമപരമായി ബന്ധം വേര്പെടുത്താന് മാത്രമെ ഇനിയുള്ളൂ എന്ന തരത്തിലായിരുന്നു റിപ്പോര്ട്ടുകള്.
എന്നാല് ഇതിന് പിന്നാലെ സാനിയ മിര്സയും ഷൊയ്ബ് മാലിക്കും ഒന്നിച്ചുള്ള ടോക്ക് ഷോയുടെ പ്രഖ്യാപനം വന്നത് എല്ലാവരേയും അമ്പരപ്പിച്ചിരുന്നു. പാക്കിസ്ഥാനി ഉറുദു ഒടിടി പ്ലാറ്റ്ഫോമായ ഉര്ദുഫ്ളിക്സ് ആണ് സാനിയയും ഷുഹൈബും ഒരുമിച്ചുള്ള റിയാലിറ്റി ഷോയുടെ പോസ്റ്റര് പുറത്ത് വിട്ടത്. ഇതോടെ വിവാഹമോചന വാര്ത്ത ഈ റിയാലിറ്റി ഷോയ്ക്ക് വേണ്ടിയുള്ള പ്രൊമോഷനായിരുന്നോ എന്ന ചോദ്യവുമായി രംഗത്തെത്തിയിരിക്കുകയാണ് ചിലര്.
ദി മിര്സ മാലിക് ഷോ എന്നാണ് റിയാലിറ്റി ഷോയുടെ പേര്. സാനിയ മിര്സയും ഷൊയ്ബ് മാലിക്കും ഒന്നിച്ച് നില്ക്കുന്നതായിരുന്നു പോസ്റ്ററിലെ ചിത്രം. ഉര്ദുഫ്ളിക്സ് തങ്ങളുടെ ഇന്സ്റ്റഗ്രാം അക്കൗണ്ടിലൂടെയാണ് ഈ പോസ്റ്റര് പുറത്ത് വിട്ടിരുന്നത്. പോസ്റ്റര് പുറത്ത് വന്നതിന് ശേഷം സാനിയ മിര്സയുടെ ജന്മദിനത്തിന് വൈകാരികമായ ആശംസ നേര്ന്ന് കൊണ്ട് ഷൊയ്ബ് മാലിക്ക് രംഗത്തെത്തിയിരുന്നു.
ഇതിന് പിന്നാലെയാണ് നെറ്റിസണ്സ് സാനിയ മിര്സയുടേയും ഷൊയ്ബ് മാലിക്കിന്റേയും വിവാഹമോചനം വ്യാജമായിരുന്നു എന്ന 'കണ്ടെത്തലുമായി' രംഗത്തെത്തിയിരിക്കുന്നത്. വിവാഹമോചന വാര്ത്തകള് പബ്ലിസിറ്റി ആവശ്യങ്ങള്ക്ക് വേണ്ടിയായിരുന്നോ എന്നും നാണമില്ലേ എന്നുമാണ് ദി മിര്സ മാലിക് ഷോയുടെ പോസ്്റ്ററിന് താഴെ ഒരാള് കമന്റ് ചെയ്ത് ചോദിച്ചിരിക്കുന്നത്.
ഒന്നര ബില്യണ് ജനതയെ നിങ്ങള് മണ്ടന്മാരാക്കി എന്നാണ് മറ്റൊരാളുടെ പരാതി. ഈ കോലാഹലങ്ങളൊക്കെ ഇതിന് വേണ്ടിയായിരുന്നു അല്ലേ എന്നാണ് മറ്റൊരാളുടെ ചോദ്യം. പബ്ലിസിറ്റി സ്റ്റണ്ട് നല്ല ടൈമിംഗോട് കൂടി ആസൂത്രണം ചെയ്തിട്ടുണ്ടല്ലോ എന്നാണ് വേറൊരാള് ചോദിച്ചത്. അതേസമയം വിവാഹമോചന വാര്ത്തകളോട് സാനിയ മിര്സയും ഷൊയ്ബ് മാലിക്കും ഇതുവരെ ഔദ്യോഗികമായി പ്രതികരിച്ചിട്ടില്ല.
സാനിയ തന്റെ ഇന്സ്റ്റാഗ്രാം ഹാന്ഡില് ഒരു ചിത്രം അപ്ലോഡ് ചെയ്തതിന് ശേഷമാണ് വിവാഹ മോചന വാര്ത്തകള് ശക്തമായി തുടങ്ങിയത്. ഇതിന് മുന്പ് മകന് ഇഹ്സാന് മിര്സ മാലികിന്റെ ജന്മദിനത്തില് സാനിയ മിര്സ പങ്കുവെച്ച കുറിപ്പില് പ്രയാസമേറിയ ദിനങ്ങളിലൂടെയാണ് കടന്ന് പോകുന്നത് എന്ന് എഴുതിയിരുന്നു. മകന്റെ ജന്മദിനത്തില് ഷൊയ്ബ് മാലിക്ക് സാനിയയ്ക്കൊപ്പം കേക്ക് മുറിക്കുന്ന ചിത്രം പങ്കുവെച്ചിരുന്നു.
എന്നാല് സാനിയ മകനൊപ്പമുള്ള ചിത്രം മാത്രമാണ് പങ്ക് വെച്ചിരുന്നത്. ഇതോടെ ഇരുവരും തമ്മില് പ്രശ്നങ്ങളുണ്ട് എന്ന വ്യാഖ്യാനങ്ങള് വന്ന് തുടങ്ങി. ഇതിന് പിന്നാലെ ഷൊയ്ബ് മാലിക്ക് ഒരു ഷോയ്ക്കിടെ സാനിയയെ കുറിച്ചുള്ള ചോദ്യങ്ങള്ക്ക് തനിക്കറിയില്ല എന്ന് മറുപടി പറഞ്ഞതും പ്രചരണം ശക്തിപ്പെടാന് കാരണമായി. ഇതിന് പിന്നാലെ ഇരുവരും വേര്പിരിഞ്ഞ് താമസിക്കുകയാണ് എന്ന് മാലിക്കുമായി ബന്ധപ്പെട്ട വൃത്തങ്ങളെ ഉദ്ധരിച്ച് പാകിസ്ഥാന് മാധ്യമങ്ങള് റിപ്പോര്ട്ട് ചെയ്യാനും തുടങ്ങി.
2010 ലായിരുന്നു സാനിയ മിര്സയുടേയും ഷൊയ്ബ് മാലിക്കിന്റേയും വിവാഹം. ദുബായില് ആയിരുന്നു ഇരുവരുടേയും താമസം. മകന്റെ പിറന്നാള് ആഘോഷത്തിനായാണ് ഇരുവരും അവസാനമായി പൊതുപരിപാടിയില് ഒരുമിച്ച് എത്തിയത്. അതേസമയം 2022 പ്രൊഫഷണല് ടെന്നീസിലെ തന്റെ അവസാന സീസണായിരിക്കുമെന്ന് സാനിയ നേരത്തെ പ്രഖ്യാപിച്ചിരുന്നു. ടെന്നീസ് ഡബിള്സിലെ മുന് ലോക ഒന്നാം നമ്പര് താരമാണ് സാനിയ മിര്സ.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google