അന്ന് സെയില്സ്മാന്, ഇന്ന് 140 കോടിയുടെ ആസ്തി: വിജയ് സേതുപതി ജവാനില് വാങ്ങിച്ച പ്രതിഫലം അറിയുമോ?
വളരെ ചെറിയ വേഷങ്ങളില് തുടങ്ങി സിനിമയില് സൂപ്പർ താരങ്ങളായി മാറിയ നിരവധി പേർ ഇന്ത്യന് സിനിമാ ലോകത്തുണ്ട്. രജനീകാന്ത്, അക്ഷയ് കുമാർ, ഷാരൂഖ് ഖാന്, മമ്മൂട്ടി തുടങ്ങിയവരെല്ലാം ചെറിയ വേഷങ്ങളില് തുടങ്ങി സൂപ്പർ താരങ്ങളായി മാറിയ അഭിനേതാക്കളാണ്. ഇവരെല്ലാം തന്നെ സിനിമയില് എത്തുന്നതിന് മുമ്പ് മറ്റ് ജോലികള് ചെയ്തവരുമായിരുന്നു.
ഇവരെല്ലാം തന്നെ തങ്ങളുടേതായ ഭാഷകളില് ഇന്ന് ഏറ്റവും കൂടുതല് പ്രതിഫലം വാങ്ങുന്ന താരങ്ങളുടെ പട്ടികയില് മുന് നിരയില് വരുന്നവരുമാണ്. ഇത്തരത്തില് തിരിച്ചറിയപ്പെടാന് പോലും കഴിയാത്ത രീതിയിലുള്ള ചെറിയ വേഷങ്ങളില് തുടങ്ങി, ഇന്ന് താരപദവിയിലേക്ക് ഉയർന്ന മറ്റൊരു താരമാണ് മക്കള് സെല്വം എന്ന് അറിയപ്പെടുന്ന വിജയ് സേതുപതി.
വില്ലനായും നായകനായും സഹനടനുമായുമൊക്കെ തിളങ്ങുന്ന വിജയ് സേതുപതി ഷാരൂഖ് ഖാന് നായകനായ ജവാനിലും ശ്രദ്ധേയമായ വേഷം അവതരിപ്പിക്കുന്നുണ്ട്. 19(1)(a), മാർക്കോണി മത്തായി എന്നീ മലയാള ചിത്രങ്ങളിലും അദ്ദേഹം അഭിനയിച്ചു. ജൂനിയർ ആർട്ടിസ്റ്റായി സിനിമയിലേക്ക് രംഗപ്രവേശനം ചെയ്ത വിജയ് സേതുപതിക്ക് സെയില്സ്മാനായും ജോലി ചെയ്ത ചരിത്രമുണ്ട്.
1978 ജനുവരി 16ന് ജനിച്ച വിജയ് സേതുപതി ആറാം ക്ലാസില് പഠിക്കുമ്പോഴാണ് ജന്മനാടായ രാജാപാളയത്ത് നിന്നും ചെന്നൈയിലേക്ക് മാറുന്നത്. സ്കൂളിൽ ശരാശരിയിൽ താഴെ മാത്രം മാർക്കുള്ള വിദ്യാർത്ഥിയായിരുന്നു താൻ, കോടമ്പാക്കത്തെ എംജിആർ ഹയർസെക്കൻഡറി സ്കൂളിലും ലിറ്റിൽ ഏഞ്ചൽസ് സ്കൂളിലും പഠിച്ചിരുന്നതായും താരം തന്നെ വ്യക്തമാക്കിയിട്ടുണ്ട്. തോറൈപാകത്തെ ധനരാജ് ബൈദ് ജെയിൻ കോളേജിൽ നിന്ന് കൊമേഴ്സില് ബിരുദവും നേടി.
ചെറുപ്പം മുതലെ സിനിമാ മോഹിയായിരുന്നു വിജയ് സേതുപതി. 16 വയസ്സുള്ളപ്പോൾ നമ്മവർ (1994) എന്ന ചിത്രത്തിലെ വേഷത്തിനായി താരം ഓഡിഷനില് പങ്കെടുത്തെങ്കിലും ഉയരം കുറവായതിനാൽ നിരസിക്കപ്പെട്ടു. ഇക്കാലയളവില് തന്നെയാണ് ഒരു റീട്ടെയിൽ സ്റ്റോറിലെ സെയിൽസ്മാൻ, ഫാസ്റ്റ് ഫുഡ് ജോയിന്റിലെ കാഷ്യർ തുടങ്ങി ഒരു ഫോൺ ബൂത്ത് ഓപ്പറേറ്റർ വരെയുള്ള ജോലികളില് വിജയ് സേതുപതി ഏർപ്പെട്ടുകൊണ്ടിരുന്നത്.
സിനിമാ മോഹം ശക്തമായിരുന്നെങ്കിലും ജോലി തേടി യുഎഇയിലേക്ക് പോയിട്ടുണ്ട് വിജയ് സേതുപതി. ദുബായില് മികച്ച രീതിയിലുള്ള ശമ്പളത്തിലായിരുന്നു അദ്ദേഹത്തിന്റെ ജോലി. ഇവിടെ വെച്ചാണ് തന്റെ ഭാര്യ ജെസ്സിയെ ഓണ്ലൈനിലൂടെ അദ്ദേഹം കണ്ടെത്തുന്നതും. ദുബൈയിലെ ജോലി ഉപേക്ഷിച്ച വിജയ് സേതുപതി ഇന്ത്യയിൽ തിരിച്ചെത്തി ഒരു മാർക്കറ്റിംഗ് കമ്പനിയിൽ ചേർന്നു. പിന്നീട് ചെന്നൈ ആസ്ഥാനമായുള്ള കൂത്ത്-പി-പട്ടറൈ എന്ന നാടകസംഘത്തിൽ അക്കൗണ്ടന്റും നടനുമായി ചേരുന്നതോടെയാണ് വീണ്ടും സിനിമാ മോഹങ്ങള് ശക്തമാവുന്നത്.
തുടക്കം ചെറിയ വേഷങ്ങളിലൂടെയായിരുന്നു. അധികവും ജൂനിയർ ആർട്ടിസ്റ്റായി, ആള്ക്കൂട്ടത്തിലൊതുങ്ങി. കൂടാതെ 2006-ൽ പെൻ എന്ന ജനപ്രിയ പരമ്പര ഉൾപ്പെടെ നിരവധി ടെലിവിഷൻ ഷോകളിലും അഭിനയിച്ചു. കാർത്തിക് സുബ്ബരാജിനൊപ്പം നിരവധി ഷോർട്ട് ഫിലിമുകളിൽ അദ്ദേഹം പ്രവർത്തിച്ചിട്ടുണ്ട്. എം കുമരന് സണ് ഓഫ് മഹാലക്ഷ്മി, പുതുപ്പേട്ടൈ, ആള്വാർ, വെണ്ണിലാ കബഡി കൂട്ടം തുടങ്ങിയവയായിരുന്നു വിജയ് സേതുപതിയുടെ തുടക്കകാലത്തെ ശ്രദ്ധേയം ചിത്രങ്ങള്.
2010-ൽ രാമസാമിയുടെ നാടക ചിത്രമായ തേൻമേർക്ക് പരുവകാട്ര് എന്ന ചിത്രത്തിലാണ് വിജയ് സേതുപതി ആദ്യമായി ഒരു ശ്രദ്ധേയ കഥാപാത്രത്തെ അവതരിപ്പിക്കുന്നത്. 2012 ലാണ് വിജയ് സേതുപതിയുടെ കരിയറിലെ വഴിത്തിരിവായ മൂന്ന് ചിത്രങ്ങള് പുറത്തിറങ്ങുന്നത്. സുന്ദരപാണ്ഡ്യൻ, പിസ്സ, നടുവില കൊഞ്ഞം പാക്കത്ത കാണും എന്നീ ചിത്രങ്ങള് വിജയമായി മാറിയതോടെ തുടർന്നും നിറയെ വേഷങ്ങള് നടനെ തേടിയെത്താന് തുടങ്ങി.
2015-ൽ, വിഘ്നേഷ് ശിവൻ സംവിധാനം ചെയ്ത നാനും റൗഡി താന് എന്ന ചിത്രം വിജയ് സേതുപതിയുടെ അന്നുവരേയുള്ള ചിത്രങ്ങളില് ഏറ്റവും കളക്ഷന് നേടിയ സിനിമയായി. ജിഗർതാണ്ട, തിരുടന് പൊലീസ്, റമ്മി, സൂദ് കാവും, സേതുപതി, സൂപ്പർ ഡീലക്സ്, വിക്രം വേദ, പുരിയാ പുതിർ, ട്രാഫിക് രാമസ്വാമി, 96 തുടങ്ങിയ എണ്ണം പറഞ്ഞ ചിത്രങ്ങള് താരത്തിന്റേതായി പുറത്ത് വന്നു. പേട്ട, വിക്രം, മാസ്റ്റർ തുടങ്ങിയ ചിത്രങ്ങളിലെ വില്ലന് വേഷങ്ങളും ഏറെ ശ്രദ്ധിക്കപ്പെട്ടു.
സൂപ്പർ ഡീലക്സ് എന്ന ചിത്രത്തിലെ അഭിനയത്തിന് മികച്ച സഹനടനുള്ള ദേശീയ അവാർഡും താരം നേടി. ഇന്ന് തമിഴ് സിനിമയില് ഏറ്റവും കൂടുതല് പ്രതിഫലം വാങ്ങുന്ന താരങ്ങളില് ഒരാള് കൂടിയാണ് വിജയ് സേതുപതിയെന്നാണ് റിപ്പോർട്ടുകള് വ്യക്തമാക്കുന്നത്. ഷാരൂഖ് ഖാൻ നായകനായ ജവാനിലെ പ്രതിനായക വേഷത്തിന് 21 കോടി രൂപയാണ് താരം വാങ്ങിയതെന്നാണ് റിപ്പോർട്ട്.
ഒരു കാലത്ത് സെയില്സ്മാന് ഉള്പ്പെടേയുള്ള ജോലികള് ചെയ്ത താരം സ്വന്തം അധ്വാനത്തിലൂടെ ഇന്ന് തന്റെ സാമ്പത്തി ശേഷി 140 കോടി രൂപയുടേതാക്കി ഉയർത്തിയെന്നും റിപ്പോർട്ടുകള് വ്യക്തമാക്കുന്നു. വിലയേറിയ നിരവധി കാറുകള് സ്വന്തമായുള്ള വ്യക്തി കൂടിയാണ് വിജയ് സേതുപതി. ശ്രീറാം രാഘവന്റെ മെറി ക്രിസ്മസ് എന്ന ഹിന്ദി ചിത്രവും വിജയ് സേതുപതിയുടേതായി പുറത്തിറങ്ങാനുണ്ട്. കത്രീന കൈഫുമായി താരം ആദ്യമായി സഹകരിക്കുന്ന ചിത്രം കൂടിയാണിത്
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google