ആദ്യ കഥയ്ക്ക് തന്നെ ഏറ്റവും വലിയ പുരസ്കാരം; അഭിമാനമെന്ന് പോള്സണ് സ്കറിയ
കോഴിക്കോട്: സംസ്ഥാന ചലച്ചിത പുരസ്കാര നേട്ടത്തില് അഭിമാനമെന്ന് ' കാതല് ദി കോര്' സിനിമയുടെ തിരക്കഥാകൃത്തുക്കളില് ഒരാളായ പോള്സണ് സ്കറിയ വണ്ഇന്ത്യ മലയാളത്തോട്. മികച്ച കഥയ്ക്കുള്ള പുരസ്കാരം പോള്സണും ആദര്ശ് സുകുമാരനും ചേര്ന്നാണ് കാതലിലൂടെ പങ്ക് വെക്കുന്നത്. മികച്ച ചിത്രമടക്കം 54-ാം സംസ്ഥാന ചലച്ചിത്ര പുരസ്കാരത്തില് നിരവധി നേട്ടങ്ങളാണ് കാതല് സ്വന്തമാക്കിയത്.
കാതല് എന്ന ചിത്രം മുന്നോട്ടുവെച്ച വിഷയം ജൂറിയും അംഗീകരിക്കുന്നതില് സന്തോഷമുണ്ട് എന്ന് പോള്സണ് സ്കറിയ പറഞ്ഞു. 'മികച്ച കഥയ്ക്കുള്ള പുരസ്കാരം പ്രഖ്യാപിക്കുമ്പോള് സാങ്കേതികമായ പിശകുണ്ടായിട്ടുണ്ട്. ആദര്ശ് സുകുമാരന്റെ പേര് മാത്രമാണ് വായിച്ചിട്ടുള്ളത്. എന്നാല് അതില് എന്റെ പേര് കൂടിയുണ്ട്. സാങ്കേതികമായുണ്ടായ പിഴവാണ് എന്നാണ് മനസിലാക്കുന്നത്,' പോള്സണ് സ്കറിയ പറഞ്ഞു.
പുരസ്കാര നേട്ടത്തില് ഒരുപാട് സന്തോഷമുണ്ട് എന്നും കഷ്ടപ്പെട്ട് ഒരുപാട് സമയമെടുത്ത ചെയ്ത വര്ക്കാണ് കാതലിന്റേതെന്നും അദ്ദേഹം പറഞ്ഞു. 'ഞങ്ങളുടെ ആദ്യത്തെ തിരക്കഥയാണ്. അതില് സംസ്ഥാനത്തെ തന്നെ ഏറ്റവും വലിയ പുരസ്കാരം ലഭിച്ചതില് ഒരുപാട് സന്തോഷമുണ്ട്. കാതല് സിനിമ മുന്നോട്ട് വെക്കുന്ന വിഷയം ജൂറി പരിഗണിക്കുന്നു എന്നതില് സന്തോഷമുണ്ട്,' പോള്സണ് പറഞ്ഞു.
സ്വവര്ഗലൈംഗികത അടക്കമുള്ള വിഷയങ്ങളില് സമൂഹത്തിന്റെ ചിന്താഗതി മാറാനുണ്ട് എന്ന് പറയുമ്പോള് തന്നെ വളരെ പോസിറ്റീവായിട്ടാണ് പ്രേക്ഷകര് തിയേറ്ററില് ചിത്രം ഏറ്റെടുത്തത് എന്നും അദ്ദേഹം ചൂണ്ടിക്കാട്ടി. അത് നല്ലതായി തന്നെ കാണുന്നു എന്നും അതാണ് നമുക്കതില് ഏറ്റവും സന്തോഷമായി പറയാനുള്ള കാര്യം എന്നും പോള്സണ് സ്കറിയ വ്യക്തമാക്കി. ജിയോ ബേബിയിലുള്ള വിശ്വാസമാണ് തിരക്കഥയുമായി അദ്ദേഹത്തെ സമീപിക്കാനുള്ള കാരണം എന്നും അദ്ദേഹം പറഞ്ഞു.
'ഈ വിഷയം ജിയോ ചേട്ടന് കുറച്ചുകൂടി മനസിലാക്കും എന്ന പ്രതീക്ഷയും വിശ്വാസവും ഉണ്ടായിരുന്നതിനാലാണ് അദ്ദേഹത്തെ തന്നെ സമീപിച്ചത്. അദ്ദേഹത്തിന്റെ ദി ഗ്രേറ്റ് ഇന്ത്യന് കിച്ചണൊക്കെ നമ്മളെ ഒരുപാട് സ്വാധീനിച്ചിട്ടുള്ള സിനിമയാണ്. സ്വാഭാവികമായും ഈ കഥയും അദ്ദേഹത്തെ ഉള്ക്കൊള്ളാനാകും എന്ന് അറിയാമായിരുന്നു,' പോള്സണ് പറഞ്ഞു. മമ്മൂട്ടി, ജ്യോതിക എന്നിവരെ കേന്ദ്രകഥാപാത്രമാക്കി ഒരുക്കിയ ചിത്രമാണ് കാതല് ദി കോര്.
ഈ സിനിമയിലെ മമ്മൂട്ടിയുടെ അഭിനയമാണ് അവസാന നിമിഷം വരെ പൃഥ്വിരാജിനെ മികച്ച നടനുള്ള പോരാട്ടത്തില് വെല്ലുവിളി ഉയര്ത്തിയത്. ഹോമോസെക്ഷ്വാലിറ്റി എന്ന വിഷയത്തെയാണ് കാതല് ദി കോര് എന്ന സിനിമ വളരെ പക്വമായി സമീപിച്ചത്. ചിത്രത്തിലെ മമ്മൂട്ടിയുടെ പ്രകടനം പ്രേക്ഷകരെല്ലാം ഇരുകൈയും നീട്ടിയാണ് സ്വീകരിച്ചത്.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google