ഇരിക്കൂരില് കോണ്-ലീഗ് സംഘര്ഷം
കണ്ണൂര്: ഇരിക്കൂര് പഞ്ചായത്തില് കോണ്ഗ്രസ്-ലീഗ് പ്രവര്ത്തകര് തമ്മില് ഏറ്റുമുട്ടി. ഡിസംബര് 26ബുധനാഴ്ച രാത്രി നടന്ന സംഘട്ടനത്തില് ഒരു ഹോട്ടലും സ്റേഷനറി കടയും കാറും അക്രമികള് തകര്ത്തു.
ഇരിക്കൂറില് പ്രവര്ത്തനമാരംഭിക്കാന് പോകുന്ന ഒരു അറബി കോളേജിന്റെ മാനേജിംഗ് കമ്മിറ്റിയെ തിരഞ്ഞെടുക്കാന് ചേര്ന്ന യോഗത്തിലാണ് കോണ്ഗ്രസുകാരും ലീഗുകാരും ഏറ്റുമുട്ടിയത്. ഈ മാനേജിംഗ് കമ്മിറ്റി ആരുടെ നേതൃത്വത്തില് വേണമെന്നതിനെച്ചൊല്ലിയായിരുന്നു തര്ക്കം. ചൊവാഴ്ച നടന്ന ഈ സംഘട്ടനത്തില് ലീഗുകാരനായ ഇരിക്കൂര് പഞ്ചായത്ത് പ്രസിഡന്റിന്റെ ഹോട്ടല് കോണ്ഗ്രസ് പ്രവര്ത്തകര് തകര്ത്തു.
സമാധാനശ്രമങ്ങള്ക്കായി വിളിച്ചുചേര്ത്ത യോഗം വിജയിച്ചില്ല. വീണ്ടും ഇരുകൂട്ടരും ചേരിതിരിഞ്ഞ് തല്ലി. ഈ രണ്ടാംവട്ട അക്രമത്തിലാണ് ഒരു ലീഗ് പ്രവര്ത്തകന്റെ സ്റേഷനറി കടയും അതിനടുത്ത് പാര്ക്ക് ചെയ്തിരുന്ന കാറും കോണ്ഗ്രസുകാര് തകര്ത്തത്.