കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

മാറാട്: ക്യാമ്പുകള്‍ സര്‍ക്കാര്‍ ഏറ്റെടുത്തു

  • By Staff
Google Oneindia Malayalam News

കോഴിക്കോട്: മാറാട് നിന്നും ഓടിപ്പോയവര്‍ താമസിക്കുന്ന ചാലിയത്തെയും കപ്പക്കലിലെയും ക്യാമ്പുകള്‍ സര്‍ക്കാര്‍ ഔപചാരികമായി ഏറ്റെടുത്തു.

ജില്ലാ കളക്ടര്‍ ടി. ഒ. സൂരജ് ക്യാമ്പുകള്‍ സന്ദര്‍ശിച്ച് ക്യാമ്പിലുള്ളവരെ സര്‍ക്കാര്‍ തീരുമാനം അറിയിച്ചു. അതേ സമയം വാടകക്ക് വീടെടുത്ത് നല്‍കാമെന്ന ജില്ലാ അധികൃതരുടെ നിര്‍ദേശം ക്യാമ്പിലുള്ളവര്‍ നിരാകരിച്ചു. മറ്റൊരു ക്യാമ്പിലേക്ക് മാറ്റുന്നത് പുനരധിവാസം വൈകിക്കാനേ ഇടയാക്കുവെന്ന് ക്യാമ്പില്‍ താമസിക്കുന്നവര്‍ ആശങ്ക പ്രകടിപ്പിച്ചു.

ക്യാമ്പുകള്‍ നടത്തിവന്നിരുന്ന സംഘടനകള്‍ അവരുടെ സഹായം തുടര്‍ന്നും നല്‍കുമെന്ന് കളക്ടര്‍ പറഞ്ഞു. ചാലിയം ക്യാമ്പില്‍ പുതിയ താത്കാലിക ഷെഡ്ഡുകള്‍ കെട്ടും. ആറ് കക്കൂസുകള്‍ പണിയും.

സര്‍ക്കാര്‍ പ്രഖ്യാപിച്ചതു പോലെ പുനരധിവാസ നടപടികളുമായി മുന്നോട്ടുപോവുമെന്ന് അധികൃതര്‍ വ്യക്തമാക്കി. അഡീഷണല്‍ ഡി ജി പി സുകുമാരന്‍ നായര്‍ കോഴിക്കോടെത്തി ഉദ്യോഗസ്ഥരുമായി ചര്‍ച്ച നടത്തും. പുനരധിവാസ പരിപാടിക്കായി ജില്ലാ അധികൃതര്‍ ഒരു കര്‍മപദ്ധതിക്ക് രൂപം നല്‍കിയിട്ടുണ്ട്.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X