ആന്ധ്ര:12എംഎല്എമാരുടെ രാജി സ്വീകരിച്ചു
ടിആര്എസില് നിന്നു പത്തും കോണ്ഗ്രസില് നിന്ന് രണ്ടും ബിജെപി, ടിഡിപി , പ്രജാരാജ്യം എന്നീ പാര്ട്ടികളില് നിന്നുള്ള ഒരോ എംഎല്എമാരുമാണ് കഴിഞ്ഞ ദിവസം സ്പീക്കര്ക്ക് രാജിക്കത്ത് സമര്പ്പിച്ചത്.
പ്രത്യേക തെലങ്കാന സംസ്ഥാനം വേണമെന്ന പ്രശ്നം പഠിക്കുന്നതിനായി നിയമിച്ച ബി.എന് ശ്രീകൃഷ്ണ കമ്മീഷനുവേണ്ടി കേന്ദ്രസര്ക്കാര് പുറത്തിറക്കിയ അന്വേഷണ വിഷയങ്ങള് നിര്ദ്ദേശിച്ചിരുന്നു.
ഇവ അംഗീകരിക്കാനാവില്ലെന്ന് വ്യക്തമാക്കിയ 15 എംഎല്എമാര് പ്രതിഷേധ സൂചകമായിട്ടാണ് നിയമസഭാ സ്പീക്കര് എന്. കിരണ് കുമാര് റെഡ്ഡിക്കു കഴിഞ്ഞദിവസം രാജിക്കത്തു നല്കിയത്.
തെലങ്കാന സംസ്ഥാനം രൂപീകരിക്കാനല്ലാതെ പ്രശ്നത്തില് നിന്നു ശ്രദ്ധ തിരിച്ചു വിടനാണെന്ന രീതിയില് അന്വേഷണ വിഷയങ്ങള് ആവിഷ്കരിച്ചതില് ടിആര്എസ് ഉള്പ്പെടെയുള്ള കക്ഷികള് കടുത്ത എതിര്പ്പ് രേഖപ്പെടുത്തിയിരുന്നു. തെലങ്കാനയിലെ എല്ലാ എംഎല്എമാരോടും രാജിവയ്ക്കാന് അഖിലകക്ഷി സമിതി ആഹ്വാനം ചെയ്തിരുന്നു.