കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

പട്ടിക്കുട്ടികളെ കൊന്നതിന് 1.44 ലക്ഷം പിഴ

  • By Nisha Bose
Google Oneindia Malayalam News

Jet Airways
ദില്ലി: പട്ടിക്കുട്ടികള്‍ മരിച്ചതിന് 1.44 ലക്ഷം രൂപ പിഴയടക്കാന്‍ ജെറ്റ് എയര്‍വേസിനോട് ദില്ലി ഉപഭോക്തൃ ഫോറം നിര്‍ദേശിച്ചു. രാജേന്ദ്ര ടാന്‍ഡന്‍ എന്നയാളുടെ പരാതിയിന്‍മേലാണ് ഈ നടപടി.

രാജേന്ദ്രയുടെ പട്ടിക്കുട്ടികളായ ജിമ്മിയും ബാറ്റ്‌നുവും മെയ് 2009ന് മുംബൈയില്‍ നിന്ന് ദില്ലിയ്ക്കു വരികയായിരുന്ന ജെറ്റ് എയര്‍വേസ് വിമാനത്തില്‍ വച്ച് കൊല്ലപ്പെട്ടു എന്നാണ് പരാതി. മൃഗങ്ങളുടെ കംപാര്‍ട്ട്‌മെന്റിന്റെ എസി ഓണ്‍ ചെയ്യാന്‍ മറന്നതു മൂലം ഓക്‌സിജന്‍ ലഭിക്കാതെയാണ് തന്റെ പട്ടിക്കുട്ടികള്‍ ചത്തതെന്നാണ് രാജേന്ദ്ര പരാതിയില്‍ പറഞ്ഞത്.

ഇതേ തുടര്‍ന്ന് ഉപഭോക്തൃ കോടതി ബന്ധപ്പെട്ട പൈലറ്റിനെ വിളിപ്പിച്ചിരുന്നു. തുടര്‍ന്ന് എയര്‍ലൈന്‍സിനോട് 1.44 ലക്ഷം രൂപ പിഴയൊടുക്കാന്‍ ആവശ്യപ്പെടുകയായിരുന്നു.

പട്ടിക്കുട്ടികളുടെ വിലയായ 1.20 ലക്ഷം രൂപ എയര്‍ലൈന്‍സ് അടയ്ക്കണം. മരിച്ച ദിവസം തൊട്ടുള്ള പലിശ 9 ശതമാനം വച്ച് കണക്കു കൂട്ടുമ്പോള്‍ 15,000 രൂപയാണ്. ഇതും എയര്‍ലൈന്‍സ് രാജേന്ദ്രയ്ക്കു നല്‍കണം. ഇതിനു പുറമേ മാനസിക വിഷമമുണ്ടാക്കിയതിന് 5,000 രൂപയും നല്‍കണം.

എന്നാല്‍ പണം തനിയ്ക്കു വേണ്ടെന്നാണ് രാജേന്ദ്രയുടെ നിലപാട്. കുറ്റം ചെയ്തയാളിനെ മാതൃകാപരമായി ശിക്ഷിക്കണമെന്നാണ് രാജേന്ദ്രയുടെ ആവശ്യം. എന്തായാലും നഷ്ടപരിഹാരമായി കിട്ടുന്ന തുക ജീവകാരുണ്യ പ്രവര്‍ത്തനത്തിന് ഉപയോഗിക്കുമെന്നും രാജേന്ദ്ര പറഞ്ഞു.

English summary
A Delhi consumer forum has directed Jet Airways to pay Rs 1.44 lakh as compensation to a city-based flier for the "emotional setback" caused by the death of his two pugs on board. The two dogs, four-year-old Jimmy and three-year-old Batnu, had boarded Jet flight 9W 370 from Mumbai to Delhi in May 2009. When they arrived at the IGI Airport two hours later, both dogs were dead. Airlines officials allegedly told the shocked owner, Rajendra Tandon, who was in the same flight, that the dogs had died due to "lack of oxygen".
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X