ഐസ്‌ക്രീം: കുഞ്ഞാലിക്കുട്ടിക്കെതിരെ സാക്ഷികള്‍

കോഴിക്കോട്: ഐസ്‌ക്രീം പാര്‍ലര്‍ കേസില്‍ മുസ്ലീം ലീഗ് നേതാവും മന്ത്രിയുമായ കുഞ്ഞാലിക്കുട്ടിയും സഹായി ചോളാരി ഷെരീഫും തങ്ങളെ ഭീഷണിപ്പെടുത്തി മൊഴിമാറ്റുകയായിരുന്നുവെന്ന് സാക്ഷികളായ റോസ്‌ലിനും ബിന്ദുവും വെളിപ്പെടുത്തി. കോഴിക്കോട് ജുഡീഷ്യല്‍ ഫസ്റ്റ്ക്ലാസ് മജിസ്‌ട്രേറ്റ് കോടതിക്ക് ഇക്കാര്യങ്ങള്‍ വിശദീകരിച്ചുകൊണ്ട് സാക്ഷികള്‍ അയച്ച കത്തിന്റെ പകര്‍പ്പ ്മാധ്യമങ്ങള്‍ക്ക് ലഭിച്ചു.

2005ല്‍ മൊഴിമാറ്റണമെന്ന് കുഞ്ഞാലിക്കുട്ടി ചാലപ്പുറത്തെ വീട്ടില്‍ വന്ന് ആവശ്യപ്പെട്ടുവെന്നും ഒപ്പം ബന്ധുവായ കെഎ റൗഉഫും ഉണ്ടായിരുന്നുവെന്ന് കത്തിലുണ്ട്. 'കുഞ്ഞാലിക്കുട്ടിയുടെ പരിചാരകനായ തോളാരി ഷെറിഫാണ് തങ്ങളെ ഭീഷണിപ്പെടുത്തിയത്.

കുഞ്ഞാലിക്കുട്ടി ഒരു പ്ലാസ്റ്റിക് കവറിലാക്കി പണം റൗഉഫിന് നല്‍കുകയായിരുന്നു. െ്രെകംബ്രാഞ്ച് ചോദിക്കാന്‍ ഇടയുള്ള ചോദ്യങ്ങള്‍ അവര്‍ പറഞ്ഞു തന്നു. ഇതേ ചോദ്യങ്ങളാണ് െ്രെകംബ്രാഞ്ച് ചോദിച്ചതെന്നും കത്തിലുണ്ട്.

കുഞ്ഞാലിക്കുട്ടിക്ക് എതിരായി മൊഴി നല്‍കിയാല്‍ തങ്ങളെ അപായപ്പെടുത്തുമെന്ന് ഷെഹിഫ് ഭീഷണിപ്പെടുത്തിയിരുന്നുവെന്ന്് കത്തിലുണ്ട്. മൊഴിമാറ്റിയ ശേഷം റോസ് ലിനും ബിന്ദുലും ദുബയിലേക്ക് പറന്നിരുന്നു.

അതിനിടെ താന്‍ മുന്‍പ് പറഞ്ഞ കാര്യങ്ങള്‍ ഈ കത്തിലൂടെ സത്യമാണെന്ന് തെളിഞ്ഞിരിക്കുന്നുവെന്ന് റൗഫ് മാധ്യമങ്ങളോട് പറഞ്ഞു. സാക്ഷികളെ ഗള്‍ഫിലേക്ക് കടത്തുന്നതിന് താന്‍ സഹായിച്ചുവെന്നും റൗഫ് വെളിപ്പെടുത്തിയിരുന്നു.