• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Elections 2019

ആണ്‍തുണ കാത്ത് വെള്ളക്കടുവകള്‍

  • By Soorya Chandran

ഇന്‍ഡോര്‍: മധ്യപ്രദേശിലെ ഇന്‍ഡോറിലെ കമല നെഹ്‌റു മൃഗശാലയിലെ വെള്ളക്കടുവകള്‍ ഒരു ആണ്‍തുണക്കായി കാത്തിരിക്കാന്‍ തുടങ്ങിയിട്ട് നാളുകള്‍ ഏറെയായി. വംശനാശ ഭീഷണി നേരിടുന്ന ജീവി വിഭാഗമാണ് വെള്ളക്കടുവകള്‍. കമല നെഹ്‌റു മൃശാലയില്‍ ഈ ഇനത്തില്‍ പെട്ട നാല് പെണ്‍ കടുകളാണ് ഉള്ളത്. ഛത്തീസ്ഗഢിലെ ഭിലായ് മൃഗശാലയില്‍ ആണ്‍ വെള്ളക്കടുവയുണ്ട്. ഇണ ചേര്‍ക്കുന്നതിനായി ഇതിനെ തരണമെന്ന് ഇന്‍ഡോറിലെ മൃഗശാല അധികൃതര്‍ ആവശ്യപ്പെടാന്‍ തുടങ്ങിയിട്ട് ഇപ്പോള്‍ വര്‍ഷം രണ്ട് കഴിഞ്ഞു. പക്ഷേ ഭിലായ് മൃഗശാലയിലെ അധികൃതര്‍ക്ക് കേട്ടഭാവമില്ല. ആണ്‍ കടുവക്ക് പകരം രണ്ട് ഹിപ്പോ പൊട്ടാമസുകളെ നല്‍കാം എന്ന വാഗ്ദാനവും ഫലിച്ചില്ല.

2008 ല്‍ ആണ് കമല നെഹ്‌റു മൃഗശാലയിലേക്ക് ഒരു ജോഡി വെള്ളക്കടുവകള്‍ എത്തുന്നത്. ശ്യാമുവും സീതയും. അവര്‍ക്ക് മൂന്ന് പെണ്‍കുഞ്ഞുങ്ങളും ജനിച്ചു. പക്ഷേ പിന്നീട് ശ്യാമു ചത്തുപോയി. പിന്നെ ശേഷിക്കുന്നത് പെണ്‍ കടുവകള്‍ മാത്രം.

പ്രശ്‌നങ്ങള്‍ കേന്ദ്ര മൃഗശാല അതോറിറ്റിയെ അറിയിച്ചിട്ടുണ്ടെന്ന് മൃഗശാല ഇന്‍ ചാര്‍ജ്ജ് ഡോ.ഉത്തം യാദവ് പറഞ്ഞു. പക്ഷേ ഫലമൊന്നും ഉണ്ടായില്ല. ഭോപ്പാലിലെ വാന്‍ വിഹാര്‍ മൃഗശാലയില്‍ നിന്ന് ഒരു സാധാരണ ബംഗാള്‍ കടുവയെ ആവശ്യപ്പെട്ടിരുന്നു. പക്ഷേ അക്കാര്യത്തിലും തീരുമാനമായിട്ടില്ലെന്ന് ഡോ.യാദവ് പറയുന്നു. വാര്‍ത്തകള്‍ പുറത്തുവന്നാലെങ്കിലും പെണ്‍കടുവകള്‍ക്ക് തുണയുണ്ടാകട്ടെ എന്ന പ്രതീക്ഷയിലാണ് ഇപ്പോള്‍ മൃഗശാല അധികൃതര്‍.

ബംഗാള്‍ കടുവകള്‍ക്ക് ഉണ്ടാകുന്ന ജനിത വ്യതിയാനമുള്ള കുട്ടികളാണ് വെള്ളക്കടുവകള്‍. ബംഗാള്‍ കടുവകള്‍ക്കുണ്ടാകുന്ന കുട്ടികളില്‍ 15000 ല്‍ ഒന്നാണ് വെള്ളക്കടുവക്കുള്ള സാധ്യത. സാധാരണ കടുവക്കുട്ടികളേക്കാള്‍ ഇവക്ക് വലിപ്പവും കൂടുതലായിരിക്കും.

English summary
Delay in getting a male white tiger from Chhattisgarh's Bhilai zoo for breeding with white tigresses at Kamla Nehru zoo here is hindering efforts of authorities towards multiplying the endangered species.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more