ചൈന ദാരിദ്ര്യമില്ലാത്ത രാജ്യം, മാധ്യമങ്ങള് വിവാദമുണ്ടാക്കുന്നു; വീണ്ടും പ്രകീര്ത്തിച്ച് എസ്ആര്പി
ആലപ്പുഴ: സി പി ഐ എം ആലപ്പുഴ ജില്ലാ സമ്മേളനത്തില് ചൈനയെ പ്രകീര്ത്തിച്ച് വീണ്ടും പൊളിറ്റ് ബ്യൂറോ അംഗം എസ് രാമചന്ദ്രന്പിള്ള (എസ് ആര് പി). ചൈന ദാരിദ്ര്യമില്ലാത്ത രാജ്യമാണെന്നും ചൈനീസ് വളര്ച്ച സോഷ്യലിസത്തിന്റെ നേട്ടമാണെന്നും എസ് ആര് പി പറഞ്ഞു. എന്നാല് കാര്യങ്ങള് പറയുമ്പോള് മാധ്യമങ്ങള് വിവാദമാക്കുന്നു എന്നും അദ്ദേഹം കൂട്ടിച്ചേര്ത്തു. ചൈന ദാരിദ്യം പൂര്ണമായി നിര്മാര്ജനം ചെയ്തു. മറ്റ് രാജ്യങ്ങള്ക്ക് പണം കടം നല്കുന്ന രാജ്യമാണ് ചൈന. മറ്റ് രാജ്യങ്ങളെ നോക്കുമ്പോള് വളര്ച്ചയില് 30 ശതമാനം സംഭാവന നല്കുന്ന രാജ്യമാണ് ചൈനയെന്നും അദ്ദേഹം വ്യക്തമാക്കി.
'ഇത് വസ്തുതയാണ്. ഇതാണ് ഞാന് പറഞ്ഞത്. എന്നാല് ചൈനയെ പ്രകീര്ത്തിച്ചു എന്ന് പറഞ്ഞ് മാധ്യമങ്ങള് അത് വിവാദമാക്കി. താരതമ്യം ചെയ്യാനാണ് ശ്രമിച്ചത്. ചൈന മിതമായ അഭിവൃദ്ധി നേടിയ രാജ്യമായി. ഇന്ത്യയ്ക്ക് എന്തുകൊണ്ട് ഇതിന് പറ്റുന്നില്ല എന്നും എസ് രാമചന്ദ്രന് പിള്ള ചോദിച്ചു. ബി ജെ പി നയം ആര്എസ്എസാണ് തീരുമാനിക്കുന്നത്. കോണ്ഗ്രസില് അമ്മയും രണ്ടു മക്കളും അവരോട് അടുപ്പമുള്ളവരുമാണ് നയങ്ങള് തീരുമാനിക്കുന്നതെന്നും എസ് ആര് പി പരിഹസിച്ചു.
കമ്യൂണിസ്റ്റ് പാര്ട്ടികളുടെയും മറ്റു രാജ്യങ്ങളിലെ വര്ക്കേഴ്സ് പാര്ട്ടികളുമായുള്ള ബന്ധം ശക്തമാക്കാന് ശ്രമം നടത്തുന്നുണ്ടെന്നും അദ്ദേഹം പറഞ്ഞു. രാജ്യത്തെ ഏറ്റവും വലിയ ജനാധിപത്യ പാര്ട്ടിയാണ് സി പി ഐ എം. പാര്ട്ടിയുടെ നേതൃത്വത്തെ അംഗങ്ങളാണ് തീരുമാനിക്കുന്നത്. പാര്ട്ടികളില് ആഭ്യന്തര ജനാധിപത്യം ഇല്ലാത്തത് വലിയ പ്രശ്നമാണെന്നും അദ്ദേഹം കൂട്ടിച്ചേര്ത്തു.
നേരത്തെ തിരുവനന്തപുരം ജില്ലാ സമ്മേളനത്തിലും ചൈനീസ് അനുകൂല പരാമര്ശവുമായി എസ് ആര് പി രംഗത്തെത്തിയിരുന്നു. ചൈനയെ വളയാന് ഇന്ത്യ അടക്കമുള്ള രാജ്യങ്ങളുടെ സഖ്യം നിലനില്ക്കുന്നുണ്ടെന്നും എന്നാല് ചൈന 150 രാജ്യങ്ങളുമായി സൗഹൃദം ഉണ്ടാക്കിയാണ് ഇതിനെ പ്രതിരോധിക്കുന്നതെന്നുമായിരുന്നു എസ് ആര് പിയുടെ പ്രസ്താവന. എന്നാല് ഇതിനെതിരെ പാറശാല ഏരിയ കമ്മിറ്റി രംഗത്തെത്തിയിരുന്നു.
15, 16 തിയതികളിലായാണ് ആലപ്പുഴ ജില്ല സമ്മേളനം നടക്കുന്നത്. കൊവിഡ് വ്യാപനത്തെ തുടര്ന്ന് മാറ്റിവെച്ചതായിരുന്നു ആലപ്പുഴ ജില്ലാ സമ്മേളനം. പ്രതിനിധി സമ്മേളനം മാത്രമായാണ് ജില്ലാ സമ്മേളനം നടത്തുന്നത്. 180 പ്രതിനിധികളും 44 ജില്ലാ കമ്മിറ്റി അംഗങ്ങളും സമ്മേളനത്തില് പങ്കെടുക്കുന്നുണ്ട്.
-
രാഹുൽ ഗാന്ധിയും മല്ലികാർജുൻ ഖാർഗയും ആത്മപരിശോധന നടത്തണം; സിപിഎം -
'പക്വത ഇല്ല,ഭർത്താവിനുള്ള പിന്തുണ തനിക്കും കിട്ടുമെന്ന തെറ്റിധാരണ,ആര്യ രാജേന്ദ്രന് വിനയായത് ഇതൊക്കെ' -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
നടനും സംവിധായകനുമായ ഇഎ രാജേന്ദ്രൻ അന്തരിച്ചു -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു?
Click it and Unblock the Notifications
Sign in with Google