മ്ലേച്ഛമായ കമന്റുകള്, സഭ്യമല്ലാത്ത ഭാഷ, ഫോട്ടോ ഉപയോഗിച്ചു; അവതാരക രഞ്ജിനി ഹരിദാസിനെതിരെ പരാതി
കൊച്ചി: അവതാരക രഞ്ജിനി ഹരിദാസിനെതിരെ പരാതി. തൃക്കാക്കര നഗരസഭാ അധ്യക്ഷ അജിതാ തങ്കപ്പനാണ് എസ്പിക്ക് നല്കിയത്. സമൂഹ മാധ്യമങ്ങളിലൂടെ അപകീര്ത്തിപ്പെടുത്തുന്നു എന്നാണ് നഗരസഭാ അധ്യക്ഷയുടെ പരാതിയുടെ ഉള്ളടക്കം. അഭിനേതാവായ അക്ഷയ് രാധാകൃഷ്ണനെതിരെയും പരാതിയില് പരാമര്ശമുണ്ട്. തൃക്കാക്കരയില് നായകളെ കൂട്ടമായി കൊന്നൊടുക്കിയ സംഭവത്തില് രഞ്ജിനി ഹരിദാസ് ഉള്പ്പെടെയുള്ളവര് കഴിഞ്ഞ ദിവസം നഗരസഭയ്ക്ക് മുമ്പില് പ്രതിഷേധം സംഘടിപ്പിച്ചിരുന്നു.
പിന്നാലെയാണ് പരാതി നല്കിയിരിക്കുന്നത്. രഞ്ജിനി ഹരിദാസില് നിന്ന് പോലീസ് മൊഴിയെടുക്കുമെന്നാണ് വിവരം. പ്രതിഷേധത്തിനും പരാതിക്കും കാരണമായ സംഭവം അറിയാന് തുടര്ന്ന് വായിക്കുക....
കേക്ക് മുറിക്കുന്ന ദുല്ഖറിനെ ക്യാമറയിലാക്കി മമ്മൂട്ടി: വൈറലായി ബര്ത്ത് ഡെ ചിത്രങ്ങള്
തൃക്കാക്കര മുന്സിപ്പാലിറ്റിയുടെ നേതൃത്വത്തില് തെരുവ് നായകളെ പിടികൂടി കൂട്ടത്തോടെ കുഴിച്ചുമൂടിയ സംഭവം വലിയ വിവാദമായിരുന്നു. മൃഗസ്നേഹികള് ഉള്പ്പെടെയുള്ള നിരവധി പേര് പ്രതിഷേധവുമായി രംഗത്തുവന്നു. നായകളെ കൊല്ലുന്നതിന് കോഴിക്കോട് മാറാടുള്ള ചിലരോട് ആവശ്യപ്പെടുകയായിരുന്നുവെന്നും പോലീസ് കണ്ടെത്തി. മൂന്ന് പേരെ അറസ്റ്റ് ചെയ്തു.
നഗരസഭാ ജൂനിയര് ഹെല്ത്ത് ഇന്സ്പെക്ടര് സജികുമാറിനെ ഇന്ഫോ പാര്ക്ക് പോലീസ് കേസില് പ്രതി ചേര്ത്തിട്ടുണ്ട്. ഇയാളാണ് നായകളെ കൊല്ലാന് നിര്ദേശം നല്കിയത് എന്നാണ് പോലീസ് നല്കുന്ന സൂചന. സജികുമാര് ഹൈക്കോടതിയില് മുന്കൂര് ജാമ്യാപേക്ഷ നല്കിയിരിക്കുകയാണ്. ഇതിനെ എതിര്ക്കുമെന്ന് പോലീസ് അറിയിച്ചു.
നഗരസഭ അധ്യക്ഷ അജിത തങ്കപ്പന് ഉള്പ്പെടെയുള്ളവരെ പോലീസ് ചോദ്യം ചെയ്യാനിരിക്കുകയാണ്. ഇതിനിടെയാണ് രഞ്ജിനി ഹരിദാസിന്റെ നേതൃത്വത്തില് കഴിഞ്ഞ ദിവസം മുന്സിപ്പാലിറ്റിക്ക് മുമ്പില് പ്രതിഷേധം നടന്നത്. കണ്ണ് മൂടിക്കെട്ടിയായിരുന്നു രഞ്ജിനിയുടെ പ്രതിഷേധം. ഓഫീസിന് മുമ്പില് പ്രതിഷേധക്കാര് റീത്ത് വയ്ക്കുകയും ചെയ്തു.
നായകളെ കൊന്നവരെ അറസ്റ്റ് ചെയ്തിട്ടുണ്ട്. മാറാട് സ്വദേശികളായ പ്രബീഷ്, രഘു, രഞ്ജിത്ത് എന്നിവരെയാണ് അറസ്റ്റ് ചെയ്തത്. ഇവര്ക്ക് നിര്ദേശം നല്കിയവരെ അറസ്റ്റ് ചെയ്യണമെന്നാണ് രഞ്ജിനി ഹരിദാസ് ഉള്പ്പെടെയുള്ള പ്രതിഷേധക്കാര് ആവശ്യപ്പെട്ടത്. ചെയര്പേഴ്സണ് അജിത തങ്കപ്പന് രാജിവെക്കണമെന്നും നായകളെ കൊല്ലാന് ഉത്തരവിട്ട ഉദ്യോഗസ്ഥരെ പുറത്താക്കണമെന്നും സമരക്കാര് ആവശ്യപ്പെട്ടു.
നായകളെ കൊല്ലുന്നവര്ക്കെതിരെ ശക്തമായ നടപടി സ്വീകരിക്കാന് പര്യാപ്തമായ നിയമം വേണം. വേഗത്തില് ജാമ്യം ലഭിക്കുന്ന അവസ്ഥയാണിപ്പോള്. നൂറിലധികം നായകളെയാണ് കൊന്നുകുഴിച്ചുമൂടിയത്. നഗരസഭാ അധ്യക്ഷ നടത്തിയിരിക്കുന്നത് സത്യപ്രതിജ്ഞാ ലംഘനമാണ്. അവര് രാജിവെക്കണമെന്നും പ്രതിഷേധക്കാര് ആവശ്യപ്പെട്ടു.
ഓരോ നായകളെയും കൊല്ലുന്നതിന് അനുസരിച്ച് മാറാട് നിന്നെത്തിയവര്ക്ക് ഉദ്യോഗസ്ഥര് കൂലി നല്കിയിരുന്നുവത്രെ. നഗരസഭയുടെ കമ്യൂണിറ്റി ഹാളിലാണ് തങ്ങള്ക്ക് താമസ സൗകര്യം ഒരുക്കിയത് എന്നും അറസ്റ്റിലായവര് മൊഴി നല്കിയിട്ടുണ്ട്. പ്രതികളില് നിന്ന് ഹൈക്കോടതി നിയോഗിച്ച അമിക്കസ് ക്യൂറി മൊഴിയെടുക്കുകയും റിപ്പോര്ട്ട് സമര്പ്പിക്കുകയും ചെയ്തിരിക്കെയാണ് രഞ്ജിനി ഹരിദാസിനെതിരെ ചെയര്പേഴ്സന്റെ പരാതി വന്നിരിക്കുന്നത്.
സാമൂഹിക മാധ്യമങ്ങളിലൂടെ അപകീര്ത്തിപ്പെടുത്തുന്നു. നഗരസഭയ്ക്ക് എതിരെ ഉയര്ന്ന ആരോപണങ്ങളില് തന്നെ അനാവശ്യമായി വലിച്ചിഴയ്ക്കുകയാണ്. തന്റെ ചിത്രം ഉപയോഗിച്ച് മോശമായ ഭാഷയില് പ്രചാരണം നടത്തുക്കുന്നുണ്ട്. പലരുടെയും കമന്റുകള് വളരെ മ്ലേച്ഛമാണെന്നും ചെയര്പേഴ്സണ് അജിത തങ്കപ്പന് പരാതിയില് പറയുന്നു. സോഷ്യല് മീഡിയ സ്ക്രീന് ഷോട്ടുകള് സഹിതമാണ് പരാതി.
-
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
സ്വർണം മലയാളികൾ വിൽക്കുന്നില്ല, എന്തുകൊണ്ടാണത്? അടിമുടി പെട്ട് ജ്വല്ലറിക്കാർ..കടുത്ത തിരിച്ചടി -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ആരാധന വോട്ടാകുമോ? തെരഞ്ഞെടുപ്പിനിറങ്ങിയ സെലിബ്രിറ്റികളോട് കേരളം ചെയ്തതിങ്ങനെ... -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി
Click it and Unblock the Notifications
Sign in with Google