തിരുപ്പതി ക്ഷേത്രത്തിലെ 743 ജീവനക്കാര്ക്ക് കൊവിഡ്; 3 പേര് മരിച്ചു
ഹൈദരാബാദ്: തിരുപ്പതി ക്ഷേത്രത്തിലെ 743 ജീവനക്കാര്ക്ക് കൊവിഡ്-19 സ്ഥിരീകരിച്ചു. ലോക്ക്ഡൗണ് നിയന്ത്രണങ്ങള്ക്ക് ശേഷം ജൂണ് 11 നായിരുന്നു ക്ഷേത്രം വീണ്ടും തുറന്നത്. കൊവിഡ് ബാധിച്ച ക്ഷേത്രത്തിലെ മൂന്ന് ജീവനക്കാര് മരണപ്പെട്ടതായും ട്രസ്റ്റ് എക്സിക്യൂട്ടീവ് ഓഫീസര് അനില് കുമാര് സിംഗ് പറഞ്ഞു. ഡ്യൂട്ടിയിലുണ്ടായിരുന്ന സുരക്ഷാ ഉദ്യോഗസ്ഥര്, വിജിലന്സ് വകുപ്പ് ഉദ്യോഗസ്ഥര്, ശൂചീകരണ തൊഴിലാളികള്, തുടങ്ങിയവര്ക്കാണ് കൊവിഡ് സ്ഥിരീകരിച്ചിരിക്കുന്നത്. അതേസമയം കൊവിഡ് ബാധിതരില് 402 പേര് കൊവിഡ് മുക്തി നേടിയതായി ന്യൂസ് മിനിട്ട് റിപ്പോര്ട്ട് ചെയ്യുന്നു.
ജൂലൈയില് മാത്രം ക്ഷേത്രത്തില് 2.38 ലക്ഷം തീര്ത്ഥാടകര് എത്തിയിട്ടുണ്ട്. ജൂലൈ 11 ക്ഷേത്രം തുറന്നത് മുതല് ദിനംപ്രതി 12000 പേര് ഇവിടെ ദര്ശനത്തിനെത്താറുണ്ടെന്നാണ് റിപ്പോര്ട്ട്. ലാഭം പ്രതീക്ഷിച്ചാണ് കൊവിഡ് നിയന്ത്രണങ്ങള്ക്കിടയിലും ക്ഷേത്രം തുറന്നതെന്ന വാദം വ്യാപകമായി പ്രചരിച്ചിരുന്നു.
ഇതിനെ പൂര്ണ്ണമായും തള്ളി കൊണ്ട് ലഭിക്കുന്ന വരുമാനത്തേക്കാള് കൂടുതല് ഇവിടെ കൊവിഡ് പ്രതിരോധ പ്രവര്ത്തനങ്ങള്ക്കായി ചെലവാക്കുന്നുണ്ടെന്നും കേന്ദ്രസര്ക്കാരിന്റെ മുഴുവന് നിര്ദേശങ്ങളും കൃത്യമായി പാലിച്ചാണ് ക്ഷേത്രം തുറക്കുന്തെന്നും അനില് കുമാര് സിംഗ് പറഞ്ഞു.
Recommended Video
തിരുപതിയില് മാത്രമല്ല ഇത്തരത്തില് കൊവിഡ് പടര്ന്നുപിടിക്കുന്നതെന്നും സംസ്ഥാനത്തിന്റേയും രാജ്യത്തിന്റേയും സ്ഥിതി ഇത് തന്നെയാണെന്നും അനില് കുമാര് വാദിച്ചു. നേരത്തെ ക്ഷേത്രത്തിലെ മുന് മുഖ്യ പൂജാരി ശ്രീനിവാസ ദിക്ഷിലുലു ക്ഷേത്ര ട്രസ്റ്റിന് കീഴിലെ ആശുപത്രിയില് മരണപ്പെട്ടിരുന്നു.
ക്ഷേത്ര പുരോഹിതനും ജീവനക്കാര്ക്കും കൊവിഡ് സ്ഥിരീകരിച്ച സാഹചര്യത്തിലും ക്ഷേത്രം അടക്കില്ലെന്ന നിലപാടിലായിരുന്നു അധികൃതര്. അന്ന് 14 ജീവനക്കാര്ക്കായിരുന്നു കൊവിഡ് സ്ഥിരീകരിച്ചത്. ക്ഷേത്ര ജീവനക്കാര്ക്ക് കൊവിഡ് സ്ഥിരീകരിച്ചത് അവിടെ ഡ്യൂട്ടിയില് ഉണ്ടായിരുന്ന ആന്ധ്രപ്രദേശ് പൊലീസില് നിന്നുമായിരുന്നു എന്നായിരുന്നു ക്ഷേത്ര അധികൃതരുടെ വാദം. ഒപ്പം മുതിര്ന്ന പുരോഹിതന്മാരില് ആരേയും ക്ഷേത്ര ചുമതലകളില് നിയോഗിച്ചിട്ടില്ലെന്നും പുരോഹിതന്മാര്ക്കും ജീവനക്കാര്ക്കും പ്രത്യേകം താമസസൗകര്യം ഏര്പ്പെടുത്തിയിട്ടുണ്ടെന്നുമായിരുന്നു ട്രസ്റ്റിന്റെ വാദം.
നിലവില് ആന്ധ്രപ്രദേശില് 138712 പേര്ക്കാണ് കൊവിഡ് സ്ഥിരീകരിച്ചിരിക്കുന്നത്. 2036 പേര് മരണപ്പെടുകയും ചെയ്തു.ഇന്ത്യയില് ഇക്കഴിഞ്ഞ 24 മണിക്കൂറിനിടെ 62064 പേര്ക്കാണ് കൊവിഡ് സ്ഥിരീകരിച്ചത്. ഇതോടെ രാജ്യത്ത് കൊവിഡ് ബാധിതര് 22,15, 075 ആയി. 24 മണിക്കൂറിനിടെ കൊവിഡ് മൂലം മരണപ്പെട്ടത് 1007 പേരാണ്. നിലവില് 634945 പേരാണ് ഇന്ത്യയില് കൊവിഡ് ചികിത്സയില് കഴിയുന്നത് .
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google