Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല്‍ 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
കോവിന്ദിനെ യാത്രയയപ്പ് ചടങ്ങില്‍ മോദി അപമാനിച്ചു? വീഡിയോയുമായി എഎപി, ഫേക്ക് ന്യൂസെന്ന് ബിജെപി
ദില്ലി: പാര്‍ലമെന്റിലെ യാത്രയയപ്പ് ചടങ്ങില്‍ രാഷ്ട്രപതി രാംനാഥ് കോവിന്ദിനെ പ്രധാനമന്ത്രി നരേന്ദ്ര മോദി അപമാനിച്ചെന്ന് ആരോപണം. ആംആദ്മി പാര്‍ട്ടിയാണ് കടുത്ത ആരോപണം ഉന്നയിച്ചത്. ഇതിന്റെ വീഡിയോയും അവര്‍ ട്വീറ്റ് ചെയ്തു. ഇതിന് പിന്നാലെ സോഷ്യല്‍ മീഡിയയില്‍ വലിയ വാക്‌പോരാണ് നടക്കുന്നത്. രാഷ്ട്രപതി എല്ലാവരെയും തൊഴുത് നീങ്ങുന്നുന്നുണ്ടെങ്കിലും, മോദിയോട് കൂപ്പുകൈ നീട്ടുമ്പോള്‍ ഫോട്ടോയ്ക്ക് പോസ് ചെയ്യുകയായിരുന്നു അദ്ദേഹം. ഇങ്ങനൊരു വീഡിയോ ആണ് എഎപി ട്വീറ്റ് ചെയ്തു. സര്‍ ഇവര്‍ ഇങ്ങനെയാണ്, അങ്ങയുടെ കാലാവധി കഴിഞ്ഞു, ഇനി തിരിഞ്ഞു നോക്കില്ലെന്നും ഇതോടൊപ്പം എഎപി കുറിച്ചു.
സമാന രീതിയിലുള്ള വിമര്‍ശനം കോണ്‍ഗ്രസ് നേതാക്കളും ഉന്നയിച്ചതിന് പിന്നാലെ ബിജെപി പരിപാടിയുടെ മുഴുവന്‍ ദൃശ്യങ്ങളും പുറത്തുവിട്ടു. രാഷ്ട്രപതിയെ പ്രധാനമന്ത്രി പ്രത്യഭിവാദനം ചെയ്‌തെന്നും, ദൃശ്യത്തിലെ ഒരു ഭാഗം മാത്രം ഗൂഢോദ്ദേശ്യത്തോടെ പ്രചരിപ്പിക്കുകയാണെന്നും ബിജെപി കുറ്റപ്പെടുത്തി. അതേസമയം ബിജെപി പുറത്തുവിട്ട വീഡിയോയില്‍ രാഷ്ട്രപതി മോദിയോട് കൂപ്പുകൈ നീട്ടുമ്പോള്‍ തിരിച്ച് അദ്ദേഹവും അഭിവാദ്യം ചെയ്യുന്നുണ്ട്. ഇത് ഫേക്ക് ന്യൂസാണെന്ന് ബിജെപിയുടെ ഐടി സെല്‍ അധ്യക്ഷന്‍ അമിത് മാളവ്യ പറഞ്ഞു. വ്യാജ വാര്‍ത്തകളും വഹിച്ച് നടക്കുന്നയാളാണ് സഞ്ജയ് സിംഗ്. വീണ്ടും അദ്ദേഹം പിടിക്കപ്പെട്ടിരിക്കുകയാണെന്നും മാളവ്യ പരിഹസിച്ചു.
കെജ്രിവാള്‍ മുതല്‍ സിസോദിയ വരെയുള്ളവരുടെ നുണകള്‍ നിത്യേന പിടിക്കപ്പെടുന്നു. നാണംകെടുന്നത് ശീലമാക്കിയവരാണ് ഇവര്‍. ഇത്തരക്കാര്‍ക്ക് എങ്ങനെയാണ് മറ്റുള്ളവരെ ബഹുമാനിക്കേണ്ടത് എങ്ങനെയെന്ന് അറിയുകയെന്നും മാളവ്യ ചോദിച്ചു. അതേസമയം വീഡിയോയില്‍ കേന്ദ്ര മന്ത്രി പിയൂഷ് ഗോയലിനെ അടക്കം രാഷ്ട്രപതി കൈകൂപ്പി അഭിവാദ്യം ചെയ്യുന്നുണ്ട്.
ഇടക്കാലത്തിന് ശേഷം ബിജെപിയും എഎപിയും തമ്മിലുള്ള തര്‍ക്കത്തിനാണ് ഇത് തുടക്കമിടുന്നത്. നേരത്തെ അരവിന്ദ് കെജ്രിവാളിന് സിംഗപ്പൂര്‍ യാത്ര ചെയ്യാനുള്ള അനുമതി വൈകിപ്പിച്ച കേന്ദ്രത്തിന്റെ നടപടിയില്‍ ഇരുപാര്‍ട്ടികളും തമ്മില്‍ തര്‍ക്കം നിലനില്‍ക്കുകയാണ്. ദില്ലി ലെഫ് ഗവര്‍ണര്‍ വിനയ് കുമാര്‍സക്‌സേന കെജ്രിവാളിന്റെ സിംഗപ്പൂര്‍ സന്ദര്‍ശനത്തിന് അനുമതി നിഷേധിക്കുന്നത്. ഇതിന് പുറമേ ഉപമുഖ്യമന്ത്രി മനീഷ് സിസോദിയക്കെതിരെ സിബിഐ അന്വേഷണത്തിനും നിര്‍ദേശിച്ചിരുന്നു.
