കോണ്ഗ്രസിന് വീണ്ടും കനത്ത തിരിച്ചടി: ശിവരാജ് പാട്ടീലിൻ്റെ മരുമകൾ ബിജെപിയില് ചേർന്നു
ഡല്ഹി: അനില് ആന്റണിക്കും പത്മജ വേണുഗോപാലിനും പിന്നാലെ കോണ്ഗ്രസിന് കനത്ത തിരിച്ചടി നല്കികൊണ്ട് മറ്റൊരു മുതിർന്ന കോണ്ഗ്രസ് നേതാവിന്റെ മരുമകളും പാർട്ടി വിട്ട് ബി ജെ പിയില് ചേർന്നു. മുൻ ലോക്സഭാ സ്പീക്കറും കേന്ദ്ര ആഭ്യന്തര മന്ത്രിയുമൊക്കെയായിരുന്ന ശിവരാജ് പാട്ടീലിൻ്റെ മരുമകൾ അർച്ചന പാട്ടീല് ചകുർക്കറെയാണ് ശനിയാഴ്ച ബി ജെ പിയിൽ ചേർന്നത്.
മഹാരാഷ്ട്ര ഉപമുഖ്യമന്ത്രി ദേവേന്ദ്ര ഫഡാൻവിസിൻ്റെയും സംസ്ഥാന ബി ജെ പി അധ്യക്ഷൻ ചന്ദ്രശേഖർ ബവൻകുലെയുടെയും സാന്നിധ്യത്തില് അർച്ചന പാട്ടീല് ബി ജെ പി അഗംത്വം സ്വീകരിച്ചു. ഉദ്ഗീറിലെ ലൈഫ് കെയർ ഹോസ്പിറ്റൽ ആൻഡ് റിസർച്ച് സെൻ്റർ ചെയർപേഴ്സണായ അർച്ചന ബി ജെ പി അംഗത്വം സ്വീകരിക്കുന്നതിന് മുമ്പ് ഫഡ്നാവിസിൻ്റെ മുംബൈയിലെ വസതിയായ 'സാഗറിൽ' വച്ച് ബി ജെ പി നേതാക്കളുമായി കൂടിക്കാഴ്ച നടത്തുകയും ചെയ്തിരുന്നു.
അർച്ചനയുടെ ഭർത്താവും ശിവരാജ് പാട്ടിലിന്റെ മകനുമായ ശൈലേഷ് പാട്ടീൽ ചന്ദൂർക്കർ കോൺഗ്രസ് സംസ്ഥാന സെക്രട്ടറിയാണ്. ഇദ്ദേഹം കോണ്ഗ്രസ് വിട്ടിട്ടില്ല. 2004 മുതല് 2008 വരെ ഒന്നാം മന്മോഹന് സിങ് സർക്കാറിന്റെ കാലത്തായിരുന്നു ശിവരാജ് പാട്ടീല് ആഭ്യന്തര മന്ത്രി പദം വഹിച്ചത്. പിന്നീട് 2008 ലെ ഭീകരാക്രമണത്തിന്റെ ഉത്തരവാദിത്തം ഏറ്റെടുത്ത് അദ്ദേഹം മന്ത്രി പദവി രാജിവെക്കുകയും ചെയ്തു.
അതേസമയം, മഹാരാഷ്ട്രയില് നിന്നുള്ള സ്വതന്ത്ര എം പിയും നടിയുമായ നവനീത് റാണയും ബി ജെ പിയില് ചേർന്നു. "കഴിഞ്ഞ അഞ്ച് വർഷമായി, ഞാൻ പ്രധാനമന്ത്രി നരേന്ദ്ര മോദിയുടെ ആശയങ്ങളിൽ പ്രവർത്തിക്കുകയായിരുന്നു, എൻ്റെ പ്രത്യയശാസ്ത്രം വ്യത്യസ്തമല്ല. എൻ്റെ ഭർത്താവ്, എം എൽ എ രവി റാണയും മഹാരാഷ്ട്രയിലെ ബി ജെ പി സർക്കാരിനെ പിന്തുണച്ചു. പ്രധാനമന്ത്രി മോദി താഴേക്കിടയില് പ്രവർത്തിക്കുന്നവരെ പിന്തുണയ്ക്കുന്നു. എനിക്ക് മത്സരിക്കാന് ടിക്കറ്റ് തന്നു, എൻ്റെ കഠിനാധ്വാനത്തെ ബിജെപി മാനിച്ചു. തിരഞ്ഞെടുപ്പിൽ വിജയിച്ച് 400 സീറ്റ് മറികടക്കുകയെന്ന ലക്ഷ്യം ഞങ്ങള് നിറവേറ്റും. ബിജെപിക്ക് വേണ്ടി അർപ്പണബോധമുള്ള പ്രവർത്തകയായി പ്രവർത്തിക്കും," ബി ജെ പി അംഗത്വം സ്വീകരിച്ചതിന് പിന്നാലെ നവനീത് റാണ പറഞ്ഞു.
മഹാരാഷ്ട്രയിലെ അമരാവതി മണ്ഡലത്തിൽ നിന്നാണ് നവനീത് റാണ ബി ജെ പി ടിക്കറ്റില് മത്സരിക്കുന്നത്. കർണാടകയിലെ ചിത്രദുർഗയിൽ നിന്ന് ഗോവിന്ദ് കർജോളിനെയും ബി ജെ പി സ്ഥാനാർത്ഥിയായി പ്രഖ്യാപിച്ചിട്ടുണ്ട്. രണ്ട് സീറ്റുകളും പട്ടികജാതി സ്ഥാനാർത്ഥികൾക്കായി സംവരണം ചെയ്തതാണ്. നേരത്തെ 2019ലെ ലോക്സഭാ തിരഞ്ഞെടുപ്പിൽ സ്വതന്ത്ര സ്ഥാനാർത്ഥിയായി വിജയിച്ച നവനീത് റാണ 2014ൽ എൻ സി പി ടിക്കറ്റിൽ മത്സരിച്ച് പരാജയപ്പെട്ടിരുന്നു. 2019 ല് സ്വതന്ത്രയായി മത്സരിക്കുമ്പോള് എന് സി പിയും കോണ്ഗ്രസും അവരെ പിന്തുണയ്ക്കുകയും ചെയ്തിരുന്നു.
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല്
Click it and Unblock the Notifications
Sign in with Google