മൂന്ന് തവണ കത്തു നല്കി; എന്നിട്ടും ബിജെപി ബി ടീം എന്ന് പരിഹാസം, വിമര്ശിച്ച് ഉവൈസി
നിയമസഭാ തിരഞ്ഞെടുപ്പ് നടക്കാനിരിക്കുന്ന ബിഹാറില് ബിജെപി വലിയ പദ്ധതിയാണ് ഒരുക്കുന്നത്. സംസ്ഥാനത്തിന് നിരവധി കേന്ദ്ര സഹായങ്ങളും ട്രെയിനുകളും അനുവദിക്കുന്നത് തിരഞ്ഞെടുപ്പ് ലക്ഷ്യമിട്ടാണ് എന്നാണ് ആര്ജെഡിയുടെ ആരോപണം. കഴിഞ്ഞ രണ്ട് തവണ തുടര്ച്ചയായി ജെഡിയു-ബിജെപി സഖ്യമാണ് ബിഹാര് ഭരിക്കുന്നത്. ഇത്തവണ എന്തുവില കൊടുത്തും ഭരണം പിടിക്കണം എന്നാണ് ഇന്ത്യ സഖ്യത്തിന്റെ നിലപാട്.
രാഹുല് ഗാന്ധി നടത്തിയ സംസ്ഥാന വ്യാപക യാത്ര ബിഹാറില് വലിയ ഇളക്കമുണ്ടാക്കിയിട്ടുണ്ട്. യാത്രയിലുടനീളം ആര്ജെഡി നേതാവ് തേജസ്വി യാദവും രാഹുലിനൊപ്പമുണ്ടായിരുന്നു. നിരവധി ചെറുകക്ഷികളും മല്സര രംഗത്തുള്ള സംസ്ഥാനമാണ് ബിഹാര്. അസദുദ്ദീന് ഉവൈസിയുടെ മജ്ലിസ് പാര്ട്ടി 2020ല് അഞ്ച് സീറ്റ് നേടിയിരുന്നു.
ഉവൈസിയുടെ നിലപാട് ബിജെപിയെ മാത്രമേ സഹായിക്കൂ എന്നാണ് ഇന്ത്യ സഖ്യത്തിലെ പാര്ട്ടികള് ആരോപിക്കുന്നത്. എന്നാല് ഇന്ത്യ സഖ്യത്തില് ചേരാന് തയ്യാറാണ് എന്നാണ് ഉവൈസി പറയുന്നത്. മജ്ലിസ് പാര്ട്ടി മല്സരിക്കേണ്ടതില്ല എന്നാണ് ആര്ജെഡി നേതൃത്വം ഉവൈസിയുടെ പാര്ട്ടിയിലെ ബിഹാറിലെ നേതാക്കളെ അറിയിച്ചതത്രെ.
മൂന്ന് തവണ കത്തു നല്കി
ഇന്ത്യ സഖ്യത്തില് മജ്ലിസ് പാര്ട്ടിയെ ഉള്പ്പെടുത്തണം എന്ന് ആവശ്യപ്പെട്ട് മൂന്ന് തവണ ആര്ജെഡിക്ക് കത്ത് നല്കി എന്ന് ഉവൈസി എന്ഡിടിവിയോട് പറഞ്ഞു. ലാലു പ്രസാദ് യാദവിന് രണ്ട് കത്തും തേജസ്വിക്ക് ഒരു കത്തും. ഒന്നിനും മറുപടി ലഭിച്ചില്ല. ആറ് സീറ്റ് മാത്രം തന്നാല് മതി എന്ന നിബന്ധനയാണ് തങ്ങള് മുന്നോട്ടുവച്ചതെന്നും ഉവൈസി പറഞ്ഞു.
അധികാരം ലഭിക്കുകയാണെങ്കില് മന്ത്രി പദവി മജ്ലിസ് പാര്ട്ടിക്ക് വേണ്ട. സീമാഞ്ചല് വികസന ബോര്ഡ് രൂപീകരിക്കുക മാത്രം ചെയ്താല് മതി. ഇതിനപ്പുറം എന്ത് വിട്ടുവീഴ്ച ചെയ്യാനാണ് തങ്ങള്ക്ക് കഴിയുക എന്നും ഉവൈസി ചോദിക്കുന്നു. 2020ല് സീമാഞ്ചല് മേഖലയിലാണ് മജ്ലിസ് പാര്ട്ടി മല്സരിച്ചത്. അഞ്ച് സീറ്റില് ജയിച്ചു. എന്നാല് പിന്നീട് നാല് എംഎല്എമാര് ആര്ജെഡിയിലേക്ക് കൂറുമാറി.
സഖ്യത്തിലെടുക്കാന് ബാന്ഡ് മേളം
ശിവസേന എംഎല്എമാര് ബിജെപിയില് ചേര്ന്നാല് ഇവര് വലിയ ബഹളമുണ്ടാക്കും. മജ്ലിസ് പാര്ട്ടിയുടെ നാല് എംഎല്എമാരെയാണ് ആര്ജെഡി കളംമാറ്റിയത്. എന്നിട്ടും തങ്ങളെ ബിജെപിയുടെ ബി ടീം എന്നാണ് വിമര്ശിക്കുന്നത് എന്നും ഉവൈസി പറഞ്ഞു. കഴിഞ്ഞാഴ്ച ലാലു പ്രസാദ് യാദവിന്റെ വീടിന് മുന്നില് ബാന്ഡ് മേളത്തിന്റെ അകമ്പടിയില് ലഘുലേഖ വിതരണം ചെയ്തിരുന്നു മജ്ലിസ് പാര്ട്ടി. സഖ്യത്തില് ചേര്ക്കണം എന്നാവശ്യപ്പെട്ടായിരുന്നു ഇത്.
ഇന്ത്യ സഖ്യത്തില് ചേരാന് പലവിധ മാര്ഗങ്ങളാണ് മജ്ലിസ് പാര്ട്ടി സ്വീകരിക്കുന്നത്. ആര്ജെഡി എംഎല്എമാര് മുഖേന സന്ദേശം കൈമാറിയിട്ടുണ്ട്. എന്നാല് മജ്ലിസ് പാര്ട്ടി മല്സരിക്കേണ്ട എന്നാണ് ആര്ജെഡി നേതൃത്വം അറിയിച്ചത് എന്ന് മജ്ലിസ് പാര്ട്ടിയുടെ സംസ്ഥാന അധ്യക്ഷന് അക്തറുല് ഈമാന് പറയുന്നു. തങ്ങളുടെ പാര്ട്ടിയെ പിളര്ത്തിയവരാണ് ആര്ജെഡി. എന്നിട്ടും അവരുമായി സഖ്യത്തിന് തങ്ങള് തയ്യാറാണ്. പക്ഷേ, ആര്ജെഡി മുഖം തിരിക്കുകയാണെന്നും ഈമാന് പറഞ്ഞു.
-
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
നടനും സംവിധായകനുമായ ഇഎ രാജേന്ദ്രൻ അന്തരിച്ചു -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു? -
ഇന്ന് ലോട്ടറിയെടുക്കുന്നവര്ക്ക് ഭാഗ്യം... ശുക്രദശ തലയ്ക്ക് മുകളില്; ഈ രാശിക്കാരാണോ? -
വിജയ്യെ സഭയിൽ എത്തിക്കാൻ എഐഎഡിഎംകെയുടെ കൈത്താങ്ങ്? പേരമ്പൂരിൽ കരുത്തർക്ക് സീറ്റില്ല, കാരണം? -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഉഗാദിക്കും ശിവരാത്രിക്കും ഞാന് മാംസം കഴിക്കാറുണ്ട്, അതിനെന്താണ് കുഴപ്പം: സിദ്ധരാമയ്യ -
കോട്ടയത്ത് ഒമ്പതിടത്തും പാകത്തിന് പോരാട്ട വേവ്
Click it and Unblock the Notifications
Sign in with Google