'ലോക്സഭ തിരഞ്ഞെടുപ്പില് ബിജെപിക്ക് വന് തിരിച്ചടി നേിരടേണ്ട വരും: 210-215 സീറ്റില് ഒതുങ്ങും'
ഡല്ഹി: ലോക്സഭ തിരഞ്ഞെടുപ്പില് പ്രതിപക്ഷ സഖ്യത്തിന് വന് മുന്നേറ്റമുണ്ടാക്കാന് സാധിക്കുമെന്ന് മുൻ കോൺഗ്രസ് നേതാവും പാർട്ടി വക്താവുമായ സഞ്ജയ് ഝാ. 2024ലെ ലോക്സഭാ തിരഞ്ഞെടുപ്പ് 2004ലെ പൊതുതെരഞ്ഞെടുപ്പിൻ്റെ ആവർത്തനമാണെന്നും അദ്ദേഹം സോഷ്യല് മീഡിയില് കുറിച്ചു. എട്ട് വർഷത്തെ ഭരണത്തിന് ശേഷം ബി ജെ പിയെ പുറത്താക്കി കോൺഗ്രസ് കേന്ദ്രത്തിൽ വീണ്ടും അധികാരത്തിൽ വന്നത് 2004 ലാണ്. അത് ഇത്തവണയും ആവർത്തിക്കുമെന്നും സഞ്ജയ് ഝാ പറയുന്നു.
ആകെയുള്ള 543 ലോക്സഭാ സീറ്റുകളിൽ ബി ജെ പി പരമാവധി 210-215 സീറ്റുകളിൽ ഒതുങ്ങുമെന്നുമാണ് സഞ്ജയ് ഝാ അവകാശപ്പെടുന്നത്. ഏറ്റവും മോശം സാഹചര്യത്തില് ഇത് 200 ല് താഴെയാകാന് സാധ്യതയുണ്ടെന്നും അദ്ദേഹം പറയുന്നു.
യുപിയില് അടക്കം ബി ജെ പിക്ക് തിരിച്ചടി നേരിട്ടേക്കാം. ഇന്ത്യയിലുടനീളം മാറ്റമാണ് പ്രധാന വാക്കെന്ന് തോന്നുന്നു. ഇന്ത്യ സഖ്യത്തിന് അനുകൂലമായ രീതിയിലാണ് കാര്യങ്ങള് മുന്നോട്ട് പോകുന്നത്. ലോക്സഭാ തെരഞ്ഞെടുപ്പിൻ്റെ രണ്ടാം ഘട്ടത്തിന് ശേഷം ഇന്ത്യാ സംഘം ഇത്തവണ വിജയിക്കുമെന്ന് താൻ വിശ്വസിക്കുന്നത് എന്തുകൊണ്ടാണെന്ന് വ്യക്തമാക്കാന് ചില കാരണങ്ങളും അദ്ദേഹം ചൂണ്ടിക്കാട്ടുന്നു.
വ്യാജ പ്രചരണങ്ങള് കൊണ്ട് പ്രേക്ഷകർമാർ മടുത്തു. വോട്ടർമാർക്ക് ഇത്തരം പ്രചരണങ്ങളില് വിശ്വാസം ഇല്ലാതായി. ഈ വിശ്വാസക്കുറവ് ഏറ്റവും അധികം ബാധിക്കുക ബിജെപിയെയാണ്. രാജ്യത്ത് ബി ജെ പി പോലും പ്രതീക്ഷിച്ചത് പോലുള്ള മോദി അനുകൂല തരംഗമില്ലെന്നും മുന് കോണ്ഗ്രസ് നേതാവ് പറഞ്ഞു.
"രാജവംശത്തിൻ്റെയും പ്രീണനത്തിൻ്റെയും അഴിമതിയുടെയും അടിസ്ഥാനപരമായ ആരോപണങ്ങൾ ഒട്ടും പ്രവർത്തിക്കുന്നില്ല. കാരണം ആളുകൾ ബി ജെ പിയിലും അതുതന്നെയാണ് കാണുന്നത്. അത് അവരെ സംബന്ധിച്ച് വലിയ തിരിച്ചടിയാണ് " ഝാ കൂട്ടിച്ചേർത്തു.
"മോദിയുടെ മുസ്ലീം/ന്യൂനപക്ഷ വിരുദ്ധ ധ്രുവീകരണം, അധികാരത്തിൻ്റെ അഹങ്കാരം, കോൺഗ്രസ് ബാങ്ക് അക്കൗണ്ടുകൾ തകർക്കുന്നതിലും അരവിന്ദ് കെജ്രിവാളിനെ അറസ്റ്റ് ചെയ്യുന്നതിലും പ്രതിപക്ഷത്തെ ഭീഷണിപ്പെടുത്തിയതുമായ പ്രധാനമന്ത്രിയുടെ തന്ത്രപരമായ മണ്ടത്തരം, കന്നിവോട്ടർമാരെ വിലകുറിച്ച് കാണുന്നത്" തുടങ്ങിയവയെല്ലാം ബി ജെ പിക്ക് തിരിച്ചടി നല്കാന് പോകുന്ന കാരണങ്ങളാണ്.
ചാഞ്ചാട്ട വോട്ടുകളാണ് എല്ലായിടത്തും തെരഞ്ഞെടുപ്പുകൾ നിർണ്ണയിക്കുന്നു. എന്നാൽ ഇന്ത്യയിൽ ഇത് 50-60% ആണ്. യുഎസ്/യുകെ എന്നിവിടങ്ങളില് നിന്നും വ്യത്യസ്തമായി, വോട്ടിംഗ് പാറ്റേണുകൾ കൂടുതൽ പ്രവചിക്കാവുന്നതേയുള്ളൂ. ബിജെപിയും കോൺഗ്രസും 20-ൻ്റെ ഒരു പ്രധാന വോട്ട് ബാങ്കിൽ സ്ഥിരത കൈവരിക്കുന്നു. ബാക്കിയുള്ളവ മാറി മാറി വരുന്നതാണെന്നും സഞ്ജയ് ഝാ പറഞ്ഞു.
Click it and Unblock the Notifications
Sign in with Google