രാജ്യം വികസിച്ചില്ലെങ്കിലും ആസ്തി വികസിപ്പിച്ച് ബിജെപി; കോൺഗ്രസും മോശക്കാരല്ല, കണക്കുകൾ പുറത്ത്!

കൊൽക്കത്ത: കഴിഞ്ഞ പതിനൊന്ന് വർഷത്തിനിടെ രാഷ്ട്രീയ പാർട്ടിയുടെ ആസ്തിയിൽ ഉണ്ടായിരിക്കുന്നത് വൻ വർധന. ഭരണ കക്ഷിയായ ബിജെപിക്ക് 2004-2005 വർഷത്തിൽ 122.93 കോടിയുടെ ആസ്തിയാണ് ഉണ്ടായിരുന്നെങ്കിൽ 2015-2016 ആകുമ്പോഴേക്കും ആസ്തി 893.88 കോടിയായ വർധിച്ചു. പതിനൊന്ന് വർഷം കൊണ്ട് ഭരണ കക്ഷിയായ ബിജെപിക്ക് ഉണ്ടായിരിക്കുന്നത് 627 ശതമാനം വർധനവാണ്.

സന്നദ്ധ സംഘടനയായ അസോസിയേഷൻ ഫോർ ഡെമോക്രാറ്റിക് റിഫോമും ഇലക്ഷൻ വാച്ചും ചേർന്നാണ് രാഷ്ടീയപാർട്ടികളുടെ ആസ്തികൾ കാണിച്ചുകൊണ്ടുള്ള കണക്കുകല‍് പുറത്ത് വിട്ടിരിക്കുന്നത്. അതേസമയം കോൺഗ്രസിന് 167.35 കോടിയിൽ നിന്ന് 758.79 കോടിയായ ഉയർന്നിട്ടുണ്ടെന്നും കണക്കുകൾ ചൂണ്ടികാണിക്കുന്നു. 25 ലക്ഷം ഉണ്ടായിരുന്ന തൃണമൂൽ‌ കോൺഗ്രസിന്റെ ആസ്തി പതിനൊന്ന് വർഷത്തിനിടയിൽ കൂടിയിരിക്കുന്നത് 44.99 കോടിയായിട്ടാണെന്നും റിപ്പോട്ടിൽ പറയുന്നു.

നിക്ഷേപങ്ങളും വായ്പകളും

നിക്ഷേപങ്ങളും വായ്പകളുമടക്കമുള്ളവയെ പുറത്ത് വിട്ട കണക്കിൽ ഉള്‍പ്പെടുത്തിയിട്ടുണ്ടെന്ന് എഡിആര്‍ ദേശീയ കോ-ഓര്‍ഡിനേറ്റര്‍ അനില്‍ വര്‍മ പറഞ്ഞു.

ആദായ നികുതി വകുപ്പിൻരെ കണക്ക്

തെരഞ്ഞെടുപ്പ് കമ്മീഷനും ആദായനികുതി വകുപ്പിനും പാര്‍ട്ടികള്‍ സമര്‍പ്പിച്ച കണക്കിന്റെ അടിസ്ഥാനത്തിലാണ് സന്നദ്ധ സംഘടനകളായ അസോസിയേഷന്‍ ഫോര്‍ ഡെമോക്രാറ്റിക് റിഫോംസ്(എഡിആര്‍), ബംഗാള്‍ ഇലക്ഷന്‍ വാച്ച് എന്നിവര്‍ കണക്ക് പുറത്ത് വിട്ടിരിക്കുന്നത്.

സിപിഎമ്മിന്റെ ആസ്തി

2004-05ല്‍ 90.55 കോടി ആയിരുന്ന സിപിഎമ്മിന്റെ ആസ്തി 437.78 കോടിയായും വര്‍ദ്ധിച്ചിട്ടുണ്ടെന്നും കണക്കുകളിൽ പറയുന്നു.

ആസ്തി ഇരട്ടിപ്പിച്ച് സിപിഐ

സിപിഐയുടെ ആസ്തി 5.56 കോടിയിൽ നിന്ന് പതിനൊന്ന് വർഷത്തിനിടയിൽ 10.18 കോടിയായി വർധിച്ചു.

ബിഎസ്പിയുടെ വർധനവ് ഇങ്ങനെ...

43.09 കോടിയായിരുന്ന ബിഎസ്പിയുടെ ആസ്തി 559.01 കോടിയായാണ് പതിനൊന്ന് ലക്ഷത്തിനിടെ വർധിച്ചത്. 1.6 കോടിയിൽ നിന്ന് എൻസിപിയുടെ ആസ്തി 14.54 ആയും വർധിച്ചിട്ടുണ്ട്.

English summary

The value of declared assets of BJP has increased from Rs. 122.93 crore in 2004-05 to Rs. 893.88 crore in 2015-16 while that of Congress, it has risen from Rs. 167.35 crore to Rs. 758.79 crore, according to the NGOs Association for Democratic Reforms (ADR) and Election Watch.