Click it and Unblock the Notifications
Just In
Don't Miss
-
IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം? -
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
റോഹിന്‍ഗ്യകളെ നാടുകടത്തരുത്: മോദി സര്‍ക്കാരിനോട് കണ്ണുരുട്ടി സുപ്രീം കോടതി
റോഹിന്‍ഗ്യകളുടേത് സാധാരണ കേസല്ലെന്നും നിരവധി പേരുടെ മനുഷ്യാവകാശം സംബന്ധിച്ച കേസാണെന്നും സുപ്രീം കോടതി ചൂണ്ടിക്കാണിച്ചു
ദില്ലി: ഇന്ത്യയിലുള്ള റോഹിന്‍ഗ്യന്‍ അഭയാര്‍ത്ഥികളെ നാടുകടത്തരുതെന്ന് കേന്ദ്രസര്‍ക്കാരിനോട് സുപ്രീം കോടതി. റോഹിന്‍ഗ്യന്‍ അഭയാര്‍ത്ഥികളുടെ കേസ് അടുത്ത തവണ സുപ്രീം കോടതി പരിഗണിക്കുന്നതുവരെ നാടുകടത്തരുതെന്നാണ് കോടതി കേന്ദ്രത്തിന് നല്‍കിയിട്ടുള്ള നിര്‍ദേശം. രാജ്യസുരക്ഷ പ്രധാനമാണെങ്കിലും രോഹിന്‍ഗ്യകളുടെ മനുഷ്യാവകാശം കണക്കിലെടുക്കണമെന്നും സുപ്രീം കോടതി ഓര്‍മിപ്പിച്ചു. ഇത് സാധാരണ കേസല്ലെന്നും നിരവധി പേരുടെ മനുഷ്യാവകാശം സംബന്ധിച്ച കേസാണെന്നും സുപ്രീം കോടതി ചൂണ്ടിക്കാണിച്ചു.
മ്യാന്‍മറില്‍ നിന്നുള്ള റോഹിംഗ്യന്‍ അഭയാര്‍ത്ഥികള്‍ രാജ്യസുരക്ഷയ്ക്ക് ഭീഷണിയാണെന്നായിരുന്നു കേന്ദ്രം സുപ്രീം കോടതിയില്‍ ചൂണ്ടിക്കാണിച്ചത്. റോഹിംഗ്യന്‍ മുസ്ലിങ്ങളെ അഭയാര്‍ത്ഥികളായി രാജ്യത്ത് നിലനിര്‍ത്താനാവില്ലെന്ന് വ്യക്തമാക്കിയ കേന്ദ്രസര്‍ക്കാര്‍ റോഹിംഗ്യന്‍ മുസ്ലിങ്ങളെ നാടുകടത്തുന്ന വിഷയം ഗൗരവമായി പരിഗണിക്കണമെന്നും കോടതിയില്‍ ആവശ്യപ്പെട്ടിരുന്നു. ഇന്ത്യയിലുള്ള റോഹിംഗ്യന്‍ മുസ്ലിം നേതാക്കള്‍ പാക് ഭീകരസംഘടനകളുമായി ബന്ധം പുലര്‍ത്തുന്നുണ്ടെന്ന ചില രഹസ്യ റിപ്പോര്‍ട്ടുകള്‍ പുറത്തുവന്നതിന്‍റെ അടിസ്ഥാനത്തിലാണ് അടിസ്ഥാനത്തിലാണ് മ്യാന്‍മറില്‍ നിന്ന് ഇന്ത്യയിലെത്തിയ റോഹിംഗ്യന്‍ മുസ്ലിങ്ങള്‍ രാജ്യ സുരക്ഷയ്ക്ക് ഭീഷണിയാണെന്ന് കേന്ദ്രസര്‍ക്കാര്‍ സുപ്രീം കോടതിയില്‍ ചൂണ്ടിക്കാണിച്ചത്.
മ്യാന്‍മാറില്‍ റോഹിന്‍ഗ്യന്‍ മുസ്ലിങ്ങള്‍ക്കെതിരെയുള്ള സൈനികാതിക്രമങ്ങളെ തുടര്‍ന്ന് ആഗസ്റ്റ് 25 ന് ശേഷം 519,000 റോഹിന്‍ഗ്യന്‍ അഭയാര്‍ത്ഥികളാണ് അതിര്‍ത്തി കടന്ന് ബംഗ്ലാദേശിലെത്തിയത്. രാഖിനെയില്‍ സൈനിക പോസ്റ്റിന് നേരെ റോഹിന്‍ഗ്യന്‍ പോരാളികള്‍ നടത്തിയ ആക്രമണത്തിന് ശേഷമാണ് സൈന്യം റോഹിന്‍ഗ്യന്‍ മുസ്ലിങ്ങള്‍ക്കെതിരെ തിരിച്ചടിച്ചത്.
